يا ردااااله انا عندي عقده من الدواز
في شويه اسباب واكله دماغي بخصوص الزواج
اول حاجه ان دخلي يبقي كويس اعرف افتح بيت وانا مستريح
تاني حاجه ان الواحد يلاقي واحده تناسبه
و ديه مشكله كبيره في حد زاتها
فأقرأوا الموضوع ده و انت تعرفوا
http://www.nilemotors.net/Nile/271616-a.html و بعدين نيجي بقي في نقطه اني لقيت واحده محترمه و مناسبه ليا
اللي انا شايفه برضوا ان لازم هتخنق و ازهق من الجواز و من روتينه الممل
و ديه الاسباب
1- لو هي كويسه و مش بتاعت مشاكل و محترمه مانا ممكن برضوا ابقي رخم في حاجات كتير لأني مش
بحب المشاوير الكتير اللي علي الفاضي و المليان والزن ووجع الدماغ و العيال و قرفها و الروتين و قعدت البيت معاها
2- لو انا اللي كويس و هي اللي رخمه و زباله يبقي هي جابتها من الاخر و هتخنق منها و من الجواز واطلقها علي طول
3-لو احنا الاتنين رخمين وزبالتين و مش مقدرين بعض هيبقي حياتنا عباره عن مشاكل ليل و نهار و قرف وبرضوا هطلقها
4- طيب لو احنا الاتنين كويسين الحمدلله مع بعض و متفاهمين
برضوا هزهق منها و احس اني عايش مع واحد صاحبي في اقل من سنه :majd(4):
ده غير بقي في كل الحالات انا مش بحب مشاوير تروح لي امها كل شويه و يقعدوا يرغوا و امها تاكل دماغها بعدين تيجي تقرفني في الاخر...غير بقي المشاوير العائليه الممله و قعدت الناس الكبيره .. ابوها و عمها و خالها
و الناس الحمضانه ديه اللي يقعد يكلمك عن بطولاته الوهميه و انه كان صاحب عرابي و هو اللي وزه علي الثوره
انه عمل كل قرش من كفاحه الفحيت و انه كان بيجيب الفلوس من بوق العوو...(و العو اصلا مش لاقي ياكل)و الحروب اللي خاضها من اول الحرب العالميه قبل الميلاد....
و هري و تأليف للصبح
نيجي بقي في نقطه الخلفه:048[1]:
1- لو ربنا كرمني و خلفت اكيد هاحب اربيهم كويس و اعلمهم يعني ايه يكون انسان محترم في دنيته و اخرته
طيب ما هو كده هيطلع عين امه لما يكبر و يشوف الواقع اللي احنا فيه والعيل عذاب دنيته هشيلها انا
2- لو سبت العيال و ربتهم تربيه نص كم ذي بقيه العينه اللي بشوفها دلوقتي
ما هو كده برضوا هيطلع عيل ابن كلب زباله و عايز الحرق
3- لو طلع الواد مقرف و يطلع بقي اللي انا عملته في اهلي!!
اكيد هولع فيه بجاز:fun_broken:
4- طيب لو طلع كويــــــــــــس ...برضوا مش هسيبوا و هطلع اللي اهلي عملوه فيا:018A1D~146:
و في كل الحالات اللي انا شايفه بصراحه من اول عيل يجي علي الاحداث علي طول :C_laugh[1]:...
انا اصلا مش بحب العيال و زنهم
غير بصراحه حرام الواحد يخلف و يجيب عيال الواحد عارف انها هتتعذب في الدنيا بعيدا عن انا عايز اخلف ولا لأ
شكلي ابدء ادور علي دكتور نفسي يفكلي العقده ديه :biggrin:
بس خايف يطلع كل الدكاتره عندها عقده من الجواز و عايزين دكاتره نفسيه هما كمان:C_laugh[1]:
انا بصراحه مش عايز اتجوز...ما انا عايش ملك زماني(مش ملك اوي يعني...ممكن تقولوا غفير زماني:36_7_4[1]:)