عرض للطباعة
كنت احب اسأل اخوانى فى المنتدى طقم دبرياج (ديسك واسطوانة وبلية)ميتسوبيشى طبعا بكام دلوقت فى السوق وهل منه انواع مضروبة علشان اخلى بالى
الطقم بتاع العربية ضرب لكن للامانة المدام عندى رجليها تقيلة شوية على الدبرياج والدنيا بتبقى زحمة ممكن يكون ده السبب
تقبلوا تحياتى
اكثر من 50 مشاهدة ومافيش رد عموما ده شئ كويس وموضوع طقم الدبرياج ده موش منتشر ومشكلة سيارتى دى حالة فردية
أكيد الأسعار حتختلف يا دكتور ما بين أصلي وما بين كوبي أوريجينال وما بين صيني .. حتلاقي فئات كتير وأسعار كتير .
المهم هو فعلاً حد جرب قبل كدة يغير طقم الدبرياج خارج التوكيل .. وهل هو فعلاً بتاع اللانسر ولا حاجة تانية .. يا ريت تتأكد من المعلومة دي قبل ما تشتري ... ومفكرتش ليه تغيره في التوكيل .
هو فعلا ياجماعة بتاع اللانسر البومة وده اللى قالى عليه سواق تاكسى غيره قبل كده وجابه بحوالى 450ج والميكانيكى خد منه 100ج
والله هو المدام تركت السيارة للاسطى نبيل الميكانيكى راجل سكرة بصراحة تحت البيت عندى على طول وقال لها هنجيب الطقم اليابانى بتاع اللانسر وان شاء الله على اخر اليوم هتكون السيارة خلصت وهابلغكم بالتطورات
تقبلوا تحياتى
فى انتظار ادق التفاصييييل يادكتوووووووووووووور :Bravo:
متابع ..........
اخر الاخبار لسة واصلة الان لانى موش عايش فى مصر زى ما انتم عارفين انه سعر (الاسطوانة كورى )والديسك والبلية يابانى -350 جنيه بس (والله يابلاش) ارخص من اسعار التوكيل بالنسبة للقطع الصينى
والمدام جربت العربية مشوار صغير كدة من صقر قريش لكارفور المعادى فالانطباع المبدئ انه صوت العربية اتكتم تماما وبقى ناعم جدا والسحب رجع جامد زى الاول بالرغم انها للاسف مشيت بيها وزيت الفتيس كان ناقص والميكانيكى لسة هيزوده بكره
بالنسبة لتمن التغيير لالسطى نبيل قالها بعدين موش مهم لما يزود الزيت (هو اصلا راجل محترم وبيتعامل مع المدام تعامل مختلف لانه عارف انه انا موش معاها واوقات كتير بيعمل حاجات وبيرفض ياخد تمن تغييرها
وغدا ان شاء الله ممكن اعرف لكم تفاصيل اكتر من كدة
تقبلوا تحياتى
ألف مبروك على طقم الدبرياج الجديد .. ويا ريت تقولنا إذا كان فيه صوت ونه من الفتيس زي ما بيقولوا ولا راحت .
الف مبروك يادكتور ومستنى باقى التفاصيل وعنوان الميكانيكى بالتفصيل وتليفوناته .....
ومين اشترى الحاجة المدام ولا الميكانيكى ؟؟؟؟!!! :b4_388::b4_388::b4_388:
الف مبروك يا دكتور ... وطالما الميكانيكى راجل محترم يبقى ها يجيب الحاجة الاصلى .... يا ريت كمان نعرف اسمها او موديلها كام لانها اكيد بتاعة المتسوبيشى ...اقتباس:
المشاركة الأصلية كتبت بواسطة hany901119
يادكتوووووووووووووووووووو ووووووور ؟؟؟!!!
ايوة نعم يا استاذ هانى؟اقتباس:
المشاركة الأصلية كتبت بواسطة hany901119
اقتباس:
المشاركة الأصلية كتبت بواسطة lonedoctor
عاوز تفاصيل أكتر عن الأداء .. وعنوان الميكانيكي .. راجع المشاركات في الضفحة السابقة .
هل هناك اى جديد فى موضوع الاسطوانة والديسك او الاداء ؟؟
وياريت ت الميكانيكى وعنوانه لو امكن !!!! :inlove:
والله المشكلة انه انا موش عايش فى مصر والمشكلة حصلت للسيارة فى مصر والمدام عندى هى اللى بتستخدمها فانا باحاول اعرف منها بالظبط التفاصيل قدر الامكان لانها طبعا خبرتها فى الميكانيكا او التعليق على التغيرات فى السيارة ضعيفة جدا
المهم النهاردة انا عرفت الميكانيكى اخد 120 جنيه وعرفت انه سعر القطع 390 جنيه وليس 350 جنيه والاسطوانة والديسك كورى وليس يابانى والبلية هى اللى يابانى وسعرها 90 جنيه وال 300 جنيه سعر الديسك والاسطوانة
الانطباع الذى حدث بعد التغيير على حسب كلامها انه
صوت الونة اختفى ولم يتبقى الا صوت المحرك الطبيعى
صوت المحرك اصبح مكتوم فى المجمل ومنخفض وكان فيه نعرة كده بتظهر مع السرعة بعد 80 ك/س اختفت ايضا
السحب طبعا رجع مثل الاول
فى المجمل حست انه السيارة اصبحت متماسكة كانك ركبت ليها عفشة جديدة
انا ان شاء الله نازل اجازة بعد شهر ونص ولما هاجرب السيارة هاحاول اعطيكم تفاصيل اكتر من كدة
بالمناسبة احتمال كبير احولها غاز لو بنزين 92 غلوه
الميكانيكى اسمة الاسطى نبيل عندنا فى الشارع تحت العمارة على طول عنده ماشاء الله ورشتين جنب بعض وعدد ضخم من الصنايعية وامكانيات كويسة فى الورشة مثل الونش اللى بيرفع العربية كلها لفوق زى التوكيل وعنوانه مايتوهش لو انت جاى من الجيزة على الدائرى فى اتجاه التجمع هتلاقى يمينك نزلة لصقر قريش المعادى تنزل منها يمين هتلاقى الطريق بيلف بيك يمين اجبارى وبعدين بدل ما تلف شمال علشان تمسك الاوتوستراد فى اتجاه حلوان تنزل يمين تانى فى اخر شارع من شوارع صقر قريش بين العمارات هتلاق الاسطى نبيل اخر ورشة على الشمال والشارع اصله قصير فيه تلات عمارات شمال وزيهم يمين وانا ساكن فى اخلر عمارة شمال فى نهاية الشارع تطلع تتغدى وتشرب الشاى عندى لغاية ما عربيتك تخلص عرض خاص لاعضاء المنتدى
تقبلوا تحياتى