هذا الوضع لم أعد أطيقه أو أحتمله

**haysam2000** · 19-11-2012 06:32 PM

المشاركة الأصلية كتبت بواسطة haysam2000

اولا اطيب التحيه لحضرتك يا بشمهندس
هو فعلا كلنا لاحظنا وجود عقليات رجعيه و لا تصلح للحوار او النقاش او حتى ابداء راى فى وسط مجتمع يفترض انه يسوده الأحترام المتبادل قبل النقاش او عرش الأراء و طول عمرنا كده فى نايل موتورز
اولا انا لسه جديد على هيونداى و حضرتك من الناس اللى مواضيعها علمتنى حاجات كتير معرفهاش و افتكر انى مش اول واحد اقول ان لو حضرتك سبتنا يبقى كلنا خسرنا الأحترام و المعرفه الطيبه و الخبرة
من فضلك متسمحش لحد مستواه فى التفكير يكاد يكون بالسالب مش لحاجه اكتر من انه متعلمش التناقش البناء انه ياثر عليك او يبعدك عننا و افتكر ان الجزاء الأدارى للشخص او الأشخاص دول امره سهل
لكن خسارة حد زى حضرتك امر صعب جدا
اتمنى انك تتقبل منى طلبى بالرجوع فى قرار الأنسحاب ده

انا اسف ملاحظتش ان حضرتك رجعت
حمدلله على السلامه وربنا يديم المحبه بين الأعضاء

**devil_storm** · 19-11-2012 09:47 PM

المشاركة الأصلية كتبت بواسطة semsem kane

طيب والنبى مش مكسوف من نفسك , نفسى اشوف ليكوا موضوع فية techno , كدة

لكن الصراحة انا بأحس وانا فى قسم هيونداى انى داخل " قسم ال sales فى غبور "

هما الاسعار والفئات بأنواعها وشكرا

وعلى فكرة دة مش عيبكوا انتوا يعنى كمان متهيألى من غير البشمهندس سمير كان قسم هيونداى اتعملة مزاد علنى واتباع بالشفعة لادايو او كيا او شيفرولية

و احقاقا للحق , دة مش عيب الاعضاء بس عربياتكوا هية اللى بتفرض عليكوا كدة لانها نازلة

للانتشار وليس الابهار , فية فرق كبير اوى

وعموما ياباشا ياريت تشوف قسم هوندا كويس لانة قسم هوندا بسياراتة اللى نص سيارات هيونداى مسيطرة على كل نقطة واى موضوع تتخيلة موجود فى القسم , خلاص يابنى وصلنا للعالمية عايز اية تانى ؟؟؟؟

صفى قلبكوا شوية

يا سمسم انت عارف اني بنكشك ذي مانت بتنكش فينا لما هريتنا هاهاها و قسم هوندا محدش يقدر يقول عليه كلمه لانه فعلا من الاقسام المتميزه و بدخل عليه باستمرار و انت بجد فعلا عامل احلي شغل فيه و بستفاد فعلا من كل مواضيعك علشان كده بيسعدنا جدا و يشرفنا لما تشارك في القسم بتاعنا رغم هجومك المتواصل علي هيونداي
عموما قسم هوندا بقيادتك يا باشا مش محتاج حد يتكلم عليه و يا ريت متحرمناش من مشاركاتك في القسم عندنا و ربنا يديم المحبه و المعروف بنا كلنا

**Mohamed.Ramah** · 19-11-2012 11:10 PM

لو كل شخص فى المنتدى محترم وبيبذل مجهود للمنتدى انسحب يبقى حندخل نعمل فية اية كل منا بيتميز بشىء ووجودنا بيضيف للمنتدى وبيفيد الاعضاء يبقى الحل بالمواجهة مش بالانسحاب وياريت علشان تريح نفسك متردش لما تلاقى الكلام راح لمجرى بعيد عن هدف الموضوع او مجال النقاش وهنا دع الادارة تتدخل ولا تحمل نفسك فوق طاقتك انا مش مع حضرتك فى الانسحاب

**SAMEH_FOUAD** · 19-11-2012 11:20 PM

المشاركة الأصلية كتبت بواسطة devil_storm

يا سمسم انت عارف اني بنكشك ذي مانت بتنكش فينا لما هريتنا هاهاها و قسم هوندا محدش يقدر يقول عليه كلمه لانه فعلا من الاقسام المتميزه و بدخل عليه باستمرار و انت بجد فعلا عامل احلي شغل فيه و بستفاد فعلا من كل مواضيعك علشان كده بيسعدنا جدا و يشرفنا لما تشارك في القسم بتاعنا رغم هجومك المتواصل علي هيونداي
عموما قسم هوندا بقيادتك يا باشا مش محتاج حد يتكلم عليه و يا ريت متحرمناش من مشاركاتك في القسم عندنا و ربنا يديم المحبه و المعروف بنا كلنا

وانت عارف ياديفيل انك حبيبى من ايام مواضيع كتييييييير , وبجد انت من الناس المحترمة جدا فى المنتدى عموما وقسم هيونداى خصوصا , والله ليكوا معزة خاصة فى قلبى لما بشوف مواضيعكوا وبشارك فيها ببقى عارف انى بكلم ناس فاهمة وعارفة وهتتقبل النقد وهترد بكل احترام

تحية كبير لقسم هيونداى ولاعضاءة اللى فى قمة الاحترام والتميز

وعايزين بقى نتعرف عليك ياباشا مش ناوى تيجى المقابلة ولا اية

على فكرة انا كمان بنكشك انت عارف مش عارف يأاخى مش عارف لية مش قادر ابعد القسم دة

**Mohamed.Ramah** · 19-11-2012 11:24 PM

وياريت طلب من خلال قسم هيونداى بلاش مواضيع الانسحاب دة خاصة الاشخاص المميزين والقريبين لقلوبنا بدون ان نراهم ولاكن بمحبة فى الله لانهم مش بيبخلو بمعلومات ودايما بيفيدو نا بدون مقابل لان الواحد مخنوق اصلا من ان المنتدى اخبارة والمواضيع حتى اقسام كتير نايمة فمش حتكمل بان البيعمل مواضيع لها قيمة كمان يمشى لو لاقيت كدة تانى حسيب المنتدى انا بحذركم :)