والله حسب المنطقة اللي انا فيها
عرض للطباعة
والله حسب المنطقة اللي انا فيها
كنت
كنت زمان ممكن اعملها لكن دلوقتى لأ
أعرف واحد كان لسه متجوز والعروسه جايه له في مطار الملك عبد العزيز الدولي بجدة ولما راح يقابلها نسي يجيب حاجة يشربوها او يكلوها
وطبعا وهما مشيين وقف وساب مراته في العربية وساب العربية شغالة ونزل يجيب عصير وبسكويت رجع ...
رجع ملقاش لا العربية ولا العروسه وبقى محتاس اخر حوسة لما اهلها بيرنوا عليه ... الموضوع اقعد 3 أشهر وفي الاخر لقوا العربية بس ومراته لا حس ولا خبر
غير كده واحد صاحب والدي عنده شركة انتاج في السعودية وكان والدي مديله فلوس يشغالهاله معاه
الخلاصة الراجل كان شاري عدد للشغل وكاميرا ب 70.000ريال قفل العربية (مرسيدس ميكروباص ) ونزل ياكل في مطعم .... رجع لاقى كل الحاجات اتسرقت من العربية (أكثر من 200.00 ريال ) وبقى مديون بدل ما كان مستثمر صغير ناجح!!!!!
واحد في الرياض لسه شاري سيارة بورش جديدة سابها شغالة ونزل يجيب دواء من الصيدلية رجع ملقهاش... راح للشرطة غلطوه وقالوله دي مشكلتك حلها بنفسك لانه كان مشغل العربية وسايب المفتاح فيها ولغاية دلوقتي ملقهاش
واحد صاحبي كان معاه في العربية (تويوتا كرولا ) 10.000ريال ولابتوبين وموبيلين نزل يشتري حاجة ساقعة رجع لقى واحد جاري بالعربية وحاول يحصله بتاكسي .... وحصله بس الحرامي فص ملح وداب وكأن العربية كانت ماشية لوحدها
... طبعا مش محتاجة اقول ان اللي فيها راح بلا عودة وربنا يعوضه
كل الحاجات دي تخليني اسيب العربية مفتوحة؟؟؟؟؟؟؟؟
دا انا بسيب اخواتي الصغيريين فيها واقفل عليهم بالريموت
عملنها فى واحد صحبنا تحت الشغل وكان هيموت فيها
البيه سب العربية اللى فيها كل حاجة زى المغارة بالظبط
ونزل اكتر من 10 دقايق يجيب سجاير بسلامته ولما طلع اتحركنا بالعربية لغاية مشفنا
يارب يكون اتعلم ان لو حد تانى كان زمانه ركنها تحت بيته ونام كمان
سبتها مقفوووووووووووووله ورجعت لقيت الزجاج الأمامي مكسور في محاولة سرقتها أعمل ايه تاني .
يا عم سيبهااااااااا لله
لو الحرامي شاف عقبات في طريقه (زجاج مقفول، إنذار شغال، قفل الدركسيون إلخ.. ) + ما شافش حاجات تغري بالسرقة (عربية مفتوحة، مفاتيح، حقيبة، كاسيت بالوش بتاعه، موبايل، لابتوب، كيس زبالة، كيس شيبسي إلخ..)
أعتقد مش هيفكر يتعب نفسه
باستغرب جداً لما أشوف واحد الصبح يركن عربيته قدام السوبر ماركت و يسيبها دايرة و ينزل يشتري شوية حاجات، ولا سواق نصف نقل داخل يتفق على حاجة و نفس الكلام سايب العربية دايرة برة!!!!!
بيبقى هاين عليا أسوق العربية عشان يتعظ بعد كده.
عملتها في واحد صاحبي كان سايب موبايله و مفاتيحه في مكان عام و سهل قوي أي حد ياخدهم. من غير ما يعرف طبعاً أخدتهم أنا و عينكم ما تشوف إلا النور، ربع ساعة من القلق و العرق قبل ما أرجعهم له
الواحد بيسمع حاجات بعدها ما حدش هيمشي في شارع ولا يكلم أخوه حتى بعد كده
على حسب المنطقة اللي انا راكن فيها بس لمى بكون فى المنطقه بتعتى يعنى السوبر ماركت الى على اول الشارع بجب عيش فينو كده اما لو بره المنطقه استحاله طبعا وبعدين فى مقوله بتقول ولاد حرام مسبوش لولاد الحلال حاجه
لو هاشتري حاجه بسرعه من كشك ممكن اسيبها مفتوحه بس ببطل العربيه و اخد المفتاح معايا و بكون متأكد ان العربيه قدامي طول الوقت برده
انما لو هاخش سوبر ماركت و العربيه مش هاتكون قدامي باستمرار طبعا بقفلها