بفضل الله وحدة اشتريت 508 الفئة الهاي لاين و ليس التوب لاين 2012
السيارة اجمالا اسرتني بجمالها و ادائها .... اما الكمال فلله وحده
برافو بيجو
اي استفسار تحت امركم
عرض للطباعة
بفضل الله وحدة اشتريت 508 الفئة الهاي لاين و ليس التوب لاين 2012
السيارة اجمالا اسرتني بجمالها و ادائها .... اما الكمال فلله وحده
برافو بيجو
اي استفسار تحت امركم
الف الف مبروك
ربنا يديك خيرها ويديك شرها
بس اللى انا اعرفه انهم فئتين فقط
اختيار موفق أحيي حضرتك عليه و ان شاء الله مش هتندم عليه و توكيل بيجو السنه دى بالذات عامل مجهود جامد و نازل بموديلات جديده ما شاء الله عليها و ال 508 من العربيات الجميله فعلا اللى تحب تتفرج عليها فعلا كتصميم فى منتهى الشياكه بكل الألوان و انا شخصيا باحترم قوى اللون الأبيض فيها مع تطعيمات النيكل شكلها شيك جدا و تشد العين ده طبعا غير عوامل الامان و قوه الموتور و يارب يهدى التوكيل و يشد حيله معاها و هى ممكن تعمل مبيعات حلوه خاصه و انها عندها كل المقومات و يمكن عدم بذل المجهود الكافى من الوكيل فى السنوات الماضيه سواء فى الدعايه او فى توفير قطع الغيار بأسعار معقوله كان يحد من انتشار ألماركه العريقه دى و ان كان ده ان شاء الله بيتغير الآن و الأسد الفرنسى راجع بقوه
الف مبروك يا باشا
ربنا يبارك ..
الف مبروك يا جميل ربنا يرزقك خيرها و يكفيك شرها بس انت ناوي تحطلها بنزين كام؟؟؟
ماشاء الله ألف مبروك عاجبانى جدا هى وأسترا تربو
قولنا تفاصيل على قد ما تقدر. الصور ماليه النت بس محدش بيتكلم كتير عن سواقه العربيه. قولنا مثلا مقارنه بينها وبين الاوكتافيا. اييه اللي كسبته وايه اللي خسرته؟
مبروك ربنا يديك خيرها ويكفيك شرها
الف مبروك يا باشا
بس يا ريت لو تقولنا الفرق بينها و بين الباسات و شايف ايه الافضل ؟
رزقك الله خيرها وابعد عنك شرها
الف مبروك عليك العربية ..عربية ممتازه ربنا يباركلك فيها و يبعد عنك شرها يا رب
لو أمكن تقولنا أنطبعاتك عن الفرق بين العربيتين طالما كنت سايق باسات قبلها
و الى بيسأل عن بنزينها أكيد 95 طبعاً مينفعش 92 نهائى
ما شاء الله .. اللهم بارك .. ربنا يبارك لك فيها و يحفظهالك.
عاوزين تقرير محترم.
ربنا يباركلك فيها . بس عوزين نعرف ايه اللى خلاك تفكر فيها بعد الباسات
الف شكر للردود المهنئة و ربنا يبارك فيكم كلكم...
ولا انا مش هاعمل تقرير لان في تقرير وافي موجود و مثبت
بالنسبة للبنزين - اعرف اللي شغال ب 92 و مفيش اي مشاكل
انا بحط 95 - حاليا -
العربية عموما لا تقل عن الباسات بل تتفوق في الجمال و النعومة -
التوكيل مش سيء - و عنده هدية من فرنسا ممكن تطلع بيه السما لو اهتم بالعربية
و كمان اسعار الصيانة و قطع الغيار كويسة جدا - مقارنة بالباسات و ما في حكمها
اهم مميزات العربية
- سحب و تسارع غييييييير عادي - لو عاوز افترا بقى شغل ال s
- جمال صارخ - لازم لو شفتها تاخد عينك - و الفوانيس الخلفية مميزة جدا جدا
- ثبات ممتاز - انا كنت راكب قبلها باسات و الثبات متساو تقريبا
مميزات اخري شكلية عجبتني - مشفتهاش في المنافسين
- الفوج بالاكصدام الامامي - قطعة فنية
- شياكة فتح الشنطة
- الاضاءات المخفية
- التصميم الانسيابي لعجلة القيادة و ترفيع اجزاء منها لتسهيل الاستخدام
اهم عيوبها: مفيش عيوب ميكانيكية حتى الان و الحمد لله
- زاوية المرايات الجانبية مش عاجباني- مش كاشفة زي الباسات
- مساحات التخزين في متناول ايد السواق اقل من الباسات و اصغر -و المسند اقل راحة - بس بيتحرك لقدام وورا و دي ميزة كبيرة
- مفيش مكان النضارة - مفتقده جدا
- مفتاح ريموت واحد فقط
بس بسم الله ماشاء الله لاقوة الا بالله - بيجو عملت عربية حلوة بجد - و في ميزة انك راكب اعلى حاجة عندهم دي بتفرق فعلا -
المقارنة مع الباسات في صالح البيجو شكل و تسارع و اسعار قطع غيار و برستيج - لان شكل الباسات الجديد قلل العربية - من وجهة نظري
و في صالح الباسات - من حيث الانتشار و توافر قطع الغيار برة التوكيل
نسيت اقول الضمان 3 سنين او 100 الف كم
كان في حد بيسال عن المقارنة مع الاوكتافيا
مستحيل تقارن بين الاتنين لان دول فئتين مختلفين
فرق اتساع - العربية طولها 485 الاوكتافيا 451 سم - و قاعدة العجلات فرق كبير برضو
فرق موتور - 1600 تربو 156 حصان
فرق شكل - و تميز - الاوكتافيا بحسها رتيبة شوية - مش وحشة طبعا - بس تقليدية
الاوبشنز - هتختلف من فئة لفئة - انما الفئة اللي معايا - اللي هي ب 210 - فيها 6 اير باجز - esp - abd - ليدات - بلوتوث - تكييف 2 زون تاتش - كرسي السائق نص كهربائي - مرايات ضم و تعتيم - سنسور خلفي - جنوط 16 - حساس مطر و اضاءة - فتحات تكييف خلفية - نقل الفتيس من الطارة - مثبت ومحدد سرعة -عداد عادي و ديجيتال - كشافات يتم ضبط ارتفاعها - تصفيح اسفل الموتور - اشارات في المرايات و الفوجات -
ده اللي فاكره
:ask: :ask: :ask:
ألف ألف مبروك ربنا يرزقك خيرها ويقيك شرها
وليا عندك سؤال مختلف نسبيا
:crashcomputer4:
:B4_444: البيجو 508 عاملة ايه معاك في شوارع مصر المحروسة ,,,, وتحديدا
المطبات
النقر والشوارع المكسرة
:B4_444: احساسك ايه بالعفشة
:B4_444: أخبار العزل بالنسبة لصوت المكنة
على السرعات العالية
أو حتى في الشد
:_Alshmokh23[1]: حابب أسالك لو الجنوط 18 دة هيفرق في السيارة كتير ؟
من حيث العفشة أو صوتها أو حتى هتتأثر يالجنوط دي ال18
:Ta_clap[1]::Ta_clap[1]::Ta_clap[1]:
العربيه مع زوجتى وعاملين بيها 20 الف كيلو حتى الان
العربيه عيوبها بسيطه حتى الان..اكتر عيب ملحوظ هو تواضع عزل الصوت وخصوصا على السرعات العاليه.
أنا لاحظت ان العربية ابتدت تنتشر وشفت منها أكتر من واحدة
مبروك يا ريس :) و ربنا يباركلك فيها..
العربية دي من أكتر عربيات بيجو اللي عجبتني بجد!!..
أخبار المطبات مقارنة بالباسات وبالذات للي جالس في الخلف
مبروك يا ريس، ربنا يديك خيرها ويكفيك شرها
ماشاء الله ربنا يباركلك فيها ولو ممكن صور وتقرير مفصل عن السياره نبقى شاكرين لحضرتك
ألف مبروك يا باشا ربنا يديك خيرها و يكفيك شرها , أنا لسة جايبها من أسبوعين و ما شاء اللة العربية ممتازة نفس الانطباعات اللى حضرتك ذكرتها بس فى حاجة تانية و أنا برجع للخلف بتبقى الرؤية ضعيفة شوية و سلامى للأستا\ أحمد فهمى
نادر جلال
احب اقول بس ان في تفاوت في اسعار الصيانات و قطع الغيار من مركز لمركز و الاغلى هو مركز الخدمة اللي في صلاح سالم
ممكن تمون بنزين 92 بعد سؤال المسئولين عن مركز خدمة بيجو بغمرة ورقم التليفون هو 24857684
الف مبروك ....
الف الف مبروك ربنا يديك خيرها ويكفيك شرها انا بحب البيجو جداا ربنا يباركلك فيها يارب