سنسور باركينج قمت بتركيبة ؟

**ibnelfared** · 17-11-2012 01:06 PM

كنت ببحث كدة عن العربيات ولاقيت موضوع أسمة سينسور باركينج ؟
المهم لاقيت أن فى جهاز بيتباع فى السوق أسمة سينسور باركينج عن طريقة تقدر ترجع بعربيتك وأنت فى الأمان بعنى أن هذا الجهاز ليه عدسات بتركب ورا فى العربية بيشتغل على المارشدين لما ترجع ويقولك أو يحددلك المسافة ألى ما بينك وبين الجسم أو السيارة بالمتر ومداه 2.5 متر .
قمت بشرائة وقمت بتركيبة بمعرفتى لأنى بصراحة عندى عقدة من الصنايعية وقولت حتى لو خرب مش مشكلة فقمت فعلا بشرائة ولاقيتة جاى ومكوناتة عبارة عن الأتى :

الشاشة .
الحساسات.
الخادم أو السنتر .
بونطة لفتح الجزء الخاص بالحساسات فى الخلف .
الكتالوج .

وجيبت الشنيور وفتحت على قد الفتحات وروحت مركبهم ووصلت الكابل للمرشدين وكلة بقى زى الفل ؟
الموضوع كويس يا جماعه قوى لأخوانا ألى عندهم مشكلة فى الرجوع للخلف بالعربية وفى نفس الوقت مفيد جدا لو ممكن أشترينا الفيرجن الأحدث ألى هو عبارة عن مراية وفى كاميرا فى الخلف بس مش هاكدب عليكم قولت أن شاء الله فى التحديث هاعمل كدة لما أغير العربية .
أرجوا أنى أكون أفادتكم ولو أحتجتم حاجة مساعدة فى هذا الأمر تحت أمركم ؟

**Mohamedmaree91** · 17-11-2012 01:43 PM

سعره كام ومنين ياباشا

**ibnelfared** · 17-11-2012 01:46 PM

المشاركة الأصلية كتبت بواسطة mohamedmaree91

سعره كام ومنين ياباشا

سعرة من 165 ألى 185 أختلاف محلات .
فى نوع ب 140 و ب125 للأسف ما بيعش عشان الشاشة بتبوظ بسرعة والحساسات بتتأثر بأى حاجة

**Mohamedmaree91** · 17-11-2012 01:47 PM

مكان بيعه فى التوفيقيه ؟؟؟؟؟؟؟

**ibnelfared** · 17-11-2012 02:06 PM

المشاركة الأصلية كتبت بواسطة Mohamedmaree91

مكان بيعه فى التوفيقيه ؟؟؟؟؟؟؟

أه طبعا موجود

**ahmed_gamal777** · 17-11-2012 02:17 PM

الماركة اية
والمسافة ايى لو هتركن فى مكان ضيق

**ahmed_gamal777** · 17-11-2012 02:18 PM

وركبتة فين خرمت الاكصدام والا اية

**ibnelfared** · 17-11-2012 02:24 PM

المشاركة الأصلية كتبت بواسطة ahmed_gamal777

الماركة اية
والمسافة ايى لو هتركن فى مكان ضيق

الماركة الصقر أفضل الموجود فى السوق بعد سؤال كذا صنايعى ؟
والمسافة من 2.5 متر ألى .0.30 سم ولأنها ليها أربع عدسات فل ما هاتقرب يبان على الشاشة ويفر لك زى أنذار كدة

**ibnelfared** · 17-11-2012 02:27 PM

المشاركة الأصلية كتبت بواسطة ahmed_gamal777

وركبتة فين خرمت الاكصدام والا اية

لا ركبتة فى فى الضفر الأخير فى الشنطة ألى تحت الأكصدام يا أستاذ أحمد

**ahmed_gamal777** · 17-11-2012 03:03 PM

طيب خلى بالك من القراية عشان كدة هيبقى فى مسافة بين الاكصدام والعربية الى ورائك ممكن تتخم فيها
وترجع على الى خالفك
بس بصراحة تسلم الايادى وعجبنى ان ركبتها لوحدك - ممكن تصور الى حصل او تشرح او نشوفك نتعلم منك