صورة لعفشة الكيا كارينز2013 الجديده

**esam_ayad** · 25-11-2012 08:09 PM

المشاركة الأصلية كتبت بواسطة 2code

لأ هو نتكلم الحق نقصد بالثبات مش ثبات السرعة العالية في الطريق المستقيم لأ دا في اكبر من كده اذا اخدت حارة بسرعة المالتي لينك هيديك ثبات ممتاز جداً جداً

لكن التورشن بيم ممتاز برضه مقلتش حاجة ومعظم العربيات نازله بيه ومفيش مشكلة بس المالتي لينك افضل منه يعني هي درجات بس الدرجة الاعلى المالتي لينك

لكن مش كل الثبات يكون من العفشة سواء ان كانت تورشن بيم او مالتي لينك لأ الكارينز نفسها هتديك ثبات لانها تقيله اساساً فهي فئه السيارات العائلية

وخلي بالك التورشن بيم مريح في السواقة عن المالتي لينك لان المالتي لينك بيديك جودة على السرعات وثبات في السرعات مع الملفات هو هنا المالتي لينك

لكل واحد مميزاته وانا شايف انها مش المشكلة قوي اللي تخلينا نكره العربية لان كلنا تورشن بيم وشغالين تمام والحمد لله

يعني الواحد يطمن شويه لأني كنت بدأت أزهق منها وأكرهها

**moha4tec** · 26-11-2012 12:08 AM

يا جماعه العفشه دى تورشن بيم بتاعة ال 2014 كارينز بس هتبقى ناعمه و ثابته .و مش زى بتاعة السيراتو خالص .
لان المساعد لبرا و السوست لجوا .يعنى نعومه و ثبات ووضع السوست و المساعدين عكس السيراتو خالص .
اطمنو .باذن الله هتبقى كويسه

**hossam_elwani** · 29-11-2012 02:34 PM

المشاركة الأصلية كتبت بواسطة esam_ayad

ممكن استفسار بسيط؟؟؟؟
ايه الفرق بين انه يكون السوست جوا والمساعدين برا , وانه يكون السوت برا والمساعدين جوا؟؟

متضامن معاك فى السؤال

**moha4tec** · 03-12-2012 12:37 PM

فرق كبير فى اللاثبات و النعومه طبعا .
المساعد لبرا و السوسته لجوه :العربينعم من الوضع العكس .لان المساعد بيشتغل مع اى عدم استواء فى الطريق .و دا التركيب الصح .التركيبه دى لو معموله صح بتبقى العربيه ثابته جدا زى بعض انواع الفيات و الالمانى . لكن لما تبقى زى التويوتا و الافيو بتبقى ناعمه اه بس مش ثابته زى الفيات و الالمانى .و الله اعلم .
العكس زى السيراتو العربيه بتبقى ناشفه بس عمرها المفروض اطول خصوصا المساعدين .على حساب الراحه .
و انتظر راى الخبراء يردوا عليك اكتر فى النقطه دى .عشان يشرحوها باستفاضه .
و الله اعلم