محتاج المشورة

**salah_86** · 19-11-2012 03:35 AM

هل ينفع انى لو عاوز اشترى عربية مثلا مثلا لانسر كريستالة انزل بور سعيد اشترى نصين لانسر كريستالة واجيبهم اجمعهم واهيبقى موضوع التكلفة يعنى لو اشتريتها مستعملة وارد الخارج او من هنا احسن وايه حوارى مع المرور هيبقى ازاى

**alaamousa** · 19-11-2012 04:55 AM

مش عارف بصراحة بس ما انصحكش اركب حاجة بامر الله سعرها اقل من كده وتكون سليمة

**salah_86** · 19-11-2012 06:51 AM

ودى تبى موفرة ولا ايه نظامها

**semi** · 19-11-2012 09:26 AM

المشكلة في الافراج الجمركي هيكون معاك انه قطع غيار ومش عربية
هتيجي المرور يقولك فين ورق العربية القديمة اللي انت مركبلها نص
وانت طبعا جايب نصين جداد فمش هينفع ولو مشيت بها غير قانوني

لكن ممكن تشتري عربية عاملة حادثة وتركبلها نص امامي مثلا
بس موضوع النصين ده خطر الى حد ما

**moumen_hs** · 19-11-2012 10:34 AM

المشاركة الأصلية كتبت بواسطة semi

لكن ممكن تشتري عربية عاملة حادثة وتركبلها نص امامي مثلا
بس موضوع النصين ده خطر الى حد ما

هو دة المتاح فعلا بس عايز أسال حضرتك لية كل دة هو حضرتك شايف الصنايعية شطرين قوى علشان يجمعوا عربية من أول وجديد أعتقد حضرتك غلطان الواحد بيشترى عربية مستعملة وبيكشف عليها كويس وبعد كدة برضوا بيبقى فيها تصليح أمال لو كانت مفككة هيعمل اية هيسيب شغلة وحياتة علشان يخترع عربية صدق المقولة الشهيرة ( شراء العبد ولا تربيتة) فربنا يكرمك وتجيب حاجة كويسة أحسن 100 مرة من قرف الصناعية والعك دة

**semi** · 19-11-2012 04:59 PM

المشاركة الأصلية كتبت بواسطة moumen_hs

هو دة المتاح فعلا بس عايز أسال حضرتك لية كل دة هو حضرتك شايف الصنايعية شطرين قوى علشان يجمعوا عربية من أول وجديد أعتقد حضرتك غلطان الواحد بيشترى عربية مستعملة وبيكشف عليها كويس وبعد كدة برضوا بيبقى فيها تصليح أمال لو كانت مفككة هيعمل اية هيسيب شغلة وحياتة علشان يخترع عربية صدق المقولة الشهيرة ( شراء العبد ولا تربيتة) فربنا يكرمك وتجيب حاجة كويسة أحسن 100 مرة من قرف الصناعية والعك دة

في صنايعية شاطرين بيلحموا النصين او الربع ممكن المشتري العادي مش يلاحظهم خالص
والعربية بيبقى ادائها زي اداء العربية السليمة
وفي حالة الكريستالة ممكن يكون النص الامامي حالته كويسة فتكون احسن من اللي موجود في السوق كمان
بس المشكلة كلها عدم الامان لان لو قدر الله حصل حادثة وحد دخل في العربية هتتقسم نصين