فلتر زيت البومة الياباني الاصلي

**koko616** · 19-11-2012 07:51 PM

سلام عليكم ... لو سمحتوا كان عندي كذا سؤال

انا روحت سألت عند واحد في اسماعيلية عن فلتر زيت لانسر بومة الياباني الاصلي و لقيته بيقولي ب 40 جنيه !! و بسأله متأكد انه اصلي ؟؟ قالي اه

و سألت على فلتر تاني كوري ب 70 جنيه

هما دول اللي لاقيهم في اسماعيلية ... ايه النظام بقى اركب ايه فيهم و سعر الفلتر الياباني ده طبيعي و لا ايه و هل في تأثير لو ركبت فلتر كوري ؟

تاني حاجة ... انا عندي خدوش بسيطة كده في العربية و نقط سودة في الاكصدامات و نقط بيضاء في الباب مخلية شكل العربية وحش ... ايه الحل في الكلام ده ؟؟؟ اروح لبوهيجي يتصرف فيها ولا اعمل ايه و احسن حل ليها ايه ؟؟؟ علما بأنها مش عميقة

تالت حاجة بقى هو فيه موبل وان 3 الاف ولا لا ؟؟؟ اصل على طول بحط 10 الاف و مش عارف فيه منه 3 ولا لا و لو فيه يبقى بكام

**koko616** · 19-11-2012 09:15 PM

للرفع و التذكير

**ehab** · 19-11-2012 09:27 PM

بص الياباني لسه الحاج جايبه من الرواس سعره في السبعين كدا
الزيت في موبيل ال xhp تقريبا دا اسمه دا ال 3 الاف سعره 125
بس دا زيت عادي مش تخليقي زي الموبيل 1

**MohammedAladel** · 19-11-2012 09:46 PM

فلتر الزيت لو مش أصلى يعنى مش بينقى الزيت من الرواسب كويس ودا بيزيد احتكاك البساتم جوا وبيقلل عمر الموتور
يعنى ممكن الفلتر يتسد لأنه معمول أى كلام

الفلاتر عامة هواء أو زيت أو بنزين يا الأصلى يا بلاش

**ahmed_h_g** · 20-11-2012 05:49 AM

الفلتر اليابانى الأصلى ب70 جنيه ومختلف تماما" عن اللى فى السوق اللى ب25 جنيه

**prisoner** · 20-11-2012 03:05 PM

انا مرة جيبته من واحد بيبع قطع غيار تابع للتوكيل كان ب 55 جنيه بس ده من شهور كتيرة وعرفت انه الاصلى لانه متبرشم مش مفتوح زى ابو 25 جنيه وبعدين الكتابة اللى عليه مش باهتة يعنى واضحة جدا وباين انه محترم وينصح بيه للناس اللى بتمشى لغاية 10000 كيلو لكن اللى بيمشى اقل اى فلتر يقضى الغرض تحياتى