ارجو المساعده
الفانوس الخلفى لعربيتى اتكسر
العربيه بيرسونا 2012
حد يعرف اجيبه منين فى اسكندريه وسعره كام
وشكرا لحضراتكم
عرض للطباعة
ارجو المساعده
الفانوس الخلفى لعربيتى اتكسر
العربيه بيرسونا 2012
حد يعرف اجيبه منين فى اسكندريه وسعره كام
وشكرا لحضراتكم
انا مقدرش افيدك فى اسكندريه
بس انا كان عندى نفس لمشكله من اسبوعين تقريباً وغيرته من عند محل المدينه فى شارع دمشق فى القاهره وكان بــ 340 جنيه مع العلم ان بيرسونتى 2009
بيتهيقلى هيبقى فى نفس الرنج مش اكتر كتير
وكايد باقى الاعضاء الكرام هيفيدوك عن محلات قطع الغيار فى الاسكندريه
يا ريت تلاقيه في محلات قطع الغيار خارج التوكيل، واعتقد أنه صعب تلاقيه لأنه شكل جديد ومختلف عن الشكل القديم، وزي ما حضرتك عارف أنه بقى ليدات في 2012، فضلاً عن انه سعره مبالغ فيه للغاية في التوكيل.
الفانوس الخلفي الكامل بالليدات في التوكيل بـ 1200 جنيه حسب معلوماتي!!
حضرتك ممكن تتصل بقطع الغيار بالتوكيل فرع أبو رواش، وتسأل على مدى توافره وتتأكد من سعره.
رقم قطع الغيار 01008725828
وربنا يوفقك وتلاقيه خارج التوكيل الفظيع!
الف شكر يا جماعه على الردود
بس انتو عارفين انا اتصلت بالتوكيل عز العرب اسكندريه
عارفين حضراتكو سعر الفانوس كام
سعره 2000 جنيه والله العظيم ده اللى حصل
بدون مبالغه قاللى بالحرف الواحد
سعر الفنوس 1850 جنيه + 10% ض مبيعات يعنى 2000
لمجرد انه شكل جديد بالزمه مش حرام
علما بان الشكل السابق سعره 500 جنيه فقط
يا أستاذ ياسر ربنا يعينك،
ده اسمه استهبال، هو فرع اسكندرية مش تبع عز العرب إللي في أبو رواش، ولا ده في دولة تانية!
الفانوس الخلفي الواحد الشكل الجديد بـ ليدات
عز العرب فرع الأسكندرية بـ 2000 جنيه
عز العرب فرع أبو رواش بـ 1200 جنيه
* على فكرة أنا اتصلت بعز العرب فرع أبو رواش، وقالوا لي السعر ده!
بالطريقة دي، ماكانش لازم تعديل الفوانيس، القديمة كان شكلها كويس، وتؤدي الغرض.
بتضارب الأسعار بالشكل ده، والمبالغة الشديدة فيها بهذه الدرجة، ده توكيل غير أمين، وليس محلاً للثقة!
ممكن حضرتك تسأل في محلات قطع غيار بروتون في القاهرة، سواء الحرفيين أو الجيزة.
إن شاء الله، ربنا يوفقك وتلاقيه متوفر عندهم.