تبا لك ايها الاندرويد

**Saeed-Taha** · 20-11-2012 10:11 AM

هههههههههه الموضوع دا زاد اوى
مش بس تلفونات
بس عيال الجيل دا كله مصلحجية من الاخر :d:d
سيبلهم موبيلك او عربيتك او اى حاجة ومش مهم انت

**محمد يوسف** · 20-11-2012 10:19 AM

ههههههههه

ربنا يخلليهم لك..ياسيدى هات لهم واحد مش خسارة فيهم

ولذيذ قوى العنوان... تبا لك أيها الأندرويد..خسئت يابن بلتعة

**S O P H O S** · 20-11-2012 11:37 AM

ربنا يخلي ..

**bobbozo4b** · 20-11-2012 11:51 AM

ههههههههههههههههههههههههه ه
ربنا يحفظهملك
موقف مشابه لما الاولاد يعرفوا انى ناوى اخرجهم او هاشترى حاجة ليهم
تلاقيهم لزقين فى وماسكين ايدى واخر حلاوه لغاية مانروح البيت
وبعد كده كانك شبح مش موجود معاهم
مع العلم سنهم 5ونص و2ونص

**lanos2004** · 20-11-2012 11:53 AM

المشاركة الأصلية كتبت بواسطة mastr_n

الموضوع باختصار شديد ان تليفونى الاندرويد زو الشاشة الكبيرة خلى الولاد عندى ماسكين الجهاز بصفة مستمرة وكانت الصدمة الكبيرة من ابنى لما جيت اسافر على الشغل لقيت وشة اتغير وعلامات الغضب ظهرت علية وقالى انا مش هاقدر استحمل هتسافر كتير ؟؟؟؟؟:u_thin1[1]:

طبعا خدتة فى حضنى وقولتلة هما اسبوعين بس ياحبيبى انا بوحشك كدة أوى ؟؟؟؟؟؟؟؟؟؟؟:b4_007:
بصلى بصة كلها خبث وقالى ممكن تسيب التليفون هنا طبعا انا اتصدمت صدمة التنين

بصراحة دية غلطتى من الأول نزلتلة العاب كتير لدرجة ان انا مابمسكش التليفون ألا علشان اعمل مكالمة وطبعا لو خبيتة بسمع سمفونية عياط تخلينى عايز اقوم اكسرة فى الحيطة واجيب نوكيا 5110

مبروك عليك -ياليتك كنت الاندرويد

**Ahmed_selmy** · 20-11-2012 04:35 PM

انت بتسافر اسبوعين, شكلك كدا شغال فى شركه حفر زى حالاتى
عموما الافضل حتضرتك تلغى كل الالعاب اللى عليه(سيب اللى انت بتلعب بيها بس هههه) , وحاول تجليهم يهتموا باى حاجه تانيه , يعنى ممكن توديهم نادى او تسافروا فى اى حته علشان ينسوه خالص, ومن الافض حضرتك تجيبلهم جهاز كمبيوتر ممكن يعملوا عليه حاجات كتيريكون فيها استفاده اكبر.

**mastr_n** · 20-11-2012 05:47 PM

المشاركة الأصلية كتبت بواسطة ahmed_selmy

انت بتسافر اسبوعين, شكلك كدا شغال فى شركه حفر زى حالاتى
عموما الافضل حتضرتك تلغى كل الالعاب اللى عليه(سيب اللى انت بتلعب بيها بس هههه) , وحاول تجليهم يهتموا باى حاجه تانيه , يعنى ممكن توديهم نادى او تسافروا فى اى حته علشان ينسوه خالص, ومن الافض حضرتك تجيبلهم جهاز كمبيوتر ممكن يعملوا عليه حاجات كتيريكون فيها استفاده اكبر.

انا فى الاويل فيلد بس مش شركة حفر انا فى شركة خدمات بترولية بس حضرتك انا بكون حاطط التليفون على الشاحن عادى وناسية الاقى ابنى دخل الاوضة جاب التليفون وعارف كمان الباس وورد
واتعامل عادى جدا وجاب الالعاب الى هوة عايزها هههههههههههه اخر روقان

جهاز الكمبيوتر الى انت تقصدة بتاع زمان دة شكلة بيخوف العيال ومبقاش ينفع خلاص
التاتش خلاص كل دماغهم ياسيدى
اللة يرحم ايامنا كان الواحد أقصى طموحة ابوة يشتريلة اتارى بتاع الشرايط دة وكل خميس نروح نلعب بالكوين اةةةةةةةةةةة واللة كانت ايام حلوة