هى دى المشكلة الحقيقية
مشروع النهضة طلع فشأنك
والكرسي طلع كبير قوى على الإخوان لوحدهم
بس مفيش حد عايز يعترف بالحقيقة
البلد من سئ الى أسوأ
هو ليه كل ما مرسي يزور بلد و لا محافظة يحصل فيها كارثة بعدها على طول ؟!..
نفس الكلام ده كنا بنقوله على مبارك
ومبارك مش هو اللي كان سايق العبارة
ماهو لو مرسي اشتغل بضمير هيجيب حد عنده ضمير غير قنديل
واللي غير قنديل هيجيب حد عنده ضمير غير وزير النقل ده
ولو اللي غير وزير النقل ده عنده ضمير هيعرف يختار الموظفين اللي تحته
يعني في الاول وفي الاخر المسئول هو الراس الكبيرة في البلد او البيج بورص زي مامحمد صبحي كان بيقول في الفيلم
اللي بيقول نلوم مرسي ليه اقولك ليه يا حبيبي زي ما لومتو مبارك ساعة العبارة و قطار الصعيد و الدنيا قامت ما قعدتش دلوقتي ما حدش يلوم مرسي عشان ما نقلقش منامه مش فالحين غير في الهيافات المحلات تقفل الساعة 10 عايزينها ضلمة اكتر ما هي ضلمة كفاية خراااااااااااااااااب بقي ضلمتو البلد و قدمهم شؤم و نحس و جبتولنا الفقر كام حادثة قطار حصلت في وقت قياسي و كل اللي فالحين فيه غزة ما طبعا ما الغاز رايح هناك ببلاش و كذلك الكهربا و احنا هنا عايشين في ضلمة استنو الصيف الجي هانشوف الضلمة علي حق و كل لما تتكلم يقولك بقايا النظام السابق الفاسد انتو بتحطوا راسكو في الرمل ده يدل علي ضعف الشخصية و ضعف المسئولية و قلة الحيلة و الخيبة القوية اذا كان اهيف مشكلة و هي مشكلة الزبالة مش عارفين تحلوها هاهاهاهاه فعلا اللي بيقول مانلومش علي مرسي عنده حق عشان هو مش قدها مصر كبيرة جدا عليه انا احترمه هو شخص محترم و مش حرامي بس لا يصلح
حوادث القطارات (كام حادثة)
رفع الدعم عن البنزين
السياحة اللي هاتختفي
ارتفاع اسعار الكهرباء اللي بتروح لغزة ببلاش (غزة اللي كانت بتروحلها العربيات السيراتو اللي بتتسرق من مصر و الاوبترا و الالنترا 2007 )
مشروع تبرعو قصدي مشروع النهضة
ال 100 يوم
الزحمة
المرور بقي اسواء من الاول
الامن محدش يكدب و يقول الامن في الشارع يافرحتي ب 2000 و 3000 مخالفة مرورية في اليوم ماشي تعالي شوف التعديات اللي علي الشارع من فترة كان في حملة الباعة الجائلين و بخ علي كدة لسة شوية عشان تظبط الشارع صح و تعيد الامن تاني
يا جماعه لازم نكون منصفين وقت العبارة السلام مبارك كان بقاله 25 سنه بيحكم بدون حروب و كمان بياخد معونات فبعد 25 سنه هو مسئول عن كل حاجه في البلد عن المدرس اللي مش بيشرح في الفصل و عن المرور المخنوق و عن رغيف العيش و عن المرتبات عن كل حاجه
انما رئيس جديد مستلم البلد في حاله سيئه و اوضاع مترديه ازاي نحاسبه علي نتيجه تراكمات سنين بعد سنه او سنتين حكم
القوانين اللي يشرعها الرئيس دلوقتي و القرارات اللي ياخذها ممكن تأثر تأثير سريع في المواضيع البسيطه لكن تحتاج سنين علشان يبان تأثيرها في المواضيع الكبيره زي الصحه و التعليم و المرور و الاسكان.
لكن احنا بنساعد الحاكم املين انه يكون بيخطط لطريق فيه تقدم و نراقب و اللي عنده بصيره و رؤيه ممكن يكون شايف احنا في الطريق الصح ولا لأ
لكن بعد مدة رئاسيه كامله نقف و نتحاسب و نشوف احنا فين يعني
التعليم مثلا :
كثافة الفصول كانت كام و بقت كام (مدن و قري)
هل لسه بتحتاج تودي ابنك درس خصوصي و لا المدارس قامت بدورها
لسه بنفكر في التعليم الخاص و لا تعليم الحكومه بدأ يجذب الطبقه الوسطي تاني
مستوي المناهج و قيمه محتواها مع تطور و احتياج السوق
معدل التسرب من التعليم
نسبة الاميه
و هكذا من خلال معاير موضوعيه قابله للقياس في كل نواحي الحياه من صحه و اسكان و اسعار و مستوى معيشه
نقيس و نقرر احنا بنتقدم و معدل التقدم ده احنا راضيين عنه و لا لأ
ربنا يصلح حال البلد ان شاء الله و يرزقنا حكام عدول و و عندهم رؤيه و فكر
ان لله وان اليه راجعون --- المشكلة في ضعاف النفوس والذمم المشكلة في الشعب ودي كان سببها مبارك اولا واخيرا محاولاته البائسة للحفاظ علي الكرسي فدمر التعليم والصحة والنفوس والذمم من خلال محاباة الظالم واذلال المظلوم فبقت الشله كلها فاسدة --
افتين في الشعب المصري
1- الفتي كلنا فتايين نحب نفتي في كل حاجة عارفين ولا مش عارفين منحبش نقول منعرفش او معرفش دي كلمه اتلغت من قاموس حياة المصريين من زمان وصراحة الزمن ده بالذات مينفعش فيه الفتي
2- الفهلوة كل ماتقول لواحد تعرف تعمل حاجة يقول اه وهزبطها 100% كل حاجة عنده فهلوة وفتي
بمناسبة حادثة القطار لو ان سائق القطار عنده خبرة وعلم في قيادة القطارات لما حدث ماحدث ولكن كله بالفهلوة يعدي يجيب واسطة تعدية في اختبارات الهيئة = يرشي حد من الهيئة وكله حلو مالقطر ماشي علي السكة لوحدة ايه اللي هينزلة عليها == مفيش ليه مدرسة واحدة تبع الهيئة تخرج دبلوم فني وقيادة قطارات كله بالفهلوة يعدي ونبقي سواقين قطر وبعدين نعمل اضرابات واعتصامات عاوزين حقوقنا
........* نفس الموضوع سائق الباص (العنوان مكتوب في الجريدة مثلا مطلوب سائق باص مدرسي خبرة 10 سنوات براتب مغري )اغلب المتقدمين جايببن الرخصة بالواسطة والرشوة والفهلوة ميعرفش يمينه من شماله كل اللي يعرفه عن الباص بنزبن فتيس دبرياج وسلامتك وياعم ربنا يسترها هو احنا اول ولا اخر اللي سايقين سيارات -- يجي يساله صاحب المدرسة معاك شهادة خبرة يرد البيه السواق ايون ياباشا ويقوم مطلع شهادة خبره ب25 سنة خبرة من مدارس الاليسية موثقه من المدرسة والشهر العقاري والخارجية والقوي العاملة ووزارة النقل ونقابة السواقين والمحافظة وهيئة السكك الحديد (معرفش ليه؟) وكمان موثقة من الخارجية والقنصليات المصريه في الخارج --- ويتعين سواق لايعرف السما من العمي ويسوق لاطفال وطلاب مدارس ويجري بيهم اقصي مايقدر عشان يلحق يوصلهم عشان يجري يلحق يعمله فردتين علي صباحية ربنا والقطر معدي يااسطا ياسطي القطر معدي يرد البيه السواق قطر ايه هو احنا هنخاف مالقطر علي اخر الزمن دا القطر يخاف مننا ان ملوك السكك الحديد وسواقين التروماي اوعي يابني ويدوس بنزين عشان يعدي قبل القطر ويستني المخرج بتاع الفلم يعديه علي اخر لحظة والتلاميذ تصفق له وتوزع شيكولاته علي مهارته الفذه وانه سبق القدر ويبقي هو السائق الذي سبق القطار ---- لكن للاسف تحصل الماساه يصدم القطار بالباص وميكونش هناك مخرج فلم ولامصور ولاتسقيف ولا حاجة ولاشيكولاته ولا بيبيسي يكون هناك جثة 65 جثة وعشرات المصابين ودماء واشلاء وباقي قطار بائس وباص متهور ودموع وحزن اهالي الضحايا ومحدش قال نراجع شروط السلامة في المركبات والسكك الحديدية ماحدش قال نراجع رخص السائقين ومعرفته بقوانين واداب المرور محدش قال نراجع رخص سائقي القطارات وفنياتهم محدش قال لازم التامين علي المركبات والاشخاص البعض لعن مرسي واترحم علي ايام مبارك والباقي لعن مبارك علي ايام مرسي كان مرسي ولامبارك هم السواقين
وبعد دا كله نسال هو ماتش الاهلي الساعة كام؟
انا لله وانا اليه راجعون
ربنا يصبر اهل الاطفال
ربنا يرحمهم
هي ليه المصايب بقيت تحصل ورا بعضها وبصورة متلاحقة في ظل وزارة قنديل؟؟؟؟؟؟؟؟؟؟؟؟
ربنا يستر علي اللي جاي