♨ تعمل ايه لمن تروح تخطب وحدة وتطلع اختها احلى واحلى هههه ♨

**ibn_seena** · 19-11-2012 01:03 AM

طيب بخبراتكم
واحد صديقي كان حاطط عينه على واحدة و كان ناوي يخطبها
وقبل الخطوة دي بشهر اتفاجئ ان اختها الصغيرة بتحبه بغباء وهو قال انا ما فاتحتش الكبيرة ولا اتكلمت عليها فاخطب دي وهي حلوة وروحها احلى. . اتكلم معاها فترة واكتشف انها لسه فكرها صغير و خفيفه شوية واكتشف انه مش قادر يحبها خالص بل بالعكس بيحلم باختها التانيه. ...
الراجل ده يعمل ايه ؟؟ بيقولي انه هيتقدم لاختها الكبيرة اللي هو كان عاوزها من البدايه ا الحل التاني اللي انا اصريت عليه انه ما بقاش ينفع يا الصغيرة يا ما يدخلش بيتهم تاني. ...

**Y a r i s** · 19-11-2012 01:07 AM

المشاركة الأصلية كتبت بواسطة s o p h o s

الحمد الله علي انتهاء المدة
انا كنت واخد بالي من الاختفاء وعمال اقول لنفسي يا تري في ايه
وقسم تويوتا مفتقدك

لكن الحمد الله ان المدة انتهت علي خير

حبيب قلبي يا بوحميد
المهم انا لو اختفيت عنكم اسبوع متقلقووش. هكون موقف وقف منزلي هههههه

المشاركة الأصلية كتبت بواسطة shnory

لو بيدور علي جمال فالحلوين كتير
ربنا يوعده بواحده تكون شكل واخلاق
بدل ما ياخد الحلوه ويضرب نفسه كل يوم 100 جزمه انه متحوزش الاقل جمال

واللهِ معاك حق يا شنوري يا خويا .... واهم حاجة التوافق بين الزوجين ... يافرحتي يتجوز عروسة. جميلة ومايعرفش يتكلم حتى معاها
بس المشكلة انا كمان عازرو ، مشكلة البنات الحلوين انهم بيتخطفوا بسرعة ومبيستنوش. .... والسوق كلوا مليان حجات مشنشة. والي رشة سقف والي رشة حزام. والي اكصدامها معوووج .... البنت الجميلة دلوقتي بقة حالة نادررررة .... وعمرك ما هتلاقي بنت جميلة الا وفي ايديها دبلة .... الحجات اللقط مبتستناش يا عزيزي ... بس مع الاسف الحجات المسرطنة والفراخ المغشوشة. والفكه والخضار المرشوشة والمعلبات. خلى جمال البنات يشح. من السوووق .... ويبقى نادر الوجووود فانا عازروا لمن بيقولي هوا الواد ( انا مش هتجوز كل يوم. وابوس ايدك ساعدني )
بس انا هساعدووو ازاي بس كده هاحرج زميلي ابو العروسة وهاحرج نفسي وهاحرج البنت الكبيرة

**Y a r i s** · 19-11-2012 01:15 AM

المشاركة الأصلية كتبت بواسطة ibn_seena

طيب بخبراتكم
واحد صديقي كان حاطط عينه على واحدة و كان ناوي يخطبها
وقبل الخطوة دي بشهر اتفاجئ ان اختها الصغيرة بتحبه بغباء وهو قال انا ما فاتحتش الكبيرة ولا اتكلمت عليها فاخطب دي وهي حلوة وروحها احلى. . اتكلم معاها فترة واكتشف انها لسه فكرها صغير و خفيفه شوية واكتشف انه مش قادر يحبها خالص بل بالعكس بيحلم باختها التانيه. ...
الراجل ده يعمل ايه ؟؟ بيقولي انه هيتقدم لاختها الكبيرة اللي هو كان عاوزها من البدايه ا الحل التاني اللي انا اصريت عليه انه ما بقاش ينفع يا الصغيرة يا ما يدخلش بيتهم تاني. ...

ههههههههههههه
هو بعد ما مشي مع اختها الصغيرة .... وعلقها فيه. عاوز يرجع ياخود الكبيرة هههههههه
يانهر ازرق .... تصدق. يا ابن سينا يا عزيزي. فعلاً الحكاية دي منتشرة جدااااااااااً .... ومشكلة الشباب فاكرين انهم هيتجوزوا وياخدوا عروستهم. ويفلسعوا بعيد عن الناس .... ميعرفش ان هيبقى في زيارات وعلاقات .... وانتا بشكل من الاشكال وبصورة مباشرة او غير مباشرة انتا مبتتجويزش البنت انتا بتتجوز اهلها كلهم. .... وبستغرب ان في بعض الاهالي بتوافق. بتقول عريس في اليد خير ٌ من الف على الشجرة .... وهو هياخد حد غريب ما هو هياخود اختها يعني زيتنا في دقيقنا :).

**Ahmed_Adham** · 19-11-2012 01:30 AM

المشاركة الأصلية كتبت بواسطة y a r i s

انا بقول كده برضو ١١١١١١١+

ههههههههههههه.
حتى انتا عاوز البت الصغيرة ههههههه ده انا لسه كنت بكلم الحجة في الموضوع وبقولها حصل كزا كزا كزا ... بتقولي سيبك منووو ده الواد مش بتاع جواز شفلنا بقة البت الصغيرة لاخوك الصغير حبيبك ههههههه .... اقولها حتى انتي يمة ... تقولي يوووووه يولاه ده اخوك حبيبك من حلمك ودمك ....

شوف عريس تالت (غير صاحبك وأخوك) للكبيره وبعدين خد الصغيره لأخوك عشان الحجه ترضى عنك ونفض لزميلك وقوله انا مش خاطبه.

**Y a r i s** · 19-11-2012 01:35 AM

المشاركة الأصلية كتبت بواسطة ibn_seena

لحظة بقي يا باشا علشان انا بحبك هقلك تعمل ايه في موضوعك
. الامورة الصغنونه دي ما ينفعش صديقك يروح يتقدملها بعد ما دخل البيت علشان الكبيرة. لكن انا ما رحتش علشان الكبيرة وعاوز الصغيرة هههههههه. علشان خطري يا عموووووووو. هي لسه بتدرس ولا ايه ؟؟

هههههههههه.
ياعم انتا مش متجوز ومخلف وعيالك قربوا يخشوا الجامعه هههههه حبيبي. يا ابن سينا. ... بعزك والله ِ وبحبك علشان انتا راجل تويوتاوي زي. هيا مش عارف خلصت جامعة ولا لأ. ... مشكلت الهورمنات الي بياكلوها العيال في الشكولاتات والحلويات. تبص تلاقي. الحجات كده. بتفور وتستوي قبل اونها هههههه

المشاركة الأصلية كتبت بواسطة blazer

:]
بجد موقف لا تحسد عليه
بس انا ممكن اقطع عليه الطريق و اريحك من عذاب الضمير
:d متشوفلى البنت الصغيره وانا ساكن جمبهم فى فيصل يعنى مش بعيد هههههههههههههههههه

ههههههههههه
اه واللهِ صحيح. ... والنبي وصى بسابع جار ماهو المشكلة التاني جمبيهم في الهرررم
هههه. يعني عزاب الضمير ورايا ورايا هههه.

**ibn_seena** · 19-11-2012 01:45 AM

المشاركة الأصلية كتبت بواسطة y a r i s

هههههههههه.
ياعم انتا مش متجوز ومخلف وعيالك قربوا يخشوا الجامعه هههههه حبيبي. يا ابن سينا. ... بعزك والله ِ وبحبك علشان انتا راجل تويوتاوي زي. هيا مش عارف خلصت جامعة ولا لأ. ... مشكلت الهورمنات الي بياكلوها العيال في الشكولاتات والحلويات. تبص تلاقي. الحجات كده. بتفور وتستوي قبل اونها هههههه

مين اللي قال كده بس
انا لسه رايق يا باشا
انا معايا الشقه والعربيه. فاضل العروسة والعزبه هههههههه
شفلنا بقي الموضوع ده يا باشا وسيب اخوك بعيد عن هم الجواز ههههههههه.

ويؤثرون على انفسهم.

وانا احبك في الله

والهرمونات فورت البنات. وخلت الشباب يضرب ويبظ من كل حته

**Y a r i s** · 19-11-2012 01:59 AM

المشاركة الأصلية كتبت بواسطة blazer

هههههههههههههههههههههه
طب ما هو خلاص مينفعش بقى يتقدم للاخت الكبيره بعدين يطمع :d قوله ان الطمع وحش

تصدق ,, انا لما انوى اخطب فعلا مش هلاقى حد اخطبة عشان مفيش ولا بنت فى عيلتنا متجوزتش الا الاكبر منى فى السن , وولا فيه اى واحد صاحبى ليه اخوات بنات :d حاجة ناشفة على الاخر يعنى

ههههههههه تصدق صعبت عليا
بس برضو الصغيرة لأ دي عليها نزاع حالي. زي جزر الامرات كده محل نيزاع بين ايران والامرات هههههه .... بس فعلاً. يا اخي حالك من حال شباب كتيررررر. .... والي يجنني بعض الاخوة الشباب في المنتدى تبص تلاقيهم داخلين يقولولك في مواضيعهم اتجوز ولا لأ .... تقلش البنات الحلوووة في البلد كتيرررررر ومش عارفين ياخدوو سوسو. ولا ياخدو منى ولا يخدو اروة ولا نيفين هههههه ....

المشكلة بجد العروسات الجميلات في البلد شحوووو على الاخر بل يكادو يكونوا انقرضوا كمان .... انا كان نفسي اقابل رجب طيب اردوغان وهو في زيارتوا لمصر واقولوا ابعتلنا شووية وحيات ابووك من عندكم من تركيا حاكم الحالة شاحة قووي في مصر ويبقى تعاون استثماري تجاري ونسبي كده بين مصر وتركيا هههههه

كان على ايامنا لمن نشوف بنت حلوة كنا نعاكس بس مع الاسف جيلكم انتوا المفروض لمن يشوف وحدة حلوة ميعاكيسش ويضيع وقت. لأ ده على طول يقولها ابوووكي فيييييين ياصبية وساكنة فيييييين يا عنية

لان خلاص احنا في اخر الززززمن دلوقتي ... والحلوين بيطلعوا على التلفزيون. وبيحترفوا. والباقي كلو اهم قاعدين جمب مامتهم بيقطفوا مولخية وينقو رز وعدس هههههههه. .... ده احنا عندنا شباب ياعيني النهردة مقيم في المطار مستني لاجئين يجو على اول طيارة. من دولة شقيقة جمبنا .... واول ما يشوفوهم نازلين من الطيارة وعلى باب المطار. تبص تلاقيهم انقسموا لنصين ناس بتقول تاكسي ياباشا تاكسي يافندم. تاكسي يابية !

وشباب تانية وقفه عريس يابيه عريس يافندم عريس يا استاذ مفيش عندكم عروسة للجواز .... ناس نازحين يا عيني طالعين من حروب وقتل واسى .... وده رايح يسئلهم عن عروسة للجواز. ههههههه بجد شباب محتاج يضرب بالرصاص. ويتعدم كده في ميدان عام هههههه وتحياتي