الموضوع: حد يعرف ورشة سمكرة نضيفة لكيا ريو 2013

السلام عليكم
كنت عايز أعرف حد يعرف ورشة سمكرة نضيفة علشان العربية و هي راكنة حد حيوان خبطها و جابلي من أول الربع الأخير في الباب القدماني يمين لحد الباب اللي ورا و كسر الأكرة اللي ورا و ماشاء الله عمل خط غائر في الصاج و النهاردة واحدة بعربية جيب فرملت قدامي فجأة و الفرامل ملحقتنيش فلبست فيها من ورا هي طبعا محصلش عندها حاجة و أنا العربية إترحلت لورا سنة يعني الكبوت مبقاش يقفل علي الرفارف بقي في مسافة بين الرفرفين و الكبوت و لمبة الإشارة شمال إتحرقتو البيت بتاعها إتكسر إنما الباغ و الفانوس سلام و الباب بقي بيعمل طقة و هو بيفتح علشان الرفرف رجع عليه سنه فعايز أروح أعملها كلها كده و أركنها شوية لحسن العربية شكلها خدت عين زي الزفت فعايز أعرف حد يعرف ورشة كويسة و تقريبا التكلفة المبدئية

ياه كل ده ؟ مرتين ورا بعض دا مين اللي حسدك ده ؟ خلي بالك منه لاحسن يموتك في مره هههههههههههههههههههه

شوف نايل موتورز وشوف التوكيل برضه خليه يعمل كشف ويقدر لك التكلفة علشان محدش يتلكك لك في التوكيل ويقول لك خارج الضمان

وياريت لو كام صوره علشان ممكن نقول لك هتتقدر بكام التكلفة علشان ااذ كنت تعمل حسابك