السلام عليكم ورحمة الله وبركاته
والله ياجماعه انا مش اوي يعني ف العربيات ولسه جايب عربيه نوبيرا 2 .. 2007
اوتوماتيك
وفيه كذا حاجه حابب استفسر فيها واتمنى الاقي الرد
ودا لأني ماشاء الله لاحظت ان فيه ناس بجد فاهمه بدل ماوجع قلبي مع ناس بره ومنهم اقارب وغيره بس كتير بيحب الفتي
المهم مش هطول
انا بلاحظ دلوقتي ان استهلاك البنزين ازيد من العادي بمعنى اصح بيتحرق ع استخدام مش حاسس انها بتمشي بالبنزين الي بحطه وبيخلص ع الفاضي
ومش فاهم سببه ايه
يعني مثلا مره فولت وسافرت اسكندريه ولفيت هناك حوالي يومين تمام
هنا ف القاهره ممكن افول ومتقعدش معايا بالرغم من ان بتجنب الزحمه وع الحال دا ماشيه بمزاجها
تاني مشكله
وانا مثلا مدي الـD وداخل ع اشاره وبقف وانا ع الدي ودايس فرامل بسمع صوت زي دبدبه خفيفه
لازم ادي الـ N عشان الصوت دا يروح دا عادي ولا ايه ؟؟
وكمان ف االاول والتاني نفس المشكله
وانا ع فكره لسه مغير تيل فرامل وجلب مقصات وطنابير
تالت حاجه الي مجنناني عداد مؤشر البنزين
شوية الاقيه عند النص وشوية الاقيه اول شرطه تحت امشي شوية الاقيه نط ع النص تاني لدرجة مبقتش اعرف امته احط بنزين لاني بعيد عنكو بنسى كتير بعرف بس احط بنزين اما الاقي علامة الاحتياطي بتظهر
كذا حد يقولي العوامه حد يقولي نضف االتانك
رابع حاجه "اسف للاطاله "
ودي الي مزهقاني بجد اما ببقى طالع والعربيه بارده غالباً مش بتدور من اول مره لازم تدور عالتدويره التانيه او التالته نادراً كده مع نفسها بتدور من اول مره
لكن وهي سخنه بتدور من اول مره عادي ولسه برده مغير بوجيهات هل العيب دا من المارش ولا ايه بالظبط ؟؟
واسف بجد لو طولت عليكم لكن لسه جديد بئا
المفضلات