معلومات كويسة
عرض للطباعة
معلومات كويسة
الله ينور عليك يا استاذ احمد هو ده الكلام الصح الصح:wink: وانا رائى ان كل حاجه نجحه فى البلد لازم يطلعوا 50 عفريت عليها مره يقولك ان العربيه تجميع هندى كلها ومره يقولك تجميع يابانى ومره الموتور ومره العفشه واتحدى ان كل واحد بيكتب اللى بيسمعوا من غيره عن وجه نظره للعربيه وبس فارجوا من كل شخص التاكد من معلومته بنفسه وعدم اثاره مواضيع تضايق اصحاب السيارات او الحاجزين للسياره وانشاء الله انا هستلم قريب وهعمل تقرير بالصور بس ادعولي يارب:U_thin1[1]:
:U_thin1[1]:
لو قصدك عليا -بالحته دى- ردى ممكن يزعلك؟!!! :rolleyes:
أنا قولت فـ المشاركة اللى فاتت:
- انت مش معاك العربية 2013؟؟
إنزل إفتح الكبوت وصور الـAccessories دى.. :camera:
تانى: أتحداك تلاقى كلمة Made-in-Japan أصلا على أى حاجة غير الـECU-injection (سيستم الـECCS تقريبا) هتلاقيه Denso!!
:grinder:
- انتو مش فيه أعضاء عندكو فـ القسم بيروحوا مصنع نيسان-أوتو إيجبت فـ 6-أكتوبر؟؟!!!
فين يعنى مش شايفين ردود!! :duh:
الكلام لو حضرتك قرأته كويس مكتوب في أوله انه موجه للجميع , وانا مش بازعل من كلام مكتوب ولا يهمني في شئ
ومش هاتفرحني كلمة صنع في اليابان لو العربية تعبانة ومش هاتزعلني كلمة صنع في الصين لو العربية ممتازة
والعربية معايا 2013 ومفصصها حتة حتة وعارف كويس فيها إيه قبل ماتكلم عنها
وانا كنت من الناس اللي راحوا المصنع وشافوا بعيونهم
والعربية كويسة ... والله لو مش عاجبة حد مايشتريهاش
ولو العربية وحشة ... ماكانش حد اشتراها
وأعتقد كفايانا جدال سوفسطائي مافيش من وراه أي طائل غير تضييع الوقت
طلب للإدارة بإغلاق الموضوع
راى ....صينى هندى مصرى ...الموتور اثبت كفاءة حتى الان مع كل الناس فى توفير رهيييب للبنزين واداء معقول ...يبقى منشغلش بالنا ...و بعديين انا شايف الاهم من متقفلة فيين و عيوبها ايييه ....توكيلها ايه ..كفاية انها نيسان اللى توكيلها يعتبر احسن توكيل فى التعامل فى مصر (فى الفئة السعرية دى يعنى ) ..ربنا يبارك لملاكها ويديهم خيرها و يكفيهم شرها ...
اهدى شويه يا باشا .... مش شايف ان حضرتك بتتكلم بطريقه مدرس فى الفصل هههههههه
اوعى تكون مدرس ... انا بهزر طبعا
عموما .... انتا مزود الموضوع حبتين ... محدش اتكلم على جوده ولا اعتماديه العربيه بشكل وحش .... انا معايا صنى على فكره الحمد لله
و مش معنى ان الناس تقول ان الأكسيسوريس اللى فى الماتور تجميع هندى تبقى وحشه ... و محدش قال عليها وحشه
بالعكس دى تديك معلومه مفيده عن العربيه اللى انتا راكبها يمكن يجيلك سفريه الهند ولا حاجه تقوم جايب شويه حاجات للعربيه و انتا راجع :36_2_33::36_2_33:
خد الأمور ببساطه ... الناس بتتكلم على العربيه مش على شخص حضرتك يعنى
الحقيقة رد بعض الاعضاء من مالكي العربية غريب و غير مبرر و كأن اللي يعيب في العربية او يقول المحرك مش ياباني كأنه بيغلط فيه , الحقيقة اسلوب حوار متدني جدا.
خلاص يا جماعة اللي جاب العربية مبروك عليه العربية الياباني و ربنا يبارك له فيها بس بلاش غلط و يقولك غير صادق و الكلام ده.
بس المناقشة دي لو محايده هتكون مفيده للناس اللي بتفكر تشتريها هو ده كل الموضوع , فاريت يا جماعة نتكلم بموضوعية و نبطل تعصب.
و ربنا يهدي الجميع
كلام فوميلاتور صحيح 100 % الموتور ياباني وتم تجميعه بالهند وإضافةAccessories مصنعة بالهند