مبقاش فيه أمان
و لو مراتي جوه العربية باقفل عليها و عيني علي العربية
و بصراحة بنية عنف واضحة للجميع و ربنا اللي بيستر
عرض للطباعة
مبقاش فيه أمان
و لو مراتي جوه العربية باقفل عليها و عيني علي العربية
و بصراحة بنية عنف واضحة للجميع و ربنا اللي بيستر
لأ الصراحه بقفلها مستحيل ابعد عن العربيه خطوه و اسيبها مفتوحه
انا طول عمرى مابسيبش العربية مفتوحة ابدا، انا حتى زمان كنت موسوس اكتر من ديلوقتى وكنت لو هانزل اشترى حاجات من البقال فى خمس دقائق بغطى العربية، لكن ديلوقتى عقلت شوية
بس بقيت موسوس فى حاجة تانية ، لما اكون عايز ابص على حاجة تستزم ان موتور العربية يفضل داير، بقيت يا إما يكون معايا حد، يا إما اكون تحت البيت واقفل عليها بالعربية التانية ، يا إما باقفل الديريكسيون بالعكاز واخد مفتاح العكاز فى ايدى بعيد عن ميدالية مفتاح العربية
دنيا بقت اسود من هباب الحلل
ايوه انا عندي سايره سوبارو ليون 1982 وعلي الرغم من كدا بقفلها قبل ما انزل الدار مابقتش امان والناس ما مبقاش عندها ذوق دا مره بعد لما عمات العربيه سمكره ودوكو نزلت اشتري حاجه من البقال وسيبتها مركونه بامتياز جيت بعد خمس دقايق لقيتها مخبوطه واللي خبطها طبعا زوغ (الغريب اني فاكر ان اللي خبطها عيل وجري دا الناس قالولي انها عربيه تويوتا كورولا جديده واللي راكبها المفروض يكون راجل محترم بس زوغ فما بالك بالناس التانيه لما تسيب عربيتك مفتوحه دا ممكن ياخدوها كلها
المشكله عندى ان العربيه لا تخلو من حاجات صغيره ممكن تتسرق بسهوله
يعنى مثلا فى العادى هتلاقى فى العربيه 2 موبيل ولاب توب وسى دى مان وشاحن موبيل ده غير الفلوس الفكه اللى بسيبها فى العربيه عشان لو فى موقف معين ونظارة شمس ونظاره طبيه
يعنى حاجات بسيطه ممكن تدخلها فى 10.000 جنيه بس :)
عمرى ما بنزل من العربيه الا لما بقفلها وكمان بقفلها بالريموت بطريقه تخلى الباب لا يفتح من بره ولا من جوه الا بمفتاحها
مستحيل الا لو قدام عيني و يبقى المفتاح معابا
لو نازل اجيب سجاير او حاجه ساقعه من كشك و عيني علي العربيه بسيبها مفتوحه
انما لو عيني حتغيب عن العربيه ولو لدقيقه بقفلها
و في كل الاحوال عمري ما بسيب المفتاح او الموبايل او اي حاجه تتسرق في العربيه
دنا لو نازل ارغي مع واحد صاحبي في الشارع و هنبقي واقفين ساندين عالعربية بقفلها! انا موسوس جدا في الموضوع ده و كتير برجع من أخر الدنيا بسبب الهاجس بتاع "انا نسيت اقفل العربية"
لو نازل اشترى ازازه مياه من كشك بسبها مفتوحه يعنى
لكن لو داخل سوبر ماركت او اى مكان مقفول لا طبعا بقفلها