الموضوع: تقرير مقابله النخيل بالاسكندريه 16-11-2012

المشاركة الأصلية كتبت بواسطة motaz.habib

بجد كان يوم من احلى الايام اللى الواحد اتفسح فيها
يارب دايما متجمعين على خير

ربنا يخليك يا معتز ونشوفك دايما علي خير

المشاركة الأصلية كتبت بواسطة ghostmido

تقرير رائع يا قرصان. والله تعليقاتك مهلكة من الضحك.
الحمد لله على كل شئ انا كان نفسي اكون معاكوا.
ان شاء الله تتعوض واقابلك كمان اسبوعين فى اليكس.

انت متفتحش بوقك
انت اخرك بلطيم ونجوع وقري الصعيد تتفسح فيها

المشاركة الأصلية كتبت بواسطة tananybasha

والله لو لا الظروف اللى عندى
والله كنت جيت
بس تتعوض ان شاء الله
و اسكندرية منورة باهلها يا شنر
بالمناسبة
احمد بيسلم عليك

ربنا يخليهولك يا طناني وباذن الله ظروفك تسمح بعد كده بالحضور

المشاركة الأصلية كتبت بواسطة aw2100

كان نفسى احضر اللقاء دة بس لظروف مقدرتش ان شاء الله فى اللقاء القادم حاكون من المتواجدين معاكم بصراحة انا استفدت كتير من هذا المنتدى على النت واتمنى التعرف على الأشخاص اللى وراء هذا المجهود الرائع
لكم كل التحيات اخوكم وليد من الأسكندرية !!

باذن الله يا وليد باشا تشرفنا ونتعرف عليك

المشاركة الأصلية كتبت بواسطة sherifowahba

ما شاء الله علي الناس الجميلة دي كلها و كان نفسي و الله يا شنو اكون معاكم والبي دعوتك ولكنني اصبت بنزلة برد حادة يوم الخميس و هو ده السبب و الله لكن تتعوض ان شاء الله و ربنا يفك النحس الي عندي في موضوع المقابلت ده

بص بقي انا مش حقولك علي مقابلات تاني ههههههههههه
حخلي حد تاني يقولك
دا انت من اول المؤكدين يا كبير
الف سلامه عليك وربنا يشفيك من البرد اللعين ده

المشاركة الأصلية كتبت بواسطة ahmed_selmy

كان يوم فعلا رائع وتقريرك يا شنورى ممتاز, وتسلم يا باشا على المجهود الرائع اللى انت عملته فى المقابله دى بصراحه, وان شاء الله نبقى نعمل مقابله فى القاهره وتنورنا فيها, بس اعمل حسابك ان القاهره معروفه بالفول والطعميه والكشرى يعنى متنتظرش سمك ولا لحوم خالص, عقبال المقابله الجايه ان شاء الله.

وحبايب السيده راح فين يا كبير ؟؟
وبحه
والبرنس

المشاركة الأصلية كتبت بواسطة ahmed-moga

ههههههههههههه انا موت من الضحك علي تعليقاتك علي الصور ياشنر ربنا يفرح قلبك ياشنوري زي مافرحت قلبنا كلنا وبجد سعدت واتشرفت بيكم جدا جميعا وربنا يعلم المقابله دية طلعتني من الحاله الكئيبه اللي كنت فيها وخلتني قضيت يوم من احلي ايام عمري وده مش غريب عليكم اخوه واهلي نايل موتورز ربنا يديم المحبه والموده والأخوه بينا علي طول وديما ياشنوري مجمعنا في الفرح والخيرعلي طول ان شاء الله
اما الصورتين هههههههههههه اسلام طلبت معاه يصور كل حاجه حتي الطوب والصخر والرمل يمكن الفسفور اللي أكله كان مخليه يشوف حاجه احنا مش شايفنها في الرمل والصخر هههههههههههه هبلغه شكرك وعلي فكره علي الرغم انه مش من اعضاء نايل موتورز النشيطين بس كان راجع مبسوط جدا وان شاء الله نتقابل علي خير مره تانيه خالص شكري وتحياتي لك وللحاجه والدتك واستاذ كريم منير وكل الناس اللي حضرت وسعدت بالحديث معهم وتشرفت بهم وشكر خاص جدا لأستاذ هاني عبد الفتاح اللي استضافنا معاه في سيارته ووصلنا القاهره جزاك الله خير وربنا يبارك فيك
والي ان نتقابل في مقابلات آخري بأذن الله وان شاء الله هحاول اكون متواجد دائما معكم خالص تحياتي لكم جميعا

ربنا يخليك يا موجه ومستنيك متفوتش مقابله بعد كده