تغيير تابلوه الريجاتا بتابلوه سيينا
السلام عليكم ورحمة الله وبركاته
انا معايا ريجاتا 85 - التابلوه بتاعها سيء جدا
نزلت عزبة شلبي امبارح ودورت كتير جدا وللاسف لقيت اسعار خرافية للتابلوه الاستيراد لقيته عامل 2200
وكمان بتاع الريتمو اللي مكنش بيجيب 600 جنيه لقيته معدي الالف
المهم كان معايا راجل ميكانيكي محترم اوي قالي انه عمل تعديل قبل كده اكتر من مرة وركبلها تابلوه السيينا
وفعلا اشتريت قاطمة السيينا والتابلوه كاملين مش ناقصين اي حاجة وحالتهم ممتازة جدا بــ 1200 جنيه
انا ان شاء الله هبدأ اشتغل فيهم بكرة وهرفعلكم الصور بعد ما نخلص باذن الله