ميجان ٣ بتنزل بانوراما ؟ متهياءلي لاء
عرض للطباعة
يشرفني طبعا إن الإجابة تكون من الإستشاري ذات نفسه, ولو ع الكلام اللي حضرتك كاتبه يبقي مش مشكلة خالص. أنا قصدي أعطال ف الكهربا أو مشاكل ف العفشة مثلا لا قدر الله بتظهر مع المشي وخصوصا إن الرينو مش مسموح لحد إنه يشتغل فيها (ميكانيكا أو كهربا). عامة كلامك مطمئن وكتر خيرك.
باشا الحاجات دي بتحصل لنا كلنا, لكن الحمد لله مفيش مشكلة ف أي حاجة تانية ؟؟
ميجان 3 هاي لاين المفروض بانوراما بس انت مبتشوفهاش كتير عشان السعر ممكن مرتفع حبتين بالمقارنة بموديلات تانية, أما الفلوينس ففتحة سقف عادية
عذرا اول مره أشوفها
شكلها روعه
بس في وحده تحت البيت بفتحه عاديه !!
الفلوانس عربية عائلية
الميجان 3 عربية شبابية وكمان تليق للجنس الناعم اكتر من الفلوانس
باستثناء كده العربيتين شكل بعض بالضبط
على حسب معلوماتى
ميجان 3 بتنزل مصر بفتحة سقف عادية برضو زى الفلوينس
و فيه واحد صاحبى كانت معاه كان معاه فتحة سقف عادية ( اعلى فئة ) لأن مظنش هينزلوا فئة فيها فتحة سقف و فئة تانية فيها بانوراما
لحد دلوقتي أنا عن نفسي مشوفتش حد أشتكى من حاجة الكهرباء أو العفشة أو الفتيس
بصراحة مش فاهم يعني أيه مش مسموح لحد يشتغل فيها ؟
لو قصدك أن محدش بيشتغل فيها برة التوكيل............لأ فيه بس مش كتير طبعاً.
لو بصيت على موضوع أسمه "تم بحمد الله تعديل الوحش الفرنسي الأسود" أعتقد موجود فى قسم التعديلات هتلاقى صاحب الموضوع معدل فى العربية حاجات كتيرررررر جداً ساعة ما عمل الموضوع.
حالياً كل التعديلات اللى عملها تقريباً غيرها بحاجات أعلى سواء موتور أو عفشة أو أو.
لا تقلق إن شاء الله من الموضوع ده.
باشا الصورة للأمانة من علي موقع إيجي سبيد, وممكن أوي متكونش للموديل اللي بينزل ف مصر هنا. لذلك أعتقد الأخ. مهاب نبيل ف المشاركة اللي بعد كده رأيه ورأيك هم الأصوب. وأسف إذا كنت إديت معلومة غلط.
دي نقطة بتخلليني أميل شويه للفلوينس بصراحة بالإضافة لموضوع إعادة البيع اللي سمعت إنه شويه مش ف مصلحة الميجان
بس كلامك أكيد صح واللي أكدلي كده إن مراتي هتموووت ع الميجان وبتقوللي الفلوينس (عواجيزي) أوي, بس انا مقتنع إنها بسيطة مع لمسة فخامة لا تخطئها أي عين
:w6266d:w6266d:w6266dأنا عارف إن في صنايعية كتير شغالين في الرينو بره التوكيل بس الأفضل الواحد يتابع ع الأقل الصيانات الدورية ف التوكيل عشان الضمان وكده, وبعدين إشاعة إن الفرنساوي مش أي حد بيفهم فيه مخلياني بصراحة قلقان من التعامل مع أي حد خارج التوكيل.
الموضوع اللي حضرتك ذكرته هاذاكره كويس عشان واضح من إسمه إنه مليان معلومات مفيدة بالنسبة لي, وشكرا جزيلا للمتابعة
زى ما الاخوة قالو بالضبط يا اخ zemanovaxxx الميجان و الفلوينس اخوات توئم فى الاجزاء الميكانيكية ...
الميجان 3 تفرق عن الفلوينس فى الاتى ..
-العربية فى الطول اقل ب30 سنتى ..و دول بيفرقو كتير فى اماكن ركن مثلا..
-العربية اخف فى الوزن قليلا ..بيفرقو قليلا فى الحركة الرياضية ,,و يمكن استهلاك الوقود
- الكبوت الامامى و باب الشطنة الخلفية على مساعدين ..
- الاستبن محفوظ اسفل السيارة مش داخل الشنطة...اسهل فى اخراجة و لا يحتاج الى تفريغ الشنطة من محتويتها لاستعمالة
-الشنطة اصغر بنسبة قليلة ولكن مع طى المقاعد الخلفية بتكون المساحة الكلية اكبر من الفلوينس ..و تقدر تشيل حاجات مرتفعة لحد السقف مثلا ...
- ارتفاع السقف فى الكنبة الخلفية اعلى قليلا من الفلوينس
- فى الثبات و الاتزان مافيش اختلاف لان قاعدة العجلات متساوية و العفشة هى هى بالضبط
- طبعا فى مساحة زجاج خلفية فى الباب الزجاج الخلفى ..
- لا يوجد ستائر فى الميجان فى الخلف ..
-باقى الفروق التصميمية فى الكبوت و الشبكة الامامية والفوانيس الامامية والاخلفية و خلافة ...
الاختيار لك فى النهاية و السيارة منتشرة بنسبة اقل من اختها الفلوينس و دة بسبب فكرة المصريين الخاطئة عن الهاتش باك عموما ..رغم انها عملية اكتر فى مواقف كثيرة ..لكن هى موجود و بشوفها فى الشارع ..
اجمالا هى مسئلة ازواق و احتياجات و الراى يرجعلك فى النهاية ...انا شخصيا اشوفها جذابة و رياضية اكتر من الفلوينس ..
بالنسبة لموضوع الستبن اللى تحت دا كنت ماشى فى مرة وعربية وقع منها ستبن فضلت أجرى وراه بيب بيب لحد ما وقفته قلتله الستبن وقع منك ورا :)
كانت عربية نصف نقل
أنا كمان شايف الميجان جذابة أكتر من الفلوينس وإن كانت السيدان طول عمرها ليها أفضليتها علي الهاتشباك كسيارة عائلية أكتر, ويمكن ده هو السبب اللي يخلليني أتخلي عن الجاذبية في مقابل مساحة الشنطة الخلفية للفلوينس اللي باحتاجها كتير بحكم كوني رب أسرة (وأحيان كتيرة وانا راجع من عند حماتي مبتتوصاش بصراحة الست كتر ألف خيرها :hlopaet_prv:)
يا راجل خوفتني إفتكرتها الميجان اللي حصل معاها كده. حصلت معايا قبل كده ولقيت الإستبن بتاع اللي قدامي ف خلقتي ع الأسفلت مباشرة, بس الحمد لله تفاديته بالعافية :ask: