الحقوني موتور اللانوس انفجر

**kh_elshiemy** · 13-07-2008 11:20 AM

الكلام دا حصل اول امبارح يوم الجمعه ...كنت داخل علي نفق الأزهر وعند سيري فوق cat eye القطع المربعه العاكسه الموجوده في مدخل النفق ...واثناء الرجرجه حدت فرقعه وصوت تكسير في الموتور وحاجات بتوقع من اسفل الموتور وتخبط من تحت السيارة وكل دا والموتور لم يتوقف المهم ركنت علي جنب والموتور داير وصوته بقي فيه كركرة غريبه ولمبه الزيت نورت رحت قافل الموتور فوا اول للمبه مانورت...المهم وقفت النفق وجم ولاد الحلال قطروني لحد ميدان الأوبرا وجه اخويا قطرني لحد الميكانيكي ....المهم نزل الميكانيكي تحت العربيه وقالي انا اول مره اشوف حاجه زي دي ماعدا في الحوادث ..لقي حته مكسوره قد حجم كف اليد في بلوك الموتور في الأمام اسفل فرن الشكمان ونفس حجم الكسر في الناحيه المقابله في الخلف...ولما طلع الموتور وفكه من جوه وجد الآتي كسر في البيل الماسك في البستم رقم 3 والجزءمن البيل المربوط في الكرنك الى علي شكل اسورتين مربوطين بمسمارين غير موجودين ..يعني هو دا الجرء الي اتكسر في البيل وكسر بوك الموتور ووقع في الشارع ...والجزء الباقي من البيل الملسك بالبستم موجود ...مع العلم كل البساتم والكرنك وباقي اجزاء الموتور مافيهاش خدش واحد ...استاندر علي رأي الميكانيكي ...وعلي فكره المونور اول مره يتحل.....وقبل المشكله دي الموتور كان زي الفل ..حراره, صوت,زيت,.....الميكانيكي قال لي ان احتمال ان المسمارين الي ماسمين البيل بالكرنك يكونو فكو لسبب ما وهما اللي عملو كل دا......وقالي حنحتاج نشتري نص الموتور اللي تحت.. البلوك بالكرنك و الباساتم وتقريبا ثمنهم حوالي 1200 جنيه.....وهنشتريهم ان شاء الله بكره الأثتين من الحرفيين علشان النهارده الأحد........ايه تحليلكم للي حصل دا يا اخوتي في المنتدي وعلي رأسكم الدكتور محمد ممدوح ...وايه افضل مكان في الحرفيين مشهور بالأمانه مضمون اشتري منه.......واسف علي الأطاله صدعت دماغكم

**ahmad--ezzat** · 13-07-2008 11:30 AM

انا راى توديها التوكيل عشان تضمن شغل نضيف هدفع شوية بس هترجع العربية احسن من الاول ولعلمك الحرفيين مش زى منت متخيل فيهم ناس سورى بهايم الا لو انت تعرف واحد هناك.. شكرا

**kh_elshiemy** · 13-07-2008 11:32 AM

شكرا يا احمد علي الرد

**Adham** · 13-07-2008 11:37 AM

مافيش اي علاقة بين عين القط و اللي حصل داخل الموتور, انت كدة محتاج يا أما موتور استيراد يا أما نص الموتور التحتاني (البلوك بالبيلات و البساتم) زي ما الميكانيكي قاللك و تحليلة للي حصل برضة سليم, ممكن المسمارين اللي ماسكين البيل (بالكرسي السفلي بتاعه مش بالكرنك) اتفكوا و عملوا كدة( ولو ان دي حالة نادرة جداً) بس طالما ماكانش فية اي بوادر و لا علامات ان الموتور يرزع او يدخن و طالما ان الطلمبة (طلمبة الزيت) ماقطعتش (لأن لمبة الزيت مانورتش قبل الموضوع دة) يبقى مافيش تفسير غير كدة

ربنا يعوض عليك, و ييسر لك تلاقي حل كويس

**Xpert** · 13-07-2008 11:59 AM

البيل قطم .. كسر البلوك ...
هات مكنه استيراد تكون فاضيه .. قولهم شورت بلوك .. موتور بدون ادوات التغذيه و الكلام ده .. يعني نص تحتاني راكب عليه وش السلندر ....