الموضوع: تقرير مقابله النخيل بالاسكندريه 16-11-2012

المشاركة الأصلية كتبت بواسطة mido777

شنورررررررررررررررى يا جااااامد :ta_clap[1]:

والله كنتم منورين اسكندرية يا رجالة
اليوم كان جامد جدا ومجهود جبار من كل الناس اللى تعبت علشان اليوم يطلع يالشكل الجميل ده

وبالنسبة لمركز شباب الشيشه يا شنورى حنبقى نروح ونعمل زيارة ليه فى المقر الأصلى (الكنج)

ان شاء الله نظبطا كويس ونطلع طلعة كنجاوية

بس انا اسف ان كان فيه ناس مكنتش اعرف اسمائهم كاملة وعرفتها دلوقتى من الصور وكان نفسى اتعرف عليهم اكتر لأنهم ناس فى غاية الأحترام وبتعجبنى ارائهم زى (مع الأحتفاظ بالألقاب)
سمير الشهاوى , غزالى , هانى عبدالفتاح , محمد قاسم ، حسين (سونا ستيل) ، احمد مشعل ، ابو جوجو ،،،،،،



اخيرا ... شكر خاص للحاجة والدة شنورى وكل السيدات الفضليات اللى كانو موجودين واللى تعبناهم معانا فى تجهيز الأكل والمشروبات


[gdwl]

( كريم منير ، شنورى )
يقولون (( الأصدقاء الحقيقيون مثل الأحجار الكريمة لا تستطيع صناعتها ولكنك تجدهم وبإمكانك المحافظة عليهم )) وأنتم كده فعلا،ربنا يديم الصداقة والأخوة

[/gdwl]

والله انت اللي ليك جزيل الشكر يا محمد
انا عارف التزاماتك يوم الجمعه بتكون عامله ازاي
فانك تسيبها وتيجي بدري اليوم ده
فدي علي راسي من فوق
وانت اللي جوهره والله انت وكل الناس الموجودين معانا دايما
ربنا يديم المعروف ويخليك يا باشا

المشاركة الأصلية كتبت بواسطة alaamousa

حمد لله عل سلامتكوا يا رجالة تقرير رائع يا شنور سامحني ظروف شغلي غصب عني
ان شاء الله المرة الجاية نتقابل على الاخير
انت عارف البرنس يا شنوري اصلي يا باشا انا ساكن قريب منه اصلا
ان شاء الله تنورنا وتاكل عنده قريبا بامر الله

باذن الله حنعمل مقابله شبيهه يا باشا ونرجع لمقابلات كل شهر في اسكندريه
اللي كان بيعطلني عن التنظيم هو وجود مكان كويس اعمل فيه المقابله

المشاركة الأصلية كتبت بواسطة aif

تسلم ايدك يا شنوري

التقرير ده والتعليقات دي من اجمل ما في المقابلة
..
..
..
بعد الجمبري طبعا:f_eyeb1[1]:

بعد وجودك يا حاج مش بعد الجمبري

المشاركة الأصلية كتبت بواسطة donzi

السلام عليكم

كان يوم زي الزفت والجو وحش ومقلوب والاكل قليل جدا و طعموا استغفر الله العظيم والناس كئيبة ومملة و...و....و......

سيبكم ماللي فوق دا بقى خاااااااااااااالص عشان كله من ورا القلب ، والحقيقة انه كان يوم رايق وجميل وشفت ناس محترمين كتير بقالي فترة مشوفتهمش والجو كان جميل جدا جدا جدا و الاتنظيم كان ممتاز يا شنوري بجد ربنا يكرمك الشاليهات نضيفة جدا ومتظبطة و الاكل كان تحفة ماشاء الله معتقدش ان في حد قدر يخلص وجبتوا اصلا

بالنسبة بقى للبسبوسة و الكنافة والحاجة الساقعة و الموز -وماخفي كان اعظم- اللي انا مطولتش منهم حاجة فا انا بطالب بتعويض مادي ومعنوي عن حقي اللي اتاكل وراح ولن اتنازل يا شنوري

تحياتي للاعضاء المحترمين اللي كانت اول مرة اتعرف عليهم
خالد طلعت
علاء الشناوي
احمد البدري
الحاج احمد ابراهيم
استاذة friendship

وسلام خصوصي للاسكندرانية الغالين مدام سما و الحاجة العسل والدة شنوري

كفاية رغي كدا والعاقبة عندكم في المسرات :)
فوتوكوا بعافية

ايه دا
هو انتي كنتي موجوده ؟؟؟
ولا اخدت بالي ههههههههههههههههههههههههه هههههه
نورتينا والله
ومستنيينك في كل المقابلات الجايه

المشاركة الأصلية كتبت بواسطة terrible_darsh

كان يوم جامد جمبرى الحقيقة .

شكرا للناس الحلوة اللى اتعرفت عليها والناس القديمة اللى شفتها

احمد موجا اتفاجئت بيه قاعد جمبي ومعرفش ان هو صاحب الاكونت :d

حسين سونا كنت فاكره 35 سنة بس اتفاجئت انه صغير , احمد فارما من صورته تديله 29 سنة فى المقابلة بالكتير 21 سنة :)

مدام سما اول مرة اعرف انها مديرة المنتدى ولما فتحت المنتدى خمنت مين هى واستنتجت طبعا بذكائى الخارق ...

شكرا على الصور يا شنورى بعد كده كل واحد يجيب كاميرته معاه .

وكان نفسي اجى بس تتعوض "ايموشن استهبال محدش يغلط" .

ههههههههههههههههههههههههه هههههههههههه
كفايه انك بجد جاهدت لحد ما جيت وحضرت معانا اليوم
والحمد لله انك اتبسطت

المشاركة الأصلية كتبت بواسطة karim_monir

حقيقي كان يوم اكثر من رائع
وبما اني بايت قبلة ب 3 ايام فكان عندي صور حصرية للحظة وصول الشعب :-)
شنوري بجد مش عارف اقولك شكرا ازاي على تنظيمك يوم مرهق زي ده
انا متخيل حجم المعانا في البحث عن مكان مناسب وشراء اللوازم والتعاقد مع المطعم والاسوء انك مش عارف العدد الحقيق اللي جاي وبعد كدة تستناهم وتعرف العدد وبناء علية تروح تجيب الاكل من المطعم
عارف انت لو متجوز ومخلف
مش هاتعمل كدة وهاترميهم للحاجة :-)
بجد الف شكر ليك وللحاجة
ورغم اني كنت مقاطع الحلويات عشان الوزن ما يزدش الا ان الكنافة بالقشطة ندهتني زي النداهة :-)
ولقيت شيئ من بعيد ناداني رغم اني كنت ضارب فسفور ومنور(وبالمناسبة الصور اللي بعد الفسفور حذاري تنزل :-) عشان انا سمعت اني لما كلت الفنكوش عملت حاجة كويس جدا :-)
كل حاضرين المقابلة بجد كان بقالي كتير ما شوفتكمش
واتشرفت بمعرفة ناس جديدة كل يوم
حقيقي كل يوم بشوف في اعضاء المكان ده المحترمين بيهون عليا اي تعب وقرف بشوفوه في ادارتة من اجل تجمع تلك النخبة من العقول والشخصيات الرائعة دوما
مدام سما المدير الاداري احب اوجه لها شكر خاص لانها جندي مجهول دوما ورا الكواليس

شنوري انا رجعت السبت كان عندي ميتنج قتللي اليوم
ومن ساعتها نزلت الشغل زميلي واخد اجازة اسبوع بيتفسح في اليونان وتركيا وانا شايل شغله :-(
مدرس فرنساوي وجغرافيا على ما يجيبو مدرس جغرافيا :-(
اوعدك لو روحت بدري ساعة قبل الناس هاسحب الصور وابعتهالك لانها معدية ال8 جيجا تقريبا :-)
مش كلهم المقابلة دي المقابلة واليوم اللي قبلة فمحتاج افصل الصور وابعتهالك

والله يا كيمو بعد الانقطاع الكبير عن تنظيم مقابلات اسكندريه (اكتر من سنه)
كان لازم نعمل مقابله جامده متتنسيش
والتعب وطلعان العين ده الواحد بينساهم مجرد ما بيشوف الناس مبسوطين ومرتاحين
بس مقولتليش فين اللقب ههههههههههههههه
اين اشيائي يا كريم
بخصوص الصور ال8 جيجا
حعملك موضوع النهارده لما اروح المحل
حخليك تصغرهم ل100 ميجا او اقله بضربه زرار واحد
بس اروح واظبط الصور اللي حعمل بيها الموضوع