الموضوع: محتاج مساعده عاجله من اهل اللانسر

ياجماعه انا بقالى فترة بدور على بوما بس تكون موديلات 2006 او 2007 علشان حدود الفلوس اللى معايا 65 :70
وكنت عاوزها 1600 ومش مهم مانيوال او اتوماتيك المهم يبقى فيها abs

انا دلوقتى عاوز استشيركم فى كذا عربيه
1- العربيه الاولى :-
1600 مو 2005 سوبر اكشن بس واخده خبطه صغيرة مسمعه فى القايم الشمال قدام وعلى كلام صاحب العربيه فى التليفون انها قطعه صغيرة خالص مش مؤثرة خاااالص وحاله العربيه الباقيه جيده
صاحبها طالب فيها 67000 بس بيتهيئلى ممكن تخلص على 65000
ايه رأيكم فيها وياترى هى تساوى كام لو سليمه وتساوى كام لو على حالتها كده ؟؟؟

2- العربيه التانيه :-
1600 مو 2006 هاف سبور اوتوماتيك فيها abs و airbag بس مش عارف كام واحد وماشيه حوالى 135000 كيلو فابريكه بره وجوه على كلام صاحبها لسه هسافر اتفرج عليها صاحبها طالب فيها 72000
ايه رأيكم فيها وياترى هى تساوى كام على حالتها كده ولو روحت اتفرجت عليها وطلعت رشه بره مثلا تعمل كام ؟

3- العربيه الثالثه :-
1600 مو 2007 مانيوال بس مش متأكد اذا كان فيها abs ولا لا ولسه مكلمتش صاحبها عليها
ايه رأيكم فيها وياترى هى تساوى كام لو رشه او مش رشه بره ؟

ياريت ياجماعه مكونش طولت عليكم بس ياريت تساعدونى علشان انا تايه جدا ومش عارف اخد قرار نهائى علشان الفلوس اخرها معايا كده
وترشحولى اى عربيه منهم ؟

فعلا ولا عربية من التلاتة نضاف على حسب وصف حضرتك

أنا كنت فى طنطا واشتريت عربية لانسر 2007 عاملة 60 ألف كيلو هاف سبور أتوماتيك بس غالية شوية

بس حاجة م الآخر زيرو مفيهاش قلم بويا

بس اوعى تستعجل فى الموضوع ده أبدا

انا دورت على حاجة 1600 مانيوال بس كانت نبيتى فى طنطا برضه عاملة 72 ألف جنيه

روح شارع حسن رضوان تقاطع محمد فريد و اسأل واحد هناك اسمه الحاج أحمد فؤاد صاحب معرض عربيات

هو اللى اشترالى عربيتى

راجل محترم و كفاءة ع الآخر و مش هيغشك و هيجيبلك حاجة كويسة و هتتبسط منه ع الآخر