اقتباس:
اقتباس:
وفيما يلى شرح مبسط وصور توضح كيفية سير عملية التجميع المحلى ومراحل الانتاج [/B]
أولا: خط تجميع ولحام الهيكل الخارجى للسيارة
ويتم لحام أجزاء الهيكل السابقة يدويا .. فى حين يتم لحام الابواب اتوماتيكيا بواسطة جهاز آلى تحت اشراف العنصر البشرى مؤخرا بعد أن كان يتم استيراده كاملا .
وأخيرا .. يتم عمل اختبار لأبعاد السيارة الداخلية والخارجية يوميا بأخذ عينة عشوائية من خط التجميع للتأكد من مطابقتها لمواصفات نيسان العالمية .
ثانيا: خط الدهان
رابعا: مرحلة ضمان الجودة والاختبار
وتشمل مراجعة كل خطوة من خطوات التجميع السابقة من قبل قسم الجودة حيث يتم التأكد من سلامة كافة الاجزاء التى تم تركيبها من قبل واختبار تشغيلها من أول الانوار حتى الاجزاء الميكانيكية والمحرك مرورا بضبط الزوايا واختبار أداء نظام الفرامل فيما تعد هذه المرحلة من أهم مراحل عملية الانتاج .
اقتباس:
(انطباع الاستاذ بيشوى)
- لاحظت ان عامل الجودة يسير في الكثير من المراحل بالمصنع و ديه حاجه مهتمين بيها جدا جدا و دي حاجه كويسة جدا ً
(انطباع الاستاذ أحمد عصام)
ملاحظاتى كالتالى:
3- بالإشارة للنقطة الكريمة اللي كانت بتقول ليه المصنع مش كله روبوتس وبحكم عملي كمسئول للتخطيط اكتر من 5 سنين في كذا شركة مالتي ناشيونال .. اقدر اقول ان الشركات العالمية بتدخل مصر بتسهيلات في مقابل تسهيل وتيسير فرص العمل بانها تخلي مصانعها "كثيفة العمال" ... مش "كثيفة رأس المال" ... لأن نيسان مش هاتغلب تجيب ست سبع روبوتات والعربية تخلص هوا علشان كدة بيكون في الحسبان ان المصنع يفتح بيت مئات العمال علشان ياكل عيش في البلد دي
5- لاحظت انهم شغالين بأسلوب كاي زن ... وده أسلوب ياباني لتحسين وتسريع العمليات الإنتاجية والإدارية ... وبيضمن التعلم المستمر وتقليل الهدر في مدخلات الإنتاج ... ولما رحت قسم مراجعة الجودة سبت الراجل يتكلم وقعدت اقرا الخرايط بتاعت تحسن الأداء مع الزمن وشفت التحسن الشديد في الجودة النهائية ووقت الإنتاج بنسبة أكتر من 100% عن الوضع السابق.
7- العربيات بتتجرب فعلاً بشكل كويس لكن ده مايديش مبرر للناس اللي بتقول وليه بيطلعلنا عيوب ... انت مش بتتسلم العربية معيوبة العيوب فيه منها ما يظهر بعد فترة كبيرة مشي وده ماحدش بيقدر يتنبأ بيه .. علشان كدة معمول فترة ضمان وماعتقدش ان فيه حد بيشتكي من ضمان نيسان زي باقي الشركات اللي مخرجة المساعدين والطنابير من الضمان واللي بيقوللك ماليش دعوة بيك إلخ إلخ ..
(انطباع الاستاذ أسامة الخولى)
طبعا اعجبت بتجهيزات الدخول من حيث معايير السلامة والاهتمام بالنظافة ايضا
بدانا الجولة بالتعرف على المراحل الاولية لتصنيع الصني حيث يتم تجميع الهيكل بالكامل في مصر وياتي قطع
والجديد اضافة روبوت لتجميع الباب عكس السابق حيث كان ياتي الباب كامل ويتم تركيبه فقط
في اخر مرحلة للتصنيع تختبر السيارة اختبار كامل تحت ظروف قياسية للتاكد من سلامة السيارة تماما
وبعدها تاخذ عينة عشوائية للاختبار في ظروف طرق مشابه للطرق المصرية للتاكد من خلوها من اي عيب
اعجبت بصراحة على مدى الصرامة في نقطة ال quality control
(انطباع الاستاذ حاتم صبحى)
*لقد لاحظت النظام والترتيب والتقسيم لأقسام المصنع من مكتب المهندسين وهو يطل على خطوط الأنتاج مباشرة
*ثم أقسام المصنع (خط الصاج) (خط الدهان) (خط التجميع النهائى) ولقد لاحظت أن عملية الرقابة على الجودة تتم مرحليا أى كل مرحلة خلال تجميع السيارة يتم المراقبة عليها وذلك بخلاف الرقابة النهائية على السيارة كمنتج نهائى تام الصنع
(انطباع الدكتور علاء ابراهيم)
و بيشرف على كل جزء او مرحلة فى خط الانتاج مشرفين مصريين و يابانييين
اسلوب العمل فى المصنع ان كل عامل مسؤل عن الجزء بتاعه و مطلوب منه انه يراجع على شغله قبل تسليمه للعامل او المرحلة اللى بعده
لان العامل اللى بعده كمان هيراجع على شغل العامل اللى اشتغل قبله ( يبقا كده العامل بيراجع مرتين مرة اما يستلم من المرحلة اللى قبله يراجع على الشغل اللى قبله و مره بعد ما هوا يعمل الشغل الجديد يراجع على شغله)
- فى بعض مصانع العربيات بتيجى الهياكل مجمعة من بره و احيانا مدهونة كمان ثم يقوم العمال بالتركيب عليها
لكن الامر فى مصنع نيسان مصر اكثر تعقيدا من هذا
شاسيه العربية بيجى قطع و الواح صغيرة فتدخل خط تجميع الشاسيه يتم لحام الالواح فى بعضها بالكهرباء والعامل يدير و يتحكم فى ماكينة اللحام
وقبل الانتقال لخط الدهان وارد جدا انك تلاقى شاب ظريف كده بياخد واحدة من العربيات المنتظرة دى عشوائيا على جنب وبيركب عليها حاجات كده معمولة من الحديد مدهون لبنى (منها على شكل فانوس خلفى او زجاج خلفى) .. فلما سالنا وجدنا ان ده نظام فى المراجعة مبتكر بالتعاون مع رينو
عشان يتاكد من مقاييس الفوانيس و الزجاج و الخلوص بين الصاج و بعضه
طلعنا من قسم الدهان وجدنا سيارات اتدهنت و نشفت و بتلمع و منتظرة فى جنب
سالنا هيا منتظرة ايه؟
قيل لنا منتظرة الok بيجى شاب من المهندسين يفرز دهان العربية حته حته و لو تمام خلاص لكن لو وجد عيب صغير بيوقف العربة
فسالنا طب لو فيه عيب؟
فقيل لنا ان لو العيب صغير ممكن العربية ترجع تدخل معالجة لو مثلا نقرة خدش او اتساخ او رايش فى منطقة من السيارة
و اضاف المهندس مدحت " و ممكن العربية تتوقف تماما" و تتحول الى scrap او بقايا انتاج
ويليها خط التركيب حيث يتم تركيب العفشة والموتور والحاجات اللى بتركب دى زى الموتور والجيربوكس بتبقى قادمة من اليابان على بعضها مش بتتجمع فى المصنع ( يعنى الموتور بيطلع من كرتونته يركب فى العربية و هكذا)
و هنا مرة اخرى يظهر روبوت ظريف مهمة مساعدة العمال فى تركيب التابلوه بعداداته بمعظم ملحقاته دفعة واحدة داخل السيارة
و فى هذه المرحلة ممكن تجد رجل محترم يطلب سحب احد هذه السيارات لتدخل فى غرفة و تعالو ندخل وراه نشوف هوا بيعمل فيها ايه؟
هذه الغرفة بها جهاز كبير ملحق بكمبيوتر كبير ايضا هذا الجهاز متصل بذراع رفيع مهمته لمس السيارة فى اكثر من مكان و تسجيل قراءات على الكمبيوتر بخصوص هذه النقطة التى لمسها الزراع وهكذا نقاط كثيييييرة و معلومات تدخل الى الكمبيوتر
و بهذا يتم نقل احداثيات السيارة الى الكمبيوتر ليرسم شكل ثلاثى الابعاد للسيارة ثم يقوم بطباعة هذه المقاييس ليتم مطابقتها بالمقاييس الاصلية الstandard بتاع نيسان و يشوفو نسبة الاختلاف و هل هى مسموح بها ام لا
نعود الى التجميع و ها نحن فى نهاية الخط العربية اصبح فيها كل حاجة تقريبا حتى الكراسي و الاريال بتاع الراديو
و يحوم حولها بعض الشباب للتاكد من جودة التقفيل ثم تدخل على جهاز ضبط العفشة و الزوايا
و بعد انتهاء هذا الاختبار داخل المصنع تخرج السيارة الى النور حيث يقوم مهندس باخذ السيارة فى اختبار اخر خارجى فى ساحة الاختبار
و فى طريقنا الى الساحة وجدنا اكثر من سيارة تنتظر و بها عيوب بسيطة فى اكصدام او مراية او بلا عيوب ظاهرة
فسالنا و كانت الاجابة ان هذه السيارات لم تاخذ ok و بها بعض العيوب و ستعود بعد معالجتها و ان لم تنجح معالجتها لن تخرج الى النور
وصلنا ساحة الاختبار خارج مبنى المصنع حيث يتم اختبار السيارة على طريق مصمم للاختبار حسب توصيات نيسان الام به مطبات و مطالع و منازل
ثم تدخل السيارة فى شىء اشبه بكشك كبير لاجراء اختبار shower test حيث يتم امطار كميات كبيرة من الماء على السيارة ثم يتم الكشف عن وجود اى تسريب للماء و معالجته ان وجد
و فيما بعد تاتى مرحلة اخرى فى اختبار الجودة فيقوم مهندس الجودة بسحب احدى السيارات التى لم يتواجد بها اى مشاكل اثناء انتاجها و سيارة اخرى وجد بها بعض المشاكل و تم علاجها و اصبحت ok و يقوم بادخال السيارتان غرفة خاصة للكشف عليهما و تستغرق هذه العملية عدة ساعات ومن الممكن ان ياخذ المهندس السيارة فى جولة على الطريق خارج المصنع و يعود لنفس الحجرة بالسيارة فيما بعد و يدون ملاحظاته
فان وجد باحدهما عيوب يتم اصلاح العيب و يتم اخذ سيارة بعدها فى الترتيب فى خط الانتاج واخرى قبلها واجراء الاختبارات فان تكرر العيب يتم توسيع دائرة الكشف فتشمل اكثر من سيارة قبلها و بعدها فان وجد عيب ( وذكر لنا المهندس ان هذه الحالة القصوى لم تحدث من قبل) يتم وقف خط الانتاج لاكتشاف سبب هذا العيب المتكرر
وانتهت جولتنا وعدنا مرة اخرى بقاعة الاجتماعات والتقينا ب Mr Nambu الذى كان سعيدا جدا باللقاء والتقينا بمسؤولى مصنع نيسان ودارت بيننا بعض الحوارات عن المصنع
و ابدينا ملاحظات كان ابرزها اننا وددنا لو تتطور عملية التصنيع و ياخذ الروبوت دورا اكبر ؟
و كانت الاجابة ان وجود العنصر البشرى فى بعض الاحيان و فى بعض المراحل بعينها اثناء عملية التصنيع يكون افضل و ادق من الروبوت
ايضا وجود خط انتاج يعمل اغلبه بالروبوتس صحيح انه سيسرع عملية الانتاج لكنه ايضا سيزيد من التكلفة جدا مما سيرفع من سعر السيارة