الزجاج الامامي اتشرخ وصلحته هل هي مخاطره ولا عادي

بعد السلام عليكم
صحيت الصبح علي شان كنت مسافر وبروق زجاج العربيه لاقيته مشرروخ :no: طبعا جالي تشوك من المنظر لاني كنت ركنها سليمه
الحمد لله في السراء و الضراء المهم احتسبته عند الله وتاني يوم اتصلت بالتوكيل اسال علي الازاز لاني بخاف اوي من الحجات دي خصوصا لما سمعت ان حد في المنتدي الازاز فرقع في وشه وهو علي 200 حاجه كدا المهم قالوا لي انه ب 2000 جنيه اي والله الفين مش 200 وتركيبه 400 فتحت المرجع بتعنا المنتدي لقيت حلين
اصلح الزجاج او اروح لدكتور جريش وطبعا جبت النمره من هنا بس الانسر بتاع د جريش قال اي يوم ماعدا الجمعه والسبت والنهار ده السبت
رحت علي د خالد والزجاج اتصلح و الشرخ باين انه خربوش كبير بس مش كسر
السؤال ايه اللي ها يحصل بعد كده مش عارف
متانه الزجاج ايه مش عارف
ممكن الشرخ يسرح مش عارف
لو سرعه العربيه زادت ممكن يطرقع مش عارف
طب هايعيش اد ايه مش عارف معلش اصل انا موسوس جدا في القصص دي يعني ممكن اصبح الصبح علي د جريش عدل
بس اللي انا عارفه انه مرضي يعني بعد ما كان شرخ بقي زي ما يكون تجريحه
انا قلت اقول لكم علي التجربه واعرف اكتر من اللي سبقونا ايه اللي ها يحصل

ممكن توصف الشرخ ده ,
بمعنى هل هو شرخ من بداية أي طرف للزجاج و ينتهي بالداخل في أي إتجاه ,
الناس بتوع الإزاز بيقولوا لو الشرخ بدأ من أي طرف يبقى اسمه شرخ مفتوح و ده معناه إنه لازم هيفتح و هيزيد ,
لكن لو الشرخ من الداخل يعني بدايتة و نهايتة داخل الإزاز يبقى الشرخ ده اسمه شرخ مقفول , و ده في الغالب مش هيزيد .

اكرم باشا هو الشرخ جي من الطرف اللي فوق بعد 20 سم من ناحيه اليمين ولف برضو ناحيه يمين
والراجل مديني ضمان مدي الحياه بس احنا في مصر
وكان اخونا كريم منير قال ان الضمان حقيقي بس احنا في مصر بردو
المشكله اني بخاف جدا من الحجات اللي فيها امان دي فخايف ان الزجاج يفرقع وانا ماشي او حتي واقف ويعمل مشكله
بالنسبه لنوع الشرخ ما بتفرقش مفتوح من مقفول مع ضغط الهوا والعربيه بتجري كله المفروض يسرح بس سافرت بيها قبل ما تتصلح ومسرحش ولا حاجه
وكنت عاوز اعرف تجارب الناس التانيه علي شان اذا كان فيه خطوره او مخاطره بلاش منه واروح جريش
معلش هتعبكم معايا ومتشكر مقدما

انا كان معايا لانسر مو 98 وفعلا حصل معايا نفس اللى انت قولت عليه وصلحت الشرخ وفضل معايا حوالى سنتين لحد ما بعت العربيه ولم يحصل اى حاجه الحمد لله مع العلم انى علطول كنت بسافر بالعربيه

بس برضه للأمان حاول تروح تغيره احسن مفيش حاجه مضمونه ممكن يكون اللى عمله ليا عنده ضمير

انا عملته عند دكتور خالد اللي في شارع المرغني تقريبا هو الفرع الرئيسي بتاعه بس ليه بتقول غيره احسن انت سمعت حاجه كده ولا كده عليه ولا ايه
انا بشك في نفسي و حواف اوي من الحجات دي

لو معمول كويس مفيش مشكلة
لازم تتابعه و تتأكد ان مبيحصلش زيادة في الشرخ حتي لو 1 مللي
لو ثابت ان شاء الله مفيش مشكلة

2400 زجاج أمامي . . . تصدق ناس معندهاش دم:dots:

اقتباس:

---

المشاركة الأصلية كتبت بواسطة Islam_galal

2400 زجاج أمامي . . . تصدق ناس معندهاش دم:dots:

---

يا باشمهندس انت كده ظلمتهم الزجاج ده رخيص جدا لان الرمله ومكونات الزجاج غاليه جدا في البرازيل كمان بيتشحن في مركب تلات اشهر ومقعدين اربعه علي ورديتين شيلين الزجاج بحرص خالص علي شان مايتكسرش كماناربعه في المخزن امال يعني يتكسر اظن انه كده يبقي ببلاش بس اللي مستغرب له صحيح لزقه ب 400 بس ومافيش ناس شيلينه بس مش عاوز اظلمهم يمكن بيسلموهولك واربعه ضغطين عليه اربعه ايام لايفك ولا حاجه
تصدق لو الواحد جاب عربيه كامله من دول وبعها قطع غيار هتتباع ب 900 الف جنيه علي افتراض انك هتبعها بنص تمن التوكيل و والله لو كذا حد شارك لادخل بالنص احسن من قرف التوكيل ده

( احسن ) دى علشان الوقايه افضل من العلاج

شوف يا باشا
دكتور خالد الميرغني لينا عندهم خصم 15% وكنا مستنين صيغة التعاقد واول ما تدخل هاتلاقي استيكر نايل موتورز في وشك على الازاز
------
الازاز المستورد فعلا بيبقي غاللي عشان الشحن واحتمالية الكسر
ثانيا عشان نوعية السليكون اللي بيركبوة بيه
انا شوفت علبة السليكون بتاعت دكتور جريش صناعة انجليزي والعبوة تمنها عليهم تجاري 90 جنية بتعمل عربية ونص
يعني لزق بس ب 60 جنية
الثلاثي ولا اي حد بتاع ازاز بيستعمل السليكون ابو 7 جنية العلبة ويشوة منظر العربية
لكن السليكون الاصلي بيخرج عامل زي حبل اسود غليظ كدة ولما بيتشال ما بيسبش اثر زي الفابريكة تمام
كل ده ليه تمنة طبعا
وتوكيل فولكس حرامية شوية
لان زجاج الكرولا الاصلي الياباني ب 1500 جنية

السيليكون الاسود المستورد ده بيتباع فين يا كريم
و هل في منه عبوات صغيرة

ازيك يا كريم عامل ايه معلش المقابله بتاعه 6 مجتش علي شان كان زفاف واحد حبيبي وكنت زعلان علي شان مجتش وبتاعه شهر 7 ايه اخبرها مسمعتش عنها حاجه خالص
حبيب قلبي كريم ديماُ حاضر ربنا يخليك
انا فعلا قريت ان الزجاج عندك انشرخ وما لحقتوش ووسع ربنا يعوض عليك ويجعل في ازاز جريش البركه و التاني يخد الشر ويروح يا رب
انا صلحت الزجاج خلاص عند خالد بس مقلق من التصليح ده بصراحه وعاوز حد يقول تجاربه وفعلا كان ب 60 جنيه وعملته علي شان ال2400 مره وحده كده كتير غير اني صارف كتير الشهر ده اساسا وفيه مشاريع مصاريف اخري و جريش قافل يوم السبت قلت الحمه وخلاص واخلص لحد ما افضي واروح لجريش بس برضوا قلق جدا
حد ياولاد الحلال يدلني فيه خطوره اغير الازاز ولا استني يخد نصيبه وعقبال الزلطه الجايه بس
والسلام ختام