الموضوع: سؤال عن الفولكس كادى فان يوجد صور للتوضيح

المشاركة الأصلية كتبت بواسطة ahmed_gallant

يارجاله انتو تتكلموا فى اللى انتو عايزينه لان كلامكم يتاقل بالدهب انا عمال اتعلم حاجات منكم لو دفعت فيها بره فلوس مش هفهمهتا كده ربنا يجعله ان شاء الله فى ميزان حسناتكم
شكرا للاستاذ مينا على الرد مع انه شكر متأخر الرد وافى جدا
كام سؤال تانى
1- فلتر الجاز يتغير تقريبا كل كام كيلو
2- فلتر الهوا يتغير كل كام كيلو
3- انا لقيت المكنه بتاكل زيت شويه مع انه الدلفاك الاسود هل يا ترى ممكن اغير واجيب حاجه اتقل ولا خلينى ماشى كده لحد ما ربنا يكرمنى واسقط مكنه
4- هو ليه دايما بسمع ان مكنه الجاز بتعمر مع الموتور
5- هو ممكن اجيب شورت بلوك للمكنه الجاز زى ما بعمل فى البنزين
6- فى اى اضافات لزيت المحرك عشان تقلل نقص الزيت زى زيت الشنبر اللى فى العربيات البنزين
هما دول بس بسيطه يعنى
:)

لا بسيطة فعلا :d

بص يا استاذنا...

فلتر الجاز فيه ناس بتفكه و تغسله مع كل تغييرة زيت.... انا في اللاند كروزر كان فلتر الجاز الأصلي بتاعي ب175 جنيه و المصري ب35
فكنت بجيب المصري و أغيره كل 2000 كم مع تغيير الزيت
لما كنت بركب الأصلي... كنت بغسله كل 2000 و أغير كل 8000

فلتر الهوا بيعيش.... بس محتاج يتنضف دايما... برضو مع كل تغييرة زيت اديله نفخة.... لحد ما تحس انه اتسد و لزق و مش هيعدي الهوا بكفاءة (بيبان على شكله)

أكلان الزيت حتى لو حطيت زيت أتقل... برضه هيفضل موجود... رأيي تعمل عمرة و تريح دماغك.... و تعمر الطرمبة بعد ما تعمر الموتور.... و تغير رشاشات و بكدا هتبقا راكب زيرو..... المهم مين هيعملك العمرة.... و ديه متقلقش منها خالص.... سيبلي الطلعة ديه :d

لا مسمعتش عن موضوع الشورت بلوك في الديزل....

و لو حبيت تحل عشان تعمل طقم شمبر ... هتكون أنت الخسران
ببساطة لأنك لو حليت.... هتحتاج طقم جوانات و طقم اويل سيلات و بلي و سيور و زيوت و مصنعية فك و تركيب....
طب يعني عملت كل ده.... جت على الخراط ؟؟

طالما حليت..... ابعت للخراط بأة و شوف نظام مكنتك ايه... شحط شمايز ولا خراطة....

أكرر..... تحذيري ليك.... متخليش ميكانيكي مهما كان سمعته يمد ايده في مكنتك للعمرة الا لو عارف بيعمل ايه....
لو ميعرفش... زي ما قلتلك... خليني أبعتك أنا لحد أضمنه برقبتي و عملت عنده بدال العمرة 10