لو مسافر مشوار بعيد و العربية وقفت منك فى نص السكة و الطريق مقطوع؟؟
لو حد اتعرض للموقف دة ياريت يقولنا عمل ايه ؟؟ او هتفكر ازاى وقتها؟؟
عرض للطباعة
لو مسافر مشوار بعيد و العربية وقفت منك فى نص السكة و الطريق مقطوع؟؟
لو حد اتعرض للموقف دة ياريت يقولنا عمل ايه ؟؟ او هتفكر ازاى وقتها؟؟
مش عايز اتصور الموقف ده في ظروف الامن الزفت اللي البلد فيها بصراحه. كان فيه واحد زميلنا عامل موضوع عن ان عربيته عطلت بالنهار وركن يبص عليها جاله اتنين في عربيه دبابه عشان يضربوه ويسرقو عربيته بس هوه كان معاه طبنجه وخوفهم بيها وهربو بعد ما كانو خبطوه على دماغه وكان شبه مغمى عليه. ما بالك بقى لو بالليل وممعكش حاجه تدافع بيها عن نفسك.
بيكون معايا نمرة ونش لاقرب المناطق اللي عادة بمشي بالعربية فيها وبكلمه ولازم موبيلي يكون مشحون وفيه رصيد طالما ركبت العربية
ههههههههههههههههههههههههه ههههههههههه
حصلت معايا في نص الجبل وقطعت وعادي جدا دفنت فلوسي في الرمل وفضلت قاعد علي شنطة العربيه لحد لما ربنا بعتلي واحد شدني بعربيته
انا اتخنقت لما اتصورت الفكرة بس الله يسترها برحمتتة علينا جميعا
طيب انت بتقول فيها ..أنا طبيب شغال فى استقبال مستشفى تعليمى ..الاسبوع الجارى ..السبت الماضى ..والد بلطجى مقتول ...جاء ودبح البلطجى الذى قتل ابنه فى الاستقبال امام الشرطة (واحدلى بالك انت من امام الشرطة ) .... .موقف لن انساه ما حييت . ربنا يسترها . !!
هاكلم حد من اصدقائى يجيلى و معاه ميكانيكى او ونش مبدأيا علشان اكسب وقت وهتسلى بأننى هحاول ادورها و انا مستنى و هاشغل قرآن فى العربيه و ربنا يسترها و هاخبى الحاجات المهمه اللى معايا فى الرمل و اخللى المحفظه معايا فيها شويه فلوس برضه علشان لو طلعلى حرامية اديهالهم. لو شبطوا فيها و كده كده العربيه عطلانه فمش هيعرفوا يسرقوها و :offtopic2: هابقى اعمل reminder على الموبايل انى ما انساش أخد الحاجات اللى خبيتها قبل ما أمشى بدل ما أروح و انساها و اعمل نهايه فيلم العار :glasses08:
بتتصل على ونش يجي يشيل العربية
وفي ظاهرة بدأت اشوفها عربيات نجدة مجهزة بتجيلك وبتساعدك
ولو عربيتك عطلت بيقطورها هما ودي حاجه ايجابية طبعا
موضوع بقى انك تكون في حته مقطوعة فانت مش ادامك غير انك تدعي ربنا تفضل سليم
لحد ما ونش يجي يقطر العربية
والحمد لله ربنا بيسترها مع الواحد ممكن يبقى ماشي بعربية مفيش فيها حاجه شغالة
ويقضي مشواره وتيجي عند قريب من بيت الواحد وتقف فربك هو اللي بيسترها
ربنا يسترها علينا احنا بقينا فى غابة مش فى بلد
ربنا ما يكتبها علي حد
اللهم أمين يارب
تفائل بي الخير تجدو
يعنى افهم من كدة ان لو هسافر لازم العربية تكون معايا من الزيرو !! ولا ايه رايكوا يا رجالة فى انكوا تشتروا عربية مستعملة و تسافرو بيها ؟
لا يغنى الحذر من قدر. و بعدين العربيه ممكن تكون زيرو و تحصل لها مشكله برضه زى ابسط حاجه عجلتين مثلا يتخرموا فى حته مقطوعه و لا تقطع بنزين يعنى حاجه ملهاش دعوه بحاله العربيه . هو اهم حاجه تكون متوافرة هى الموبايل لان عن طريقه تقدر تكلم الونش او اى حد يقدر يساعدك. كمان فى حاجات بسيطه لكن مفيده يستحسن تكون فى العربيه سواء كانت قديمه او جديده و هى مش هتخسر و بتنفع فى وقت الزنقه زى كشاف صغير و سلك قطر و شنطه عده صغيره و منفاخ الكاوتش اللى بيشتغل على ولاعه العربيه و شويه عواكس للضوء
اولا ربنا هو الى بيسترها معانا
ثانيا طالما سفر نبقى نختار وقت مناسب و الطريق يكون فيه حركة و عربيات
ثالثا لازم حد يكون عارف انى مسافر اهلى او اصحابى علشان لو حاجة حصلت حد يتصرف
فى حالة العربية عطلت يبقى اتصل بحد يكلم ونش انفاذ يجى ياخدنى او استنى على الطريق حد يقطرنى ولا حاجة
ولا حاجة