الموضوع: نزيف الاسفلت مستمر ..بسبب تقاعس و اهمال الحكومة الفاشلة

أصيب الإعلامي يوسف الحسيني، في حادث مروري وقع، الأحد، بالوصلة الجديدة بين طريق أكتوبر والدائري، وأفادت التحريات الأولية بأن سيارة نقل تجاوزت الجزيرة الوسطى بالطريق، وانفصلت عنها مقطورتها لتصطدم بسيارتين ملاكي لمقدم البرامج وآخر.

تلقى اللواء أحمد سالم الناغي، مساعد وزير الداخلية لأمن الجيزة، إخطارًا من العميد حسام فوزي، مفتش مباحث أكتوبر، يفيد بوقوع تصادم بين سيارة نقل وسيارتين ملاكي أعلى الوصلة الجديدة التي تربط طريق أكتوبر بالطريق الدائري.

وتبين اختلال عجلة القيادة في يد «عزت.أ»، 52 عامًا، سائق السيارة النقل، بعد أن حاول تهدئة سرعته لوجود أعمال صيانة بالطريق، مما تسبب في انحراف سيارته وتخطيها الجزيرة الوسطى إلى الاتجاه المقابل، وانفصال مقطورتها عنها لترتد إلى الخلف وتصطدم بسيارتين ملاكي.

وأسفر الحادث عن إصابة يوسف الحسيني، 37 عامًا، مقدم برامج بقناة «أون تي في»، وأشرف ربيع، 21 عامًا، سائق، بكدمات متفرقة بأنحاء الجسم، ونقل الأول إلى مستشفى دار الفؤاد والثاني إلى مستشفى الهرم.

تحرر محضر بالواقعة، وأخطرت النيابة لمباشرة التحقيقات.

اولا الله يشفي اللي اتصابو في الحادثه
ثانيا لأ السبب مش الحكومه بس
السبب الاكبر ل 3/4 مشاكلنا شعب عاجبه الزباله والطرق الملتويه في الحياه
وده من واقع معاشرتي للشارع كل يوم
كل فئه من الناس شايفه ان الثوره لمصلحتها
اعلام الدعاره شايفها فرصه لتوليع البلد وفبركة بعض الاخبار واهه في الاخر اعلانات وفلوس في كروشهم
نوعيه تانيه من الناس كانت تخاف تنزل الشارع اصلا شايفين انهم دلوقتي حقهم يبلطجوا ويعملوا اللي عايزينه وكلله بقى زي بعضه وكده
امبارح راكب تاكسي رايح بيه وسط البلد وقفنا في اشارة ميدان التحرير
جه واحد شكله غلط من اللي بقوا متمركزين هناك شايل كارتونه معدي من جنب التاكسي كسرله اريال العربيه (دايو لانوس)
سواق التاكسي راجل كبير نزل يقوله انت كسرتلي الاريال
قاله ماكسرتلكش حاجه ولو مامشيتش هخطفك انت والتاكسي (بالنص كده)
طبعا السواق قعد يحسبن وخد بعضه ومشي
وانا نفسي مكانش عندي حاجه اقولها فا سكت

فا ارجوك بلاش بس اسطوانه الحكومه دي اللي شويه شويه هلاقيها سبب في خسارة الزمالك
او خسارة مشترك في مسابقه غنائيه !!!