-
بفكر أشترى ماتيريا
السلا م عليكم
دلوقتى أنا بفكر أشترى ماتيريا و قلقان جدا جدا عشان أنا كان معايا رينو كليو اوتوماتيك و كنت بحبها جدا بس بعتها عشان أجيب رينو ميجان أو سينيك بقالى سنه بدور على حاجه نضيفه كسر زيرو ملقتش اﻷى على مزاجى فزهقت و قلت أفطر فى عربيات تانيه فبالصدفه شفت الماتيريا و معرفش عنها حاجه و بدأت أعرف ابعض المعلومات عنها فلقيت امكانيتها كويسه بس مش عارف برده مش لاقى تقارير بصور عنها و مش مساعده من حد زى قسم رينو اللى بحبه جدا لانه تقريبا كل الناس فى منتدى رينو بيحبوا بعض و بيساعده بعض فأنا خايف من النقله ديه و أكون وقعت فى حيطه سد
بصراحه عايز أعرف هل الماتيريا حتبسطنى زى الرينو و تقارن بالرينو
عموما أنا قدامى دلوقتى رينو سينيك 2005 فابريطا بس مبهدله و قدامى ماتيريا 2009 نضيفه جحا و فابريطا و حاله رائعه بس خايف ياريت معلومات أكتر عن الماتيريا و أرئكوا برضه ياريت ضرورى ضرورى
ولطم جزيل الشكر
-
العربيتين من العربيات النضيفة جدا والغير منتشرة جدا والمتعبة جدا لأي حد حايجيبها.
من اسس اختيار العربية المستعملة انتشار قطع الغيار والناس اللي بتفهم فيها.. لأن بعض الأعطال اللي ممكن تقابلك أول ما تشتري العربية (واللي صاحب العربية 90% بيبيعها بسببه) ممكن واحد فاهم يخلصهالك ب 100 جنيه في حيث ان التوكيل حايعورك جامد (ممكن تعدي ال 5 بواكي) خصوصا ف عربيات مش مشهورة (أو مافيش اللي يفهم فيها برة) زي الماتيريا والسينك.
أما في اعادة البيع فا العربيات دي بيشتريها فقط اللي عاوز حاجة متميزة (أو مختلفة عن الباقي) أو هواية.
للعلم التركيز علي نوع واحد في المستعمل بالذات حايدوخك وبرضه مش حتلاقيه.. ممكن تحط قدامك أكتر من نوع وتدور وحتلاقي اللي انت عاوزه ان شاء الله. ولو انت خلاص ناوي علي واحدة من الاتنين يبقي الدايهاتسو ماتيريا علي أساس الحالة وان السينك شبه منقرضة ف مصر بشرط تكون ال 1500 مش ال 1300.
-
لو الماتريا حالتها محترمة توكل علي الله
Content Relevant URLs by
vBSEO 3.6.0 PL2