الموضوع: الزياره الثانيه لغبور طريق اسماعليه الصحراوى

المشاركة الأصلية كتبت بواسطة ashraf_ibrahim

لو هنقارن ال 900 جنيه اللي دفعتهم بال 8000 جنيه ثمن القطمة يبقا صفقة رابحة
عموما كويس انها هتتغير في الضمان بس تابع معاهم واقرفهم عشان احيانا ممكن قطعة الغيار تيجي وينفضوا للعميل لو هو مش متابع معاهم

انا هقرفهم اساسا كل يوميين هكلمهم لو عدى اسبوع و محدش كلمنى هروحلهم بقى اخربهااا عندهم لان كداا كتييير بس ربنا يكرم و يتصلو او يقولو موجوده عندهم فى خلال الاسبوع دا

المشاركة الأصلية كتبت بواسطة hossam_elwani

طيب وحيستفادو ايه ؟؟

هيستفادوو كتييييييييييييير ممكن جدا يكون مفيش من القطمه دى غير قطعتيين و انا معايا ضماان فا مش هدفع غير المصنعيه و بالتالى احتماال كبيير واحد يجى نفس اليوم بره الضمان و هيغيرهاا فا دى الاستفاده فى الموضوع و بس و الله اعلم

المشاركة الأصلية كتبت بواسطة shaddadfalcon1

وبيقولك قطع غيار وصيانه رخيصه

سيدى الفاضل قطع الغيار و الصيانه فى اى توكيل فى مصر بنفس الثمن ممكن تلقى الفرق بسييط انما فعلا هيونداى و كيا و شيفروليه بره التوكيل قطع الغيار رخيصه جدا جدا بس اللى بيخلى الواحد يروح التوكييل حاجه زى اللى حصلتلى دى عشان الضمان

ال 180 جنيه دول مش سعر تغير التيل لاده سعر صيانه ال35 الف و من ضمنها تغير التيل يعنى انت قولت انا عملت صيانه ال35 و ده تمن الصيانه ممكن تجيبلنا الفاتوره بالتفصيل و نقدر افيدك ان شاء الله لان 180 جنيه كتير و غلط

المشاركة الأصلية كتبت بواسطة ahmedcar

ال 180 جنيه دول مش سعر تغير التيل لاده سعر صيانه ال35 الف و من ضمنها تغير التيل يعنى انت قولت انا عملت صيانه ال35 و ده تمن الصيانه ممكن تجيبلنا الفاتوره بالتفصيل و نقدر افيدك ان شاء الله لان 180 جنيه كتير و غلط

الفاتوره فى العربيه هجبها النهارده ان شاء الله و اكتب اللى فيها بالتفصيل ان شاء الله :)

اولا ربنا يعوضك خير....
ثانيا:::: هو تيل الالنترا hd مش نفس التيل بتاعك ولا في اختلاف؟؟؟؟؟؟؟؟؟
لاني اعتقد انه الالنترا و i30 نفس الموتور و العفشة بس اختلاف البودي
لو انا غلط حد يصححلي المعلومة......

المشاركة الأصلية كتبت بواسطة king_de_egypt

الفاتوره فى العربيه هجبها النهارده ان شاء الله و اكتب اللى فيها بالتفصيل ان شاء الله :)

بص يا باشا
تيل فرامل ................ 650 جنيه
مصناعيه ورشه ............. 180 جنيه
مصناعيه ورشه ............. 50 جنيه
10% ضريبه مبيعات ...... 88 جنيه

الاجمالى ................................. 968.00