الموضوع: تقرير شامل عن بريليانس v5 بعد 5000 كيلو

انا بافكر انى اشتريها ولكنى فى حالة مقارنة مع عربيات اخرى كتير زى الاسترا مثلا ولى سؤال :
الاسترا الانجوى افضل واللا v5
هل فعلا ال v5 اعلى فئة مافيهاش مثبت سرعة
وشكرا

هى ال v5 اعلى فئة فيها مثبت سرعة واللا لا

المشاركة الأصلية كتبت بواسطة magelad

هى ال v5 اعلى فئة فيها مثبت سرعة واللا لا

لا يوجد

المشاركة الأصلية كتبت بواسطة horas3000

للاسف العربيه دخلت في لعبه ال over price التييييت
امبارح شفتها في معرض في مدينه نصر بيبيع الهاف ب 138 الف و الهاي ب 148 الف
يعني 12 الف جنيه زياده
و بيقولي علي فكره ده بعلم التوكيل عشان احنا بنسلم فوري و هما لا

للأسف بقت ب 155 الف الاسبوع اللى فات. ودة بعد تخفيض سعرها 3000 جنيه عن الاسبوع اللى قبله كنت لما كنت واخد عرض سعر ب 158 الف، بس ربنا عطلنى شوية لقيتها نزلت ال 3000 دول
انا هاحاول اتقل شوية يمكن يدونى عليها 5000 ج بعد شهر

المشاركة الأصلية كتبت بواسطة مدحت البلبيسى

الف مبروك وربنا يباركلك ويبارك للكل فيها خلينا نوضح بعض الحاجات الى لاحظت انها عامة مع الاغلبية عشان يطمنوااولا العربية الاول البواب والشنطة بتقفل برزع شوية خصوصا الشنطة ودى بتروح الصيانة بيريحوا المفصلة وبتبقى زى الفل مافيهاش مشكلة خالص وبتبقى ناعمة جدا وكون العربية مابتقفلش الا لما الشنطة تقفل دى على فكرة عملية امان زى لو نسيت باب مفتوح او الكونتاكت مفتوح العربية ما بترضاش تقفل ويوضحلك السبب على شاشة الكمبيوتر لانها بتفضل منورة ثانيا حكاية العفشة سايبة ما اظنش مع الكل ودى عادى بتحصل مع زمايلى فى عربيات كتير من الشحن والنقل وفى ماركات كتير وبتتربط والامور بتبقى تمام الاهم عشان ماتقلقوش فى الاول بتبقى العربية ناشفة شوية وممكن تدب فى بعض الحفر على سرعة لكن بعد الالفين وانت طالع وخاصة بعد الخمس الاف العربية بتنعم جدا جدا جدا وبتختلف تماما فما تتخضوش فى الاول نفس خضتى ودى لاحظتها مع الكل وبعد كدة عفشتها بتبق ما شاء اللة وكمان ممكن يبقى فى صوت تكتكة بسيط عشان العربية زيرز لكن مع المشى بتطبع وبتبقى تمام الحاجة تانية السحب بعد صيانة الالفين بيختلف وبيزيد تماما وبيبقى بسم اللة ماشاء اللة بس لازم تفتح الكانة وتقرص عليها عن تجربة بتفرق بعدة طول العمر فى العربية ومن كلام المهندس ليا وانا بصراحة فتحتلها من اول الف كيلو والعربية سحبها بسم اللة ماشاء اللة حاجة كمان نصيحة لازم كل اسبوع او عشر ايام فى بلدنا الجميلة تنفضوا فلتر الهواء والسربنتينة بالهواء بتفرق جدا فى السحب خاصة فى جو بلدنا المترب كمان نصيحة هواء الكاوتش لو مش مظبوط فى العربية دى بياثر بيتظبط على 32 هواء والافضل على عداد ديجيتال بلاش مقاسات الهواء العادية عن تجربة بتزود وبتنقص بالخمسة والعشرة انا بطلتها خالص لان لو الهواء زاد اوقل بياثر فى مشى العربية والثيات العربية ثباتها محترم جا واللة امبارح ملف وعلى سرعة ورملة على جانب الطريق العربية لمت معايا لو عربية تانية كنت انقلبت والحمد للة ربنا ستر وفراملها بسم اللة ماشاء اللة وعلى فكرة كل تمشى بالعربية اكتر هاتظبط معاك فى كل حاجة كمان ممكن يكون فى الاول تحس بسخونية بسيطة من جوة او فى الماكنة وبعد الالفين كيلو وانت طالع بتختفى تماما وبتبقى تمام كمان حضرتك بتقول مافيش تنبية حزام امام للراكب الامامى موجود وماحدش قارقنى غير صوتة لدرجة انى ربطة على الكرسى باستمرار ودة بصراحة امان فى عند لمبتين وجرسين للراكب الامامى والسائق مفيش تنبية للسرعات العالية ودة بصراحة انا شايفة ميزة عشان الازعاج ومش هوة دة الى هايمنع حد من الجرى الى عايز يجرى بيجرى حكاية المساحات مش بترفع دة امان من الكسر والسرقة بصراحة وللقزاز ولو حضرتك حبيت ترفعها بتوقفها فى النص وترفعها عادى جدا جداوبسهولة وانا شايها ميزة عن تجربة شخصية درج الطابلوة مافيهوش نور دة انا معاك فية بس الاضاءة فى العربية كافية جدا وبتنورة وبيبقى واضح العواكس فى الابواب انا معاك مش موجودة عمرى ما خدت بالى منها يمكن مش ماثرة فى حاجة احنا بنحسوكها شوية ههههه على عربية بالسعر دة وبامكانيتها التانية الى تضاهى اكتر من سعرها وعامة محلولة ممكن حضرتك بتجيب الفوسفور وبتقطعة عن بتاع الكماليات وبيلصقة زى العاكس تماما بس حد يكون كويس وبيفهم بتبقى كويسة جدا عن تجربة لو تفرق معاكالعربية فيها كماليات واوبشن كتير وبجد حلال فيها الفلوس وبجد مش هاتندمموا ربنا يباركلنا فيها والى عندة سؤال انا تحت امر الكل فى اى حاجة واى سؤال هاتقولوا انا بدافع عن العربية ومتحمسلها بصراحة بحترمها جدا وما كسفتينيش وما ندمتش على اختيارى مقارنة بالعربيات التانية الى معايا فى البيت وعربيات اصدقائى واكيد مش احسن عربية فى الدنيا ههههههه ولكن على سعرها بجد تستاهل اكتر والسلام ختام

حمدى بك...شكرا على مجهودك وافاداتك اللى حببيتنا فى العربيه دى فعلا
حصل تنويه على ان الهاي لاين من العربيه دى فيه ايرباج فى الكراسى الاماميه
انا ملقتش اى حاجه تأكد المعلومه دى على موقع بريليانس مصر بالمرة
لو تكرمت تأكد المعلومه دى او تنفيها. علشان ده يفرق كتير فى خطة الكسوه الجلد اللى كنت هاركبها لما اشتريها ان شاء الله

الفرش الجلد لن يعوق الوساده الهوائيه اللي في الكرسي ...علي حسب كلام كل بتوع الفرش ...الوساده الهوائيه بتقطع الخياطه و تفتح برضه