مشكله فى السيريون

**HaNo_ELBeh** · 18-11-2012 02:41 PM

اولا تحياتى لكل اعضاء دايهاتسو ثانيا انا معايا سيريون موديل 2010 ماشيه 14000 ك ماشاء الله من حوالى 10 ايام سمعت صوت دربكه مع السرعه البسيطه من ناحيه الخلف على الطرف اليمين وكنت محتار من الصوت لانى شكيت فى المساعد او الطنابير الخلفيه وكنت كل ماامشى على السرع البسيطه اسمع الصوت المهم قلت اروح اغسل العربيه من الاسفل يمكن يكون الصوت بسبب العفشه فيها طين مثلا بس الصوت مرحش المهم روحت حاجز ميعاد فى التوكيل السبت اللفات ودخلت العربيه للكشف عن سبب الصوت والدربكه وكانت المفاجئه او الصدمه بالنسبه لى لقيت المهندس بيقولى ان الصوت ده نتيجه ((علبه الدريكسيون)) قلتله العربيه مشيه 14000 ك قالى عيب صناعه وهيتم تغيرها مجانا علشان العربيه لسه فى الضمان بس انا محتار هل العربيه هترجع زى الاول وهل التوكيل هيعرف يظبط علبه الدريكسيون ويظبط الزوايا ..ارجوا من سيادتكم الافاده برايكم.وشكرا

**mohamed_rhem** · 19-11-2012 10:32 AM

اولا ربنا يباركلك في عربيتك

ثانيا موضوع علبة الدركسيون ده المهندسين والفنيين علي اعلي مستوي

انا غيرت علية الدركسيون في ابو رواش في اقل من ساعة وبيظبطوا الزوايا وبيغسلولك العربية كمان

اخيرا وجب تنبيهك بأن اللون الاحمر لمداخلات الادمن طبقا لقواعد المنتدي

**HaNo_ELBeh** · 20-11-2012 04:24 PM

المشاركة الأصلية كتبت بواسطة mohamed_rhem

اولا ربنا يباركلك في عربيتك

ثانيا موضوع علبة الدركسيون ده المهندسين والفنيين علي اعلي مستوي

انا غيرت علية الدركسيون في ابو رواش في اقل من ساعة وبيظبطوا الزوايا وبيغسلولك العربية كمان
[/gdwl][/gdwl]
اخيرا وجب تنبيهك بأن اللون الاحمر لمداخلات الادمن طبقا لقواعد المنتدي

نسيت اسال حضرتك ليه غيرت علبه الدركسيون

**bmya** · 20-11-2012 10:39 PM

بص يا فندم عيب علبه الدركسيون منتشر في معظم السيريون وعربيات تانيه كتير على فكره ش السيريون بس وغالبا بيظهر في العربيات الباور الكهربه
بما ان حضرتك لسه في الضمان يبقى طبعا غيرها في الضمان
بعد الضمان بقه ممكن تعملها بره بكل سهوله وهي مشكله بسيطه على فكره

**mohamed_rhem** · 25-11-2012 05:58 PM

المشاركة الأصلية كتبت بواسطة hanyfarag

:s_thum1[1]:شكراا لحضرتك للتوضيح بس معنى كلامك ان الباور الزيت افضل من الكهربا

مش مسألة احسن واوحش

لما يكون في مقارنة بيقي في مزايا وعيوب

وانت تشوف اللي يناسبك

واحد يقولك المانيوال افضل من الاتوماتيك وواحد يقولك العكس

اكيد كل واحد له طلبات غير الثاني

اولا الثبات لصالح الباور الكهربائي

اعطال اقل من وجود سير وطلمبة وخراطيم

ولعلم حضرتك المشكلة اللي ظهرت في الاسكاتر ( علبة الدركسيون وليس الباور)

**bmya** · 26-11-2012 06:06 AM

زي ما محمد ماقال بالظبط المسأله ازواق + تعود الباور الكهربه لو اتعودت عليه مش هتعرف تسوق الباور الزيت وفي ناس شايفه العكس ان الزيت افضل
بالنسبه للعيب ده زي ما محمد قال برده الصوت ده من علبه الدركسيون او الاسكاترا ملوش دعوه بالباور الكهربه
والحمد لله محدش اشتكه تقريبا من باور الكهربه بتاع السيريون عكس عربيات تانيه ناس اشتيكت منه فيها واتلغى فعلا منها وبقوا بينزلوها زيت مش كهربه بس الدايهاتسو عربيات محترمه برده