الثرموستات ومشاكل لا تنتهى

**MOHAMED ABD EL SHAFY** · 13-07-2008 11:25 AM

كنت عاوز اعرف الحل فى المشكلة دى بس فعلا انا زهقت شهرين وانا مش عارف اعمل ايه
اولا كنت مركب ثرموستات فى السيارة (سكودا) 80-90 ودا المناسب ليها عشان الثرموستات الواطى لا يفصل المروحة ابدا
المهم الثرموستات اباظ وغيرته بواحد تانى 80-90 فلاقيت ان المروحة بتشتغل على حرارة من 100 الى 110
المهم شكيت انه بايظ وغيرتة ولكن نفس المشكلة
- غسلت الريداتيير والدورة كلها والراجل قالى دورة التبريد سليمة 100%
- جربنا طلمبة المية وط\لعت 100%
- غيرت القربة والغطا عشان لاحظت الميا بتنقص شوية
وبردة نفس المشكلة
غيرت الثرموستات تانى وبردة مفيش فايدة
طنشت ومشيت على كدا لقيت الميا بتنقص كل 4 ايام بمعدل كبيير ومفيش اثر لخروجها
حطيت ميا خضرا وبردة نفس المشكلة
غيرت كل اللى اقدر عليه وبعدين بدا الثرموستات يعلق
غيرتة
اللى بعدة اتحرق
غيرتة
فيوز المروحة اتحرق
وصلتا ديركت على البطارية
وغيرت كل انواع الثرموستاتات وبردة المروحة راسها والف جزكة تبدء الدوران عند 100 او 110 درجة
زهقت اوى ومش عارف اعمل ايه
كشفت على التاكيهات - غيرت زيت وفلاتر
ومفيش فايدة انا زهقت

**sab3aawy** · 13-07-2008 01:26 PM

يؤسفنى ويحز فى نفسى انى اقوللك انه واضح ان عندك عيب الفليشيا الشهير اللى بنرد عليه بمعدل مرة كل اسبوع تقريبا على المنتدى

وش السلندر قفع لما اول ثرموستات باظ ، وده سبب نقصان المية لأنها بتهرب الى غرف الحريق وتستهلك مع العادم

هتحتاج تفك وش السلندر وتكشف عليه عند خراط

**MOHAMED ABD EL SHAFY** · 13-07-2008 01:26 PM

فى حد يقولى ايه العمل وايه الحل فيه لغز مش مفهوم

**MOHAMED ABD EL SHAFY** · 13-07-2008 01:28 PM

طب دا وش السلندر ايه اللى بيخلى المروحة تبدأ فى الدوران عند 100

**MOHAMED ABD EL SHAFY** · 13-07-2008 01:31 PM

بس سحب العربية ممتاز ولا اشتكى من اى شئ غير المروحة بتدور على درجة حرارة 100 وكمان الميا بتنقص.....
سؤال لو طنشت وش السلندر مدام مش عامل مشكلة هيحصل ايه؟

**sab3aawy** · 13-07-2008 01:49 PM

سبب ان الثرموستات مش بيلقط غير عند حرارة عالية جدا ان المية السخنة بتستهلك فى وش السلندر وتخرج مع العادم ومش بتوصل لمنطقة ثرموستات المروحة، وبالتالى ثرموستات المروحة قاعد فى ميه ساقعة وعندوش اى مشاكل فى حين ان فى الجهة الاخرى فى جسم المحرك الدنيا مولعة بس المية مش واصلة له

طناش السخونة هيؤدى بعد وقت طال ام قصر الى الاحتياج للعمرة، اوعى تطنشها،

**MOHAMED ABD EL SHAFY** · 13-07-2008 02:15 PM

شكرا على الايضاح يا باشمهندس سبعاوى
انا كنت مركب اخر مرة 2 جوان والميكانيكى قالى المرة الجاية نجيب وش جديد او نفرز
مرضيتش اعلق عشان ميعرفش انى مش فاهم
ايه نفرز دى ؟
وايهم افضل نفرز او نجيب واحد تانى
وهل لو نضفنا وركبنا جوانيين تانى ينفع ولا لازم بعد ال جوانيين نفرز دى
وايه الحل الامثل لعلاج المشكة دى مستقبلا (جوان السلندر) اكيد لكل مشكلة حل ولكل داء دواء

**eldeplomasy** · 13-07-2008 04:17 PM

'طيب سؤال يا باشمهندس سبعاوي لان المشكلة قريبه من مشكلتي

لو الميه بتدخل غرفة الحريق اكيد الحريق مش هيبقى تمام لكن سحب العربية فوق الممتاز والاستاذ صاحب المشكلة بيقول نفس الكلام ان السحب فوق الممتاز فده يبقى ايه عنده وعندي؟؟؟

**shoudy2005** · 13-07-2008 09:18 PM

الوش ملهوش علاقة بالسحب فى بعط الحالات ايه رايك بقى انا كان وصل عندى الحال بسبب اهمال السائق انى اضيف جركن ميه كل مشوار و السحب كان شديد لدرجة ساعات كنت بطلع على الأول و بكيس شوية بنزين الاقى العجل يقعد يفوت على الأرض لغاية مانقل على الثانى

**eldeplomasy** · 13-07-2008 10:22 PM

طيب هل يعقل ان جيوان وش السلندر عندي حصل فيه حاجه وانا الموتور عندي جديد وماشي حوالي 40000 كيلو بس

وازاي اعرفها طيب؟؟؟

الموضوع: الثرموستات ومشاكل لا تنتهى

LinkBack

أدوات الموضوع

عرض

-

-

المواضيع المتشابهه

جين 2 ومشاكل لا تنتهي

حد جرب يلغى الثرموستات

هوا فين الثرموستات ده !!!!

مشاكل سواقين الميكروباص لا تنتهى

غبور حكاية لا تنتهى

الكلمات الدلالية لهذا الموضوع

المفضلات

المفضلات

ضوابط المشاركة