الموضوع: أخطر الطرق...

طريق الموقف الجديد ده احدي عجائب التطبيقات الهندسية و يثبت الآتي:
1- لا يوجد ضمير.
2- لا يوجد خبير.
3- لا يوجد مدير.
4- لا يوجد .....
و بالتالي فهنيئا لمصر ان تصنف انها احدي قمم الفساد في العصر الحديث
طبعا كلنا عارفين ان الطريق جديد و يطل عليه قيادة المرور في اسكندرية

المشاركة الأصلية كتبت بواسطة جندى مجند

أنا فعلاً أعتقد الدائرى دة كله و بالذات المناطق دى فيلم رعب بكل معنى الكلمة -- أنا بتبقى أعصابى مشدودة جداً لو اضطريت أسوق فيه ليلاً -- بالنسبة لاسكندرية أعتقد ان رغم كل التكسير و الشوارع البايظة عندنا لكن السرعات برضة محدودة و السواقين "طيبين" خالص مقارنةً بالقاهرة! لكن أعتقد من أخطر الطرق عندنا بالذات ليلاً امتداد الطريق الزراعى فى محرم بك (اللى فيه الموقف الجديد و مرور محرم بك) ... الطريق فيه مجموعة هضاب غير عادية فى النصف الأيسر من الطريق فى الجنبين ... نفسى أفهم التكوينات الهضبية دى ايه تفسيرها الجيولوجى و مش لاقى اجابة الى الآن!

انا اقولك

دى ياسيدى ليست هضاب, ولكنها بلوكات خرسانيه مدفونه فى الأرض لزوم الصرف الصحى (اسمها غرف تجميع), ما حدث ان الحراميه اللى عملوا الطرق لم يقوموا بدك التربه جيدا حول هذه الغرف الخرسانيه عند الأنشاء, ولما تم استخدام الطريق حدث الهبوط المتوقع تحت تأثير احمال العجلات, ولكن الغرف الخرسانيه لم تهبط مثل باقى الأرض لآنها ضخمه و شديده الصلابه. يعنى التربه هبطط من حولها وتركتها عاليه كده

الحمد لله انها فى اقصى اليسار تحت الجزيره الوسطى والا كانت بقت مأساه

بالنسبه ليا فبحكم الشغل باسافر من المنصوره للقاهره بقالى اكتر من 7 سنين على الطريق الزراعى و اسوء مرحله فييه ما بين بنها لغايه شبرا بصراحه لازم الاقى على الاقل حادثه او اكتر فى المسافه دى يوميا و خاصه ان الطريق عليه كثافه مروريه كبيره جدا و خاصه ايام الخميس و الجمعه و تقريبا الطريق و انت خارج من شبرا بيكون واقف تماما لغايه بعد قليوب و ممكن الواحد يقعد فى المسافه دى حوالى ساعه بالاضافه الى وجود مجموعه لابأس بها من سيارت الاتارى و البلايستيشن المسماه الميكروباص و دى مخصصه للكسر على الملاكى و الوقوف امام العربيات فجاءه و التزنيق و الكلاكسات و النور العالى اللى شغال على طول علشان يحسس اللى قدامه ان الطريق بتاعه هوا لواحده يعنى حاجه بصراحه اخر قرف :x