السلام عليكم يا شباب
بفكر اشتري سيات التيا لاني بدور على عربية عائلية واتفرجت على الالتيا لقيتها واسعة وكمالياتها كتير
حد عنده فكرة عن عيوبها وهل فيها مشاكل ؟
عرض للطباعة
السلام عليكم يا شباب
بفكر اشتري سيات التيا لاني بدور على عربية عائلية واتفرجت على الالتيا لقيتها واسعة وكمالياتها كتير
حد عنده فكرة عن عيوبها وهل فيها مشاكل ؟
العربية شكلها حلو جدا و عائليه تمام .. انا شفتها بس من الخارج انما لا جربتها و مقدرش افيدك .. اللي يفيدك حد يكون اشتراها و جربها على الاقل سنة
بس اللي اقدر اقولهولك ان سيات عموماً من العربيات التمام اوووي بس للأسف ملهاش سوق و محدش عارفها ولا واخده حقها
بالنسبة لقطع الغيار اسأل اول على مدى انتشارها و موجوده ولا لا .. لان اللي يهمك بعد ما تشتري اي عربية هو قطع الغيار
ثم استخير الله عزل وجل و لو عزمت توكل عليه و اشتريها فمن توكل على الله فهو حسبه .
المشكلة فعلا موجوده ولكن عربيات عربيات ،،،، انا قريت مقالات عن موضوع dsg و كلها في منتديات اجنبيه معظم الشكاوى ان الجير بوكس بيفصل خالص و اكتريه العيوب دي حلها بيكون soft او تغيير ويرات ولو استمرت المشكله الجير كله بيتغير بس خد بالك انا بقول معظم يعني فيه ناس ماشاء الله ١٥٠٠٠٠ كم و تمام و مافيش مشكله ... هي تقدر تقول إرَفْ .... انما مافيش حاجه ما بتتصلحش ،، المهم مين اللي بيصلح و بيصلح ازاي يعني فاهم و لا بيدق كفته !؟
للأسف مفيش اخبار حتي الأن عن الفتيس بعد التعديلات اللي ادخلتها فولكس علي الفتيس
لكن كقطع غيار للألتيا فهي متوفرة في التوكيل ان شاء الله
انتظر لأول السنة او لمعرض الأهرام وشوف الدنيا فيها ايه
تحياتي
الف شكر يا شباب على اهتامكم وردكم السريع ، بس الواحد فعلا موش حمل 15 جنيه موش 15000 :)