الموضوع: تغيير وشراء كاوتش جديد

أنا عندى الكاوتش الأمامى اللى فى العربية إنتاج 2008 وبصراحة مش عارف هو راكب للعربية إمتى لإنى لسه شاريها من 3 شهور بس حفترض على أسوء الظروف إنه راكب فى سنة الصنع .
المهم رحت لواحد بتاع كاوتش نزلت الأربع فرد وفكهم وظبطهم وكشف عليهم ومليتهم نيتروجين وكله كان تمام وبعد 4 أيام بالظبط لقيت الفردتين اللى قدام ناموا تانى وعايزين يتزودوا ( مع إنى بأسمع إن الكاوتش مع النيتروجين يتزود كل أسبوعين أو أكثر ) .
أيه رأيكم أغير الفردتين اللى قدام ولا شغالين وأزود هوا كل كام يوم وخلاص مع العلم إنى مش بسافر خالص بالعربية يعنى داخل المدينة بس وبمشى بسرعة معقولة جداً عشان الزحمة وحتى لو الطريق فاضى وزى الفل أنا أخرى خالص 50 أو 60 كيلو ( أمشى سنة ولا تخطى قنة ) وكمان الكاوتش لا يوجد به أى مسح أو أسلاك ظاهرة هو شكله كأنه جديد وكل البروز اللى فيه سليم