1- غسالة كانت ماركة سوبر جينرال اشتغلت شهرين تلاته والمروحه خربيت ولقيت قطع غيارها غاليه واصواتها غريبه رامتها بعد 6 اشهر ( كانت تعبأ من فوق)
2- اى باد صينى كان سئ جدا جدا جدا وللاسف راميته بعد 3 اشهر لما قرفت منه
عرض للطباعة
1- غسالة كانت ماركة سوبر جينرال اشتغلت شهرين تلاته والمروحه خربيت ولقيت قطع غيارها غاليه واصواتها غريبه رامتها بعد 6 اشهر ( كانت تعبأ من فوق)
2- اى باد صينى كان سئ جدا جدا جدا وللاسف راميته بعد 3 اشهر لما قرفت منه
1- العربية لإني كان احسن استنى شوية و اجيب اوتوماتيك بدل بهدلة المتنوال في الطرق المصرية "مش عيب فيها شخصياً"
2- موبيل سامسونج wave 533, مشكلته في ال OS بتاعه, اخترع خزعبلي اسمه Bada مالوش أي 3 لازمة و معليهوش ابليكاشنز ولا أي حاجة, و حتى مفيهوش 3G !!
3- ساعة Tissot اصلي ب 2500, كانت جاية هدية و ملفوفة و اتفتحت بعد شهر و مكانتش شغالة, و الضمان استهبلوا و المحل اللي اتجاب منه الساعة استهبلوا و كانت حاجة تيييت لدرجة انهم قالوا ان عادي انها متشتغلش بعد شهر "فرقت ايه عن أم 50 جنية !! "!! بجد أي ضمان في مصر بيبقى بائس حتى لو لماركات محترمة !!
[QUOTE=ahmed1981;3874649756]أول حاجة:ـ
غسالة lg فول أوتوماتيك موديل (wd-80260tp)
خلال حوالي ستة سنوات غيرت فيها:ـ
الكنترول - الموتور - قفل الباب - مفصلة الباب - طرمبة الصرف (مرتين)
وفي النهاية الشاسيه إتكسر من تحت وبترقص وهي بتغسل وفيها عطل بيحصل في بعض برامج الغسيل
وبعت إيميل شكوى إلى إل جي كوريا بما حدث
قاموا حولوا الإيميل على الوكيل هنا
قام رد علي شكوتي المكونة من 30 سطر بسطر واحد قال فيه:
هنبعتلكوا بتوع الصيانة
ده انا كنت بعتبر الlg تكنلوجيا المستقبل و كان نفسى اجيبها
و هى كانت كام كيلو؟
ربنا يعوضك خير منها يا رب
اااااااااااه ه ه ه ه ه ه ه ه
اقول ايه بس .....اكبر خازوووووووق اخدته فى حياتى وطلع من نفوخى..حسبنا الله ونعم الوكيل
الشقه اللى اتنييلت اخدتها فى دجله زفت بالمز من معمار المرشدى...ودفعت 43 الف جنيه ((كل اللى حلتى والله العظيم)) ال علشان اريح نفسى من القسط ويبقى خفيف...وقالولى ان الاستلام بعد سنه ونص ...وللأسف المشروع اتعطل واتأجل 3 سنين ..ولما حبييت ارجع فلوسى مرضيوش... وقالولى لما واحد يجى يشترى شقتك وبقالى على الحال ده سنه بحالها شركه نصابه ونفسى اتجوز بس للأسف مش معايا ولا مليم
امانه اللى عندو حل يقولى
ساعة Tissot اصلي ب 2500, كانت جاية هدية و ملفوفة و اتفتحت بعد شهر و مكانتش شغالة, و الضمان استهبلوا و المحل اللي اتجاب منه الساعة استهبلوا و كانت حاجة تيييت لدرجة انهم قالوا ان عادي انها متشتغلش بعد شهر "فرقت ايه عن أم 50 جنية !! "!! بجد أي ضمان في مصر بيبقى بائس حتى لو لماركات محترمة !![/QUOTE]
بالفعل انا مش مصدق Tissot اصلى بتيجى فى علبه شيك جدا جدا
لو لسه الساعه عندك تحبى ابعنلك عنوان الوكيل اللى بتعامل معه
انا معى واحدة بقاله 3 سنين زى الفل الحمد لله وكنت جايبها 2700 جنيه بس حجر مش بالحركة والاهتزاز
وكل ماالحجر يخلص اروح اغيره فى التوكيل
الظاهر ان كل الحاجات اليونيفرسال كده عشان أبويا كان عنده سخان غاز يونيفرسال وبعد شهرين كان بيفصل كتير وجم بتوع الصيانه ظبطوه والسنه اللي بعدها (لاحظ انه بيشتغل بالكتير 5-6 شهور في السنه) كان بيفصل تاني وجم صلحوه (كل مره بياخدو رسوم للزياره) واتكرر نفس الكلام بعد اسبوعين تلاته فركنه واشتري اوليمبك وشغال زي الفل تالت سنه أهو. وأنا عندي وايت ويل وشغال كويس برضه بس اللي بيضايقني في سخانات الغاز عموما ان لما ضغط الميه يقل شويه مش بتشتغل وبفكر جدا أجيب سخان كهربا.[/quote]
ده كمان غير الاتوماتك اللى كل شوية يعطل
واللى ينقط انهم بيقولوا ضمان 10 سنين ولما يجى عامل الصيانه يقولك لا الاجزاء الداخلية سنه بس والجسم الخارجى اللى هو الوش الصاج هو ده اللى 10 سنين
طبعا ردك اكيد هايكون "رد انت ياحسين"
تلفون موتورولا فاير اكس تي 311
فاااااااااااااااااااااااا اااااااااااااااااشل
كبيره يشتغل ساعتين في اليوم و طول القوت ماشي بالشاحن معايا
انا قريت كل التجارب تقريبا واكتشفت ان اغلبها بيتمركز علي الأجهزة الكهربائية المنزلية وان الكل بيشتكي من ضعف الجودة وان عمرها الأفتراضي اصبح صغير جدا ..بس ده بالنسبالي مش مفاجأة يعني لأن انا بحكم شغلي كمهندس جودة في شركة من الشركات الكبيرة في انتاج احد الأجهزة الكهربائية بقولكوا ان ده بقي الأتجاه العام لدي اغلب المصنعين في العالم ..الجودة بقي اخر شيء ينظر اليه ..لأن اهم حاجة بيركزوا عليها دلوقتي في الصناعة هي تقليل التكلفة ثم تقليل التكلفة ثم تقليل التكلفة وايضا الأنتاجية العالية ..وبقي الكونسبت عندهم ان الجهاز يعد عند حضرتك سنتين ثلاثة بالكتير وتجيب واحد جديد ...
بالنسبة ليا بقي انا ندمت علي شراء شقتي لأني حاسس اني انخدعت في المكان وقت الشراء ودلوقتي ندمان اشد الندم ..وبرضه ندمان ع شراء تكييف lg تبريده زفت وبيفصل ومقرف ..
منتجات فريش
تكييف وغسالة اطباق وبوتجاز زففففففففففففففففت
جوازتي
واوعى حد يقولى دي مش هيه المقصود بالموضوع
موبايل نوكيا n79 زفت بيهنج من ساعه ما جبته و السوفت وير و الكامير بتقطع فى التصوير بس بيستحمل الخبطات كنت شاريه ب 2000 جنيه من رايه
اه يا فلوسي الي ضاعت بتقلب عليه المواجع ليه ليه
اول حاجه كانت العربيه الشاهين الي اشترتها من فتره واتحيلت علي ولدي بلاش شاهين يقولي دي الي هتربيك انا اقوله بلاش دي مش عربيه دي صندوق جزم ودا يقولي ما عشان صندوق جزم هجبهلك وكان بيفكر في لادا وفعلا صحيت من النوم العصر كان الحاج مخلص في واحده وخد بقئ عندك كل يوم حادثه شكل لو طلعت في يوم ومتخبطتش متبقاش عربيتي
موبيل n9 الحاج اشتراه وانا راجع من اجازتي قعدنا يومين وهو ماسك الموبيل مخنوق منه لحد لما قالي هات تليفونك ليه يا حاجه قالي اصل الموبيل دا مش عاجبني خده وهات موبيلك انا قولت n9 فرصه وطلع خاااااااااااااااااااااااا ااااااااااااااااااااااااا اااااااازق السنين والايام
وللاسف لسه العربيه والموبيل معايا
مكنه حلاقه ريمنجتون
مكنه زبااااااااله و شركه نصابه
كاتبين ان اطول مشط 4 سم و طلعت يجي 2 سم
وانا جايبها مخصوص علشان المشط الطويل
غير انها المفروض تشتغل شحن و كهربا...نادر لما تشتغل كهربا بس...
و جايبها بعد ماستخدمتها لقيت الزرار التشغيل بيعلق
كانت 400 جنيه
تكيف باور سبليت
زباااله برضوا ...صوته عالي جدااا و كأني مشغل قطر
غير الثرومستات غبيه تلاقيه بيسقع جامد و بعدين الثرموستات تبطل لحد ماتتخنق من درجه الحراره
بوتاجاز وايت ويل
المقابض بتاعت العيون بتسيح من الفرن
جبنا الشركه و برضوا ماعملوش اي حاجه مفيده
و اللي طلع ان المقابض زباله و ان الفرن كمان بيسرب الحراره بره البوتجاز...
مكنسه بلاك اند ديكر بتاعت العربيه
بس ديه جايبنها من زمان جدا و يعتبر ماستخدمتش
لأنها تشحنها ساعات طويله و في الاخر تشتغل يجي 10 دقايق بالكثير متواصل او اقل كمان
لو افتكرت حاجه تانيه هكتبها
كوتش اديداس كليما كول
كليما كول ده موديل بيبقي فيه فتحات تهويه من تحت
كان ناشف جدااا ولا كأني لابس قبقاب حمامات المساجد
لبسته مش كتير لأني كنت مستخسر ثمنه و ما يستخدمش :)
غير انه كان شبك و باظ بسرعه جدا
و الكوتشي كان عالي شويه عن الارض مش فلات فقلت اكيد مش هيدخل حاجه من الفتحات ديه...
لقيت انه بيدخل طين و يبهدل الدنيا من تحت
كنت جايبه من بره التوكيل من واحد مضمون 350 جنيه بس كان سعره في التوكيل 700جنيه
معرفش بقي موديلات كليما كول نفس النظام دلوقتي ولا لأ
لأني كنت جايبه من حوالي 8 سنين
قرأت وأنا فى الشغل من حوالى ثلاث سنوات اعلان عرض على ميكروويف جاك فى كارفور لمدة يوم واحد بسعر حوالى 400 جنيه . بعد الشغل جريت على كارفور واشتريته وعليه ضمان سنة. بعد سنه وشهر عطل فأخذته الى التوكيل فى المقطم قالوا به محول محروق سعره 140 جنيه . حاولت تخفيض السعر فرفضوا . وافقت وتم الاصلاح . بعد شهرين عطل تانى . ذهبت للتوكيل قالوا الماجنيترون محروق وسعره 150 جنيه . رفضت وبعته لتاجر روبابيكيا بأربعين جنيه .
ازبل حاجه جبتها وندمت عليها تكيف باور شباك ازبل تكيف في العالم لابيبرد ولابيفصل دوشه على الفاضي
الحاجة التانيه lcd كيرا صوره زباله وصوت ازبل
وادفع يامحمود
السير الكهربة ممشيتش علية 10 كيلو على بعض
ههههههههههههههههههههههه
هو اصبح لية استخدام واحد طبعا كلكم عرفينة
كابلات توصيلة البطارية الصينى اى قدرة واى سعر مقلب كبير
سمك السلك الخارجى ممتاز ويوحى بسمك كبير وهو فى الحقيقة من
الداخل 8 شعرات ضعيفة ولا تنفع فى اى حاجة
-----------
خلاط ومطحنة بلاك اند ديكر منظر على الفاضى وضعيفة جدا
رجعتها تانى يوم وجيبت فليبس - ماركة بلاك اند ديكر مقلب السنين
اوعى تشترى منها اى منتج مع انى جايب منها مكنسة العربية وبرضه مش قد كده
---------------
سخان غاز مصانع س 8 زفت اخر حاجة مع وهم انه متين وبتاع شغل
سخان غاز يونيفرسال برضه زفت
متابع بشدة و امانة
مكنسه بلاك ان ديكر - زبااااااااااااااااااااااا اااااااااااااااااااااله
كيتشين ماشين بلاك اند ديكر من دبى - راااااااااااااااااااااائع
اللانوس بتاعتى وحسبى الله ونعم الوكيل فى اللى باعها لى
التكيف اللى حصل عن جداره على لقب اقذر تكييف فى التاريخ - يونيون اير
كاسيت JAC صورة طبق الاصل من دك sony والحمد لله شحته
وكالمعتاد - انى اتجوزت
كان من سنتين اشتريت موبيل 5.HTC Touch 2 windows mobile 6
عيوبه الشاشة صغيرة وامكانياته ضعيفه جدا لسعره
موضوع مفيد فعلا
هو عامة فيه قاعدة الغالي تمنه فيه , كتير قوي بتكون مظبوطه جدا , يعني انا كنت قبل كده غالبا باسترخص و اشتري الارخص و اقول ايه يعني, مفيش مشكلة ماكله كويس وشغال , بعد ماخدت مقلب و اتنين و عشرة تبت , وبقيت بجيب الحاجه الماركة الغالية عشان دي اللي بتعيش ودي اللي فعلا بتوفر
ونصيحة ابعد عن كل ماهو مالوش اسم معروف, لانه بيبقى شكل بس من بره , ودلوقتي لما بعوز اشتري حاجه بقلب في النت كله و اقرى اراء الناس عن الحاجه دي عشان اعرف عيوبها و مشاكلها , وبحاول ان اشتري الحاجه المتجربة كويس اللي معظم الناس بتشكر فيها عشان اقلل احتمالات اني اخد مقلب , لان الفلوس مش بتيجي بالساهل و مش لازم ارميها في اي حاجه اي كلام مهما كانت رخيصة
كابل قطرة العربية (جر العربية لو عطلانه) ابو 30 جنيه هيتقطع مع اول جره
كابل توصيله البطارية (لو البطارية نايمة) ابو 30 جنيه هيسخن و مش هيوصل كهربا من اول مره
موبايل الكاتيل ب 1600 جنيه اترموا في الارض
اي منتج من جاك حرام فيه الفلوس
تكييف يونيون اير غلطة وندمان عليها ندم السنين :019F3B~14:
بالاضافة الى مكنسة اوليمبيك 1800 وات زبااااااااالة :evil:
أفتكرت حاجه تاني
كنت مستعجل في شراء عدة صيانه للعربيه و كان ناقص في العده عندي طقم نجمه و ألان كي و طقم سيستيم
للأسف أشتريت النجمه و الألان كي صناعه ممتازه و مصبرتش لغاية أما الراجل يجيبلي طقم اللقم و السيستيم فجبته من التوفيقيه علي الرصيف طقم في شنطه فبر حوالي 30 سم * 15 بيد سيتيم و مجموعة لقم مختلفه و روحت البيت و أفتح الجراج و أشمر و أفك راح هوب سوستة السيستيم طارت جنب عيني (الحمد لله) و كان ثمنه 25 جنيه
التوفيقيه دي فيها العجب
ممكن تشتري منها الحاجات علشان تعرف شكلها فقط و بعدين تشتري الأصلي لكن تستفاد بها أو تستخدمها ...أبداً أبداً
علي فكره أنا مكنتش متوقع إن الموضوع مفيد كده
شكرا لصاحب الموضوع علي الطرح
تكييف يونيون إير سبليت كل شوية بصلحة وتبريده زي الزفت وجدتي جابت يونيون إير شباك تبريده زباااااااالة
وكمان ندمت عالتلاجةlg ال 18 قدم إني مزوتش وجبت ال 24 قدم المزودة بكولدير
وبرضه ندمت إني ركبت في الأوضه السيراميك المتداخل إللي شبه الباركيه مش حلو نهائي وHDF برقبته حتى لو عمره الإفتراضي أقل
وعامة صعب ألبس في حاجة لإني موسوس فلازم قبل ماأجيب أي حاجة أطلع عينها بحث في النت وبالذات الريفيوهات الأجنبية للمستخدمين وسؤال حد أعرفه إشتراها إن أمكن
وفي كذا منتج من إللي إتقالوا من الأعضاء الأعزاء زي الميكرويف جاك أبو 300 جنيه والغسالة ال lg بيشتكوت منها جامد مع العلم إن الحاجتين دول شغالين عندي بقالهم سنين طويلة من غير عطل الحمد لله فممكن تكون حالات فردية عندهم ومش شرط إن الحاجة وحشة عالعموم
وموضوع فكرته ممتازة
كومبرسور للعربية عرض من كارفور كان ب60 جنيه تقريبا استعملته مرة لقيت صوته مزعج جدا ومش بينفخ الكاوتش أو يمكن يكون بينفح بس بطيء المهم جيت اجربه تاني مرة عشان انفخ عجلة العيال لقيته جاله سكتة قلبية !
وطبعا أي حاجة صيني بندم إني بشتريها بس أحيانا الضرورة بتحكم والواحد بيجيب الرخيص عشان يوفر لكن فعلا الغالي رخيص زي ما بيقولوا لأنه بيعيش وبيريح
برده ماكينة حلاقة موزر (مشهورة أوي اللي لونها أحمر) ب130 جنيه من العتبة ويقولك ألماني أصلي وفعلا تلاقي Made in Germany محفورة عليها في كل حتة بس طلعت مقلب معرفتش أحلق بيها شعري ولا مرة بتنتش الشعر ومش بتساويه كويس وفي الآخر اشتريت موزر بريمات بحوالي 320 جنيه عشرة على عشرة اللي بيستعملها الحلاقين أصلا
--------------------------------------------------------------------------
موبايل نوكيا n97 mini بصراحة بعد ما جبت الآيفون حسيت إني كنت شايل 688 !! فعلا لا تطبيقات عدلة ولا ألعاب ولا كان ليه لازمة غير في اني اتكلم منه بس للأمانة الكاميرا بتاعته صورتها حلوة ونقية
--------------------------------------------------------------------------
غلاية مية Jac مقعدتش يومين ولقيت الأوتوماتيك بتاعها باظ مش بتفصل لما المية تغلي وروحت أرجعها للراجل لقيتها اشتغلت !!! رجعت البيت تاني لقيتها بايظة برده !!! ومن ساعتها بقالها ييجي سنتين شغالة بدون اوتوماتيك وربنا يستر ومحدش ينسى المية فيها لحسن تولع
--------------------------------------------------------------------------
جميع سخانات الغاز مشروع فااااااااشل بمعنى الكلمة ولا يعلى على السخانات الكهربا خاصة اوليمبيك اليكتريك
عربيتى الاكسيل الاتوماتيك عشان استهلاك البنزين عالى الصفيحة بتعمل 180كم جوه البلد و العفشة اللى بتحسسنى باقل تضاريس الطريق و المشكلة بقى انى كنت جايبها مؤقتا بس اتعلقت بيها و مش هاين عليا ابيعها مع انى محتاج عربية اكبر
-------------------------------------------------------------
غسالة اطباق وايت وايل - حلة طهى بالبخار - حلة طهى بالضغط - غسالة توشيبا بروحين
كل دول جم بعد زن من المدام و الحمد لله زى ما هم و لا بشوفهم يشتغلوا اساسا و زحموا الدنيا على الفاضى
---------------------------------------------------------------
بس بجد اكتر حاجة ندمان عليها انى جبت ليا شريك فى شقتى (زوجتى) قبل ما استمتع بالشقة و افرح بيها و احس ان كل حاجة فيها بتاعتى لوحدى