السلام عليكم .. كانت العربية واقفة تحت يوم الجمعة وشوية عيال شياطين كانوا بيلعبوا المهم طوبة وطاخ في إزاز الباب اللي ورا يمين الإزاز كله اتسرطن ووقع ...الحمد لله
المهم كلمت التوكيل السعر 370 من غير الضريبة والمصنعية ..طبعا كتير قوي وخصوصا إن نوع الإزاز عادي جدا مفيهوش أي مميزات (ولا عزل حرارة ولا لون ولا حاجة خاصة يعني)
فـكلمت دكتور جريش فرع مصر الجديدة اللي في شارع دمشق مالقيتش عنده فكلمت محمود عمر بتاع إزاز في شارع السودان لقيت عنده نوع استيراد امريكي اللوح بالتركيب عامل 170 ورحت له وركبت تاني يوم الحمد لله ...هو تقريبا نفس لون الإزاز الأصلي بتاعها (مخضر شوية كده) بس الفرق الوحيد إنه محمل شوية عن الأصلي (اتخن مللي واحد) وده بيخليه اتقل شوية ..بمعنى لو بطلع الازازين اللي ورا الأصلي التاني بيطلع قبله بـثانية واحدة
حبيت أشارك معاكم الموضوع ...