الموضوع: تقرير شامل عن بريليانس v5 بعد 5000 كيلو

السلام عليكم
يا جماعه عايز استفسر منكم ضرورى على شئ سريع
اولا ان شاء الله ناوينا نغير سيارتنا الفولكس سوران ببرليانس v5 الهاى لاين
وكنا محتارين بين الاسود والموكا والابيض وتم استبعاد الابيض لانه انتشر فى الاسكندريه الان واحنا عايزين حاجه مميزه وفى النهايه اخترنا الاسود وطبعا احنا كان معانا المانى فصعب اوى ننزل للصينى بس بعد مافحصت العربيه لمده طويله جدا من اول مانزلت السياره حتى الان وبشوف كل المواضيع للناس الى جربت واعجابهم بها

على فكره احنا هنجيب موديل 2015 وهى لسه نازله وبتترخص 2015 بس زياده فيها الزجاج الفاميه وشالوا منها وحده الرفع وب158000 دلوقتى

المهم ان شاء قريبا سوف نحجزها وهنركب بها الشاشه الجى بى اس تقريبا ب4800 جنيه ووحده الرفع للزجاج ومش عارف ثمنها لسه دى المهم دلوقتى احنا محتارين فى حاجه من فرش السياره لان الفرش بيكون على حسب الطلب يعنى لو اختارنا التابلوه اللون الاسود هيكون الفرش اسود والابواب سوداء والتابلوه بالكامل اسود ولو اخترت ان التابلوه يكون لونين الاسود والبيج هيكون الفرش بيج والابواب بيج بس لكل واحد مميزات وعيوب يعنى اولا عيب السياره ان فرشها مش حلو خالص وهيتسخ بسرعه وهيتقطع مع الوقت بسرعه بس الاسود مش هيبان فيه اوى والبيج منور العربيه اما الاسود مظلمها شويه والاسود مش هيبين الى بداخل السياره اوى بعكس البيج والاتنين شكلهم شيك فرق ان البيج منور السياره من الداخل فانا عايز رائيكم بسرعه قبل مانحجز وشكرا ولما نحجز ان شاء الله فى شوية اسئله برضه عايز اسئلها قبل الاستلام وبعده وياريت لو يوجد احد قبلته اى مشاكل فى السياره يقولى عشان على الاقل افحصها قبل الاستلام وشكرا

ان شاء الله انضم ليكم الاسبوع القادم ولي الشرف
شكرا لصاحب الموضوع وشكرا لكل اﻻعضاء
كلامكم عن v5
اشجعني علي اختيارها ----- ربنا يبارك لكم

السلام عليكم انا هستلم العربيه دي قريب و التقرير ده هو اللي خلاني افكر في الصيني بوجه عام.... الرجاء من الناس اللي معاهم العربيه و جربوها تنصحوني بيها ولا لاني بصراحه لسه خايف ادفع المبلغ ده في صيني

شكرا على المجهود و التوصيف و التجربة

عن نفسى فقد كنت فى إنتظار مثل هذا التقرير على هذا المنتدى الرائع خاصة أن هناك هجوما فى مواقع كثيرة على السيارة التى قرأت عنها أكثر من Review و أغلبها إن لم يكن كلها أثنى على العربة.

ملحوظة أخيرة: شركة بريليانس تنتج BMW الفئة الثالثة و الفئة الخامسة و هذه السيارة (v5) أقتبست فيها الشركة شكل السيارة BMW X1

أخيرا شكرا مرة أخرى لكل من شارك فى كتابة و تقييم التقرير

شكرا ليك على التقرير المحترم دة