الموضوع: ايه هي أحسن عربية في مصر؟

رايى الشخصى المتواضع ان افضل سياره لمواصفات الطرق المصريه وفيها كل الاوبشنز بدون esp هى الاوكتافيا وبسعر وسط بين كل الانواع اللى ذكرتها
بتفكرنى بسمعة البيجو 504 فى السبعينات والتمنينات

المشاركة الأصلية كتبت بواسطة mohyeldin1974

رايى الشخصى المتواضع ان افضل سياره لمواصفات الطرق المصريه وفيها كل الاوبشنز بدون esp هى الاوكتافيا وبسعر وسط بين كل الانواع اللى ذكرتها
بتفكرنى بسمعة البيجو 504 فى السبعينات والتمنينات

مشكلة الاوكتافيا زي الجيتا الموتور بتاعها تعبان جداً للاسف وكمان مفيهاش esp

المشاركة الأصلية كتبت بواسطة hosam_optrawy

الالنترا طبعا :) ههههههههههه

حمد الله على السلامه يامودى باشا

والله موضوع احسن عربيه دا بيفرق من شخص لأخر حسب متطلباته زى ما انت عارف

بس رأيى ان العربيه اللى فيها معظم النقط اللى ذكرتها هى الأوبل أسترا الجديدة

الله يسلمك يا حسام باشا :)
الاسترا فعلاً اختيار حلو جداً ، مشكلتها شوية في الاعتمادية بس

المشاركة الأصلية كتبت بواسطة land_cruiser

هى مش احسن عربيه لأن مفيش عربيه كلها مميزات فقط و ملهاش عيوب أيا كان نوعها. هو السؤال يبقى ايه انسب عربيه لى فى ضوء احتياجاتى اللى هى كذا و كذا و كذا لان اى حد هيرد على حضرتك و ان كان طبع هدفه ا هو انه يفيدك إلا ان الرد ممكن يبقى مضلل شويه لانه هينصحك بناء هى اولوياته الشخصيه مش اولوياتك انت و بالتالى اختياراته ممكن تكون مختلفه عن اختياراتك يعنى مثلا اللى راكب عربيه ملهاش شنطه و الموضوع ده عامله مشاكل اول حاجه هيتفرج عليها فى اى عربيه عايز يشتريها هتلاقيها اكيد الشنطه و كذلك اللى كان راكب عربيه مانيوال و جاله شد عضلى منه هيشوف اى عربيه اهم حاجه لازم تكون فيها هى الفتيس الاتوماتيك لان دى اهم حاجه تعبته من العربيه اللى راكبها و هكذا

بشكل عام ، عربية بنزين 92 موتور كويس كماليات كويسة قطع غيار مش غالية اعتمادية كويسة ، مش طلبات مستحيلة يعني المعضلة بس في البنزين