علبة البيئة لشكمان النوبيرا

السلام عليكم يا رجال المنتدى، انا عربيتي النوبيرا2 من يوم ما اشتيرتها و هي ملغي فيها علية البيئة بمعنى انها فاضية و عاملة صوت نحرة كدة و انا اتعودت عليه، دلوقتي في واحد حبيبي بتاع شكمانات قال لي انها مهمة جدا و حتفرق معايا في سحب العربية و استهلاك البنزين و عمر الحساسات حيبقى أطول في وجودها و دلوقتي جايب لي واحدة استيراد و بيقول لي انها ب 400 جنيه؟ يا ترى ايه رأيكوا اخدها و لا مش مهم و ازاي ممكن اعرف اذا كانت كويسة و لا لأ. و شكرا مقدما على الإفادة

ملهاش اي علاقة بالحساسات دي بتبوظ لو حساس الشكمان باظ
بتعرفها كويسة ولا لاء بيمد مفك فيها وتشوف كمية الكربون الي داخلها قد ايه وهيا سالكة ولا مسدودة

انا شايلها من 5 سنين و ماثرتش فحاجه

هو العلبة دى ترتيبها رقم كام؟

اقتباس:

---

المشاركة الأصلية كتبت بواسطة azahra

السلام عليكم يا رجال المنتدى، انا عربيتي النوبيرا2 من يوم ما اشتيرتها و هي ملغي فيها علية البيئة بمعنى انها فاضية و عاملة صوت نحرة كدة و انا اتعودت عليه، دلوقتي في واحد حبيبي بتاع شكمانات قال لي انها مهمة جدا و حتفرق معايا في سحب العربية و استهلاك البنزين و عمر الحساسات حيبقى أطول في وجودها و دلوقتي جايب لي واحدة استيراد و بيقول لي انها ب 400 جنيه؟ يا ترى ايه رأيكوا اخدها و لا مش مهم و ازاي ممكن اعرف اذا كانت كويسة و لا لأ. و شكرا مقدما على الإفادة

---

بيشتغلك

MMamdouh

اقتباس:

---

المشاركة الأصلية كتبت بواسطة blazer

هو العلبة دى ترتيبها رقم كام؟

---

1

MMamdouh

أشكركم جميعا على الإفادة بس المشكلة بقا اخلع منه ازاي و هو في وشي رايح جاي

رد بسيط مش معايا فلوس

قولة متلزمنيش و خلاص

MMamdouh

الناس بتشيلها علشان العربيه تجرى

مشكورين و الله يا رجالة

تصدق ياباشا انا شيلتها فى لانوس 2011 قال اية عشان العربية تسجب فوجئت بصوت عالى وكانى راكب جاز والعربية بتجعر اونطة رحت ادبست فى واحدة ب550 جنية من بورسعيد بس بصراحة حاسس دلوقت ان انا راكب ملاكى بجد وحسبى الله ونعم الوكيل فى اللى شال الفحم منها وخلانى اجيب واحدة بعد كدة وعلى فكرة هية متفرقش غير فالصوت بتاع العربية بس والفهلوية اللى عندنا بيشيلوا الفحم عشان يبيعوة وبس لانة غالى وضحكوا علينا وقولك العربي ههتجرى ولا بتجرى ولا نيلة دى لانوس 86 حصان ولازم نقتنع بكدة