السلام عليكم ورحمة الله وبركاته
كنت عاوز اشترى موتوسيكل يستحمل السفر 3 ايام فى الاسبوع من المنوفيه لمطار القاهرة ويكون بالقسط وكمان ميستهلكش بنزين كتير ياريت حد يفيدنى بالله عليكم
عرض للطباعة
السلام عليكم ورحمة الله وبركاته
كنت عاوز اشترى موتوسيكل يستحمل السفر 3 ايام فى الاسبوع من المنوفيه لمطار القاهرة ويكون بالقسط وكمان ميستهلكش بنزين كتير ياريت حد يفيدنى بالله عليكم
صلاح بيك
قولي بتفكر في اية
كاستم -ريس -
انت حابب اية ؟
لو الميزانيه بعد 11 يبقى هات هوندا 250 هتبدا معاك من 11 لحد 14 على حسب حالتها
لو الميزانيه اقل من كده هاتلك باجاج بوليسر 220 جديد مش عارف سعره كام بالتحديد بس على ما اعتقد ب 10 ونص
لو الميزانيه واقعه خالص هاتلك باجاج بوكسر جديده ب 5100 هتستحمل تروح بيها امريكا مش المطار بس ههههههه
بس خلى بالك الشتا دخلت والسقعه على كشفتك ع البايك هتحنطك علشان ضغط الهوا وانت بتجرى
وصحيح البوكسر معايا بروح بيها مشاوير محافظات زى اسكندريه واوقات بروح اسماعيليه ومعمره معايا جامد يعنى مش موتوسكل سهل
اما من ناحيه تستحمل فدى بقى على حسب دماغك انت
يعنى متديهاش لحد ده لان ده اهم سبب بيخربها
تحياتى ليك
اعتقد ياباشا حكاية السفر بالمكنة 200 كيلو 3 مرات فى الاسبوع فى فصل الشتاء حاجة صعبة جدا جدا ومتفتكرش ان الحكاية سهلة وبسيطة خليك بعربيتك احسن لان الحوادث فى الشتاء اكتر من الصيف بمراحل نظرا لظروف الجو من امطار وشبورة و و اجعل تلك الفكرة فى الصيف افضل
كلامك مضبوط يا باشا الله ينور عليك .... بأستثناء حاجة صغيرة بس فى نفس الوقت مهمة جدا ألا وهى :
حضرتك تلغى الفكرة دية من دماغك نهائيا شتاءا وصيفا أيضا لآن المسافة كبيرة جدا وخطر جدا وظروف الطريق ومشاكلة وبلاوية والبرد والمطرة والطينة والمياة والزحلقة والتراب والراملة والجاز والسولار والزيت على الآرض هتكون كتيرة جدا نظرا لطول المسافة ...
أنا حضرتك المسافة لشاغلى رايح جاى 50 كيلو أو 60 كيلو بالكتير ومستكترهم جدا جدا وبيحصل فيهم حاجات كتير وربنا يسترها علينا جميعا ..
حضرتكم ربنا كرمك ومعاك عربية كويسة وتستحمل وما تقلقش وما تحطش فى دماغك موضوع الآستهلاك دة للعربية خالص .......... وحتى لو مش معاك عربية بردة المواصلات والبهدلة فى المواصلات أرحم من سواقة موتوسيكل المسافة الطويلة دية كلها و أهم حاجة الآمان ليك وترجع لآهلك بالسلامة ودة أهم من أى حاجة ...
والله الموفق والمستعان
ربنا يكرمك ياجماعه والله نصايحكم دى غالية عليا وبجد انا مبسوط اننا هنا اخوات بنخاف على بعض وننصح بعض بس انا فعلا مضطر انى افمكر فى الموضوع انا خلاص استويت من السفر والسواقين بجد بقوا بيستهبلو فى الاجرة اخر حاجة ومبرتحش وانا رايح شغلى غير بعربيتى براحتى من غير بهدلة فقلت يمكن الموتوسيكل يهون عليا