ياجماعة تسمحولى اضيف كام نقطة مهمة جدا
اولا اى توكيل فى الدنيا لو اتكتب فية كلمة البيع للنفس لايجوذ الغاءة الابوجود الطرفين
تعنى انا مثلا لو عملت لواحد توكيل رسمى عام بيع وشراء وسحب الفلوس من البنك وكل حاجة يعنى ممكن يجوزنى كمان
طالما مكتبتش كلمه النفس - البيع للنفس يبقى انا ممكن الغى التوكيل دة بمفردى وهو هيوصلوا علم وصول بالغاء التوكيل
لاكن لو كتبت كلمة النفس يبقى لازم يجى معايا لالغاء التوكيل او ارفع علية قضية لالغاء التوكيل
لية الكلام دة .... علشان التدليس والجريمة
يعنى مثلا نفترض انا عملت توكيل رسمى عام مكتوب فية بيع للنفس وكان ينفع الغية لوحدى .... ورحت لغيتوا مثلا مهو اللى معاه التوكيل ممكن يجى فى اى وقت ويكتب عقد بيع املاك مثلا بتاريخ قديم قبل مايتلغى
التوكيل ويقدموا وهيعترفوا بيه
طب مهوا ممكن انا مكتبش فى التوكيل البيع للنفس بس بعد ما الغى التوكيل بمفردى ييجى ويقول انا كنت بايع كذا بتاريخ قبل الغاء التوكيل ... بس طبعا هيقول اناكنت بايع كذا لشخص اخر علشان مش مذكور بة البيع للنفس ... يبقى ساعتها لابد من وجود شخص ثالث متواطئ معاه
يعنى فى الحالة الاوله - شخص واحد بس بينصب
فى الحالة الثانية لابد من وجود شخص بينصب+ شخص متواطئ معاه
طب لية عملوا التوكيل المذكور بيه كلمة البيع للنفس لايلغى الا بوجود الطرفين علشان ساعه لما تروح تلغيه هتبقا جلسة وقضية والقاضى هيطلب من الشخص اللى انتا عاملوا التوكيل انو يجيب كل عقود البيع الى هو حررها قبل تاريخ الالغاء وهيمضية على انه لايوجد معاه اي عقود اخرى لم تقدم ولو قدم اى عقد بعد كده لا يعترف بة
علشان كدا توكيل العربية بيذكر بة كلمة البيع للنفس علشان لا يلغى الا بوجود الطرفين
عقد بيع العربية بيتكتب فية اية او الصح يتكتب فية اية
بيتكتب فية عقد بيع للنفس وللغير والتعامل مع المرور
والتعامل مع المرور دى لازم تتكتب وتختلف تماما مع كلمة الترخيص
يعنى كلمة الترخيص اياك تكتبها فى العقد
انما التعامل مع المرور لازم تتكتب لية ..... علشان لو الرخصة مثلا اتسحبت منوا يعرف يروح المرور يجيبها
والمرور طالما مش مكتوب فى العقد كلمة التعامل مع المرور والترخيص طالما كلمة الترخيص مش مكتوبة مش هيعرف يرخص العربية تانى باسمك
يارب اكون افدت
واكون منستش اى حاجة ,,,,,, ولو اى حد لية اى يعقيب على كلامى ومتأكد منوا يقولوا طبعا الواحد هيعيش طول عمروا بيتعلم