العفو على إيه :) لو عرفت أنواع تمام هكتبها
عرض للطباعة
ياريس باشا :)
أول مرة أقرالك كان لما اتكلمت عاللوجان في قسم تاني في المنتدى فياريت تقولنا هنا تجربتك بتفصيل أكتر وأبقى من الممتنين ليك امتنان الإبل :)
متابع ..من اجمل المواضيع
انا ايً حاجة باشتريها باعمل مسح للسوق وباجيب احسن حاجة موجودة تناسبً امكانياتي وباقل سعر والحمد لله
الحاجة الوحيدة اللي ندمت عليها الميكرويف
اوليمبيك ٣٤ لتر
جبته كبير اكبر من اللازم وعمل لي ازمه في مطبخي الصغير وبشواية زالشواية ولا ليها تلاتين لازمة
كان المفروض اجيبه ما يزيدش عن ٢٨ لتر ومن غير شواية
صاحبتي نصحتني وقالت لي صغري مالوش لزوم الكبير طمعت
الحاجة التانية شرا الملابس من عالنت و من عالفيس ومن مول فتكات جبت حاجات كتير واما اتسك في السعر او الخامة او الحاجة مش بتناسبني وبردو مش باحرم
اصل عندي جنان شرا اللبس الحاجة الوحيدة اللي فلحت معايا البنطلونات الجينز
على فكرة الدفاية الزيت افضل كتير من الشمعات الحرارية
ليه : لان وسيط التسخين هو الزيت بمعنى ان زعانف الدقاية بتبقى مليانة زيت
والهيتر يسخنه ويفصل و يفضل الزيت يشع حراة للتدفأءة ويفصل التيار الكهربائى
ولما تقل حرارة الزيت عن اللى انت ظبطه يشتغل تانى وهكذا فكده استهلاكها اقل للكهرباء
كمان درجة حرارتها لا تؤدى الى حروق للمستخدم ولا تحرق المكان الموجودة فيه لاقدر الله
كمان اهم حاجة فيها انها لاتحرق اكسيجن المكان اللى موجودة فيه ودى ميزة مهمة جدا
عيوبها عند بداية التشغيل بتاخد فترة اطول من الشمعات علشان تدفى كمان لاتصلح فى الاماكن المفتوحة
يعنى ما تنفعش فى ريسبشن مثلا عاوزة غرف مغلقة زى غرف النوم
المشكلة ممكن تكون فى النوعية انا عندى واحدة اريستون وممتازة جدا
الدفاية الشمعات عاوز حرص فى التشغيل وخاصة لو فيه اطفال وتحرق اكسجين الحجرة
بسرعة وتشعرك بالاختناق , اى لمسة بحرق ... ولو وقعت على سجادة اوطالت ستارة تبقى
مشكلة بجد حتى لو مزودة بمفتاح امان لانها بتبقى ساخنة جدا
بخصوص سخان الغاز
حد يقوللي على نوع سخان غاز 10 لتر محترم أشتريه ؟؟؟؟؟؟؟؟؟؟؟؟؟
منصحكش لو أول مرة هتجربه لأني متأقلمتش عليه خالص بقالي 5 شهور بعاني منه ومش بيظبط معايا المية خالص يا إما سخنة موت يا إما ساقعة تلج مفيش عنده وسط ! لحد ما أخيييرا ركبت حبيب قلبي الكهربا امبارح بس
لكن لو متعود عليه فأنصحك هات ماركة كويسة مضمونة وابعد عن كريازي ويونيفرسال وما شابه
--------------------------------------------------------
بخصوص الدفايات فمن الحاجات اللي ندمت إني جبتها عرض 5 دفايات من شركة الدار اللي بتعمل إعلانات على قناة الرحمة ولا الناس مش فاكر كان العرض بحوالي 200 جنيه تقريبا كل دفاية 2 شمعة بس معمروش شتا واحد والشمع قعد يشيع واحدة ورا التانية ده غير إن عشان تتدفى لازم تلزق الدفاية في جسمك !! وكان ناقص أربطها في وسطي وأنا ماشي في الشقة عشان أفضل دفيان !!
أوليمبك .. اللى هو أيديال برضه
شغال عندي بقاله حوالي 7 سنوات بدون أي مشاكل نهائي
وبتتحكم في درجة الحرارة ولو عايز بتشغل نصف عدد الشعلات فقط وبتتحكم في قوة اندفاع المياه ولما درجة الحرارة بتوصل لدرجة عالية جدا بيفصل لوحدة وموفر في الغاز بالمقارنة بعدة سخانات أخرى في العائلة ومش مقرف زيهم ومنهم الألماني المستورد والتركي
وأعتقد إنه أفضل سخان ممكن يشتغل على الضغط القليل متاح في السوق .. ولكن برضه تظل مشكلة الضغط القليل جدا مشكلة عامة في سخانات الغاز