الموضوع: لاعيبة الاهلى اخدوا 120 الف مكافاة فوز افريقيا وطفل اشيوط قتيل ياخد 4 الاف !!!!

ربنا يرحمهم و يصبر اهلهم

فعلا بالنسبه للكورة يا ريت يتعمل حد اقصي لعقود اللاعبين و المدربين من 100 الي 150 الف جنيه سنويا

اللي ممكن ياخد اكتر من كده بره مصر يتوكل على الله و نبقى كسبنا دخل من الخارج وميبقاش طموح الاولاد انهم يبقوا لعيبة كوره من الارقام اللي بنشوفها

الحق عليهم ولا الحق على الى كان بيتفرج على الماتش ويهلل وفى 50 طفل لسه دمهم مبردش " ودي مش اول مره على فكرة فاكرين سنة 2006 لما مصر فازت بكاس الامم والمشجعين احتفلو وخرجوا وهللو فى الشوارع وكانت العباره غرقانه ومش هقول مهتموش ينقذو الناس قبل ما تموت دول مانتشلوش الجثث غير بعد ما السمك بهدلها"

وياريت محدش يقولي انا مش بدفع للكورة حاجه مجرد انك تتفرج على الماتش - حتى لو فى بيتك - انت بتدفعلهم لان أغلب دخل الاندية واللاعبين من الاعلانات الى حضرتك بتشوفها - غصب عنك - سواء قبل الماتش او بعده او اثنائه حتى
وعلى فكرة الاعلانات الى بمليارات دي الشركات مش بتدفعها من معاها ( دي بتخصمها من الضرايب الى المفروض تدفعها للبلد )

يبقى كده العيب على اللعيبه ولا العيب فينا احنا ؟؟

المشاركة الأصلية كتبت بواسطة sha2e

الحق عليهم ولا الحق على الى كان بيتفرج على الماتش ويهلل وفى 50 طفل لسه دمهم مبردش " ودي مش اول مره على فكرة فاكرين سنة 2006 لما مصر فازت بكاس الامم والمشجعين احتفلو وخرجوا وهللو فى الشوارع وكانت العباره غرقانه ومش هقول مهتموش ينقذو الناس قبل ما تموت دول مانتشلوش الجثث غير بعد ما السمك بهدلها"

وياريت محدش يقولي انا مش بدفع للكورة حاجه مجرد انك تتفرج على الماتش - حتى لو فى بيتك - انت بتدفعلهم لان أغلب دخل الاندية واللاعبين من الاعلانات الى حضرتك بتشوفها - غصب عنك - سواء قبل الماتش او بعده او اثنائه حتى
وعلى فكرة الاعلانات الى بمليارات دي الشركات مش بتدفعها من معاها ( دي بتخصمها من الضرايب الى المفروض تدفعها للبلد )

يبقى كده العيب على اللعيبه ولا العيب فينا احنا ؟؟

الحمد لله الواحد معدش بيتفرج علي ماتشات من سنين

بس هي ملهاش دعوة بالضرايب لانها هتخرج مصاريف من موازنةالشركه المعلنه تدخل دخل و يتحصل عليها ضرائب في موازنة شركة الاعلانات

فلو منظومة الضرائب و تحصيلها سليمه مش هتفرق

بس الاهم ان الاعلانات بالكثافة دي بتمثل مصاريف تتحمل علي المنتج فندفعها في ارتفاع سعر المنتج او قلة جودته او الاتنين

المشاركة الأصلية كتبت بواسطة sha2e

الحق عليهم ولا الحق على الى كان بيتفرج على الماتش ويهلل وفى 50 طفل لسه دمهم مبردش " ودي مش اول مره على فكرة فاكرين سنة 2006 لما مصر فازت بكاس الامم والمشجعين احتفلو وخرجوا وهللو فى الشوارع وكانت العباره غرقانه ومش هقول مهتموش ينقذو الناس قبل ما تموت دول مانتشلوش الجثث غير بعد ما السمك بهدلها"

وياريت محدش يقولي انا مش بدفع للكورة حاجه مجرد انك تتفرج على الماتش - حتى لو فى بيتك - انت بتدفعلهم لان أغلب دخل الاندية واللاعبين من الاعلانات الى حضرتك بتشوفها - غصب عنك - سواء قبل الماتش او بعده او اثنائه حتى
وعلى فكرة الاعلانات الى بمليارات دي الشركات مش بتدفعها من معاها ( دي بتخصمها من الضرايب الى المفروض تدفعها للبلد )

يبقى كده العيب على اللعيبه ولا العيب فينا احنا ؟؟

كلام مية المية..
كل حاجة غلط بنلبسها في حد تاني وخلاص..عمرنا ما بنعترف بغلطنا
طب الحكومة بنت تيت وقدرت الطفل ب 5000 جنيه، فين الناس اللي بتنتقد من مساعدتهم؟
عمرو أديب والإبراشي وغيرهم بياخدوا فلوس متلتله، محدش فيهم ليه راح اتبرع للضحايا؟
احنا في المنتدى هنا عمالين نقطع في الحكومة، حد فكر انه يساعد في أي حاجة في البلد؟
حد فكر يتطوع ويعمل أي حاجة بدون مقابل؟
العيب فينا مش في الحكومة، لو كنا ناس صالحين، أكيد مكناش هنختار ناس غير صالحين يحكمونا خصوصا بعد ما كان الاختيار حر ومفيش تزوير..

المشاركة الأصلية كتبت بواسطة yaserbasha2000

الحمد لله الواحد معدش بيتفرج علي ماتشات من سنين

بس هي ملهاش دعوة بالضرايب لانها هتخرج مصاريف من موازنةالشركه المعلنه تدخل دخل و يتحصل عليها ضرائب في موازنة شركة الاعلانات

فلو منظومة الضرائب و تحصيلها سليمه مش هتفرق

بس الاهم ان الاعلانات بالكثافة دي بتمثل مصاريف تتحمل علي المنتج فندفعها في ارتفاع سعر المنتج او قلة جودته او الاتنين

للاسف اغلب المحاسبين القانونيين وخبراء الضرايب بيحسبو الدعايا والاعلانات من الربح عشان يحملو الضرايب الجزء الاكبر منه
للاسف الضرايب فيها ثغرات كتير اوى والشركات الكبيره كلها بتستغلها اسوء استغلال

الموضوع ملعبك جدا ومتداخل وعايز مواضيع كتير وصفحات أكتر للنقاش عشان كده هضرب لحضرتك مثال بسيط
الممول الاكبر لمافيا الدعايا والاعلام "الشركات العملاقه زي شركات الاتصالات والمياه الغازيه وغيرها من الشركات المعروفه" هل الشركات دي الاعلانات هيا الى هتخلى الناس تعرفها وهتخلى الناس تزود مشترياتها منها ؟
ببساطه الشركات دي لو دفعتش جنيه واحد داعايا مبيعاتها مش هتتأثر تأثر ملحوظ أو يتناسب مع حجم الميزانيات المهوله " المليارات" التى بتدفع لمافيا الدعايا والاعلان