هو قسم الشارع المصرى لسه موجود ولا اتشال يا ريت الحوارات دى هناك علشان فى ناس مش عاوز تصدع من اى موضوع يتقلب بالطريقه دى !!
عرض للطباعة
هو قسم الشارع المصرى لسه موجود ولا اتشال يا ريت الحوارات دى هناك علشان فى ناس مش عاوز تصدع من اى موضوع يتقلب بالطريقه دى !!
لو الشتيمة وقرص الودن هتجيب نتيجة وتوقف المهذلة طبعا يرضيني
اى حل يوقف لإهمال والناس إللى بتموت يرضيني حتى لو غير المحافظ كل أسبوع لحد لما يلاقى الكفاءة
كان فى محافظ من زمان فى دمياط أسمة دكتور احمد الجويلى إللى بعد كدة بقى وزير التموين
الراجل دة كان مشيب المدارس والمستشفيات ينزل من العربية ويدخل المستشفى من غير حراسة واى دكتور نبطشى مش موجود يديلة جزاء ويدخل المدارس ويدخل الفصول ويشوف الدنيا ماشيا أزاى
إنما سياسة أهل الثقة عمرها ما تعمل تغيير
أنا شفت مداخلة تليفون لمحافظ أسيوط بيكلم على أن ال مزلقان دة تبع وزارة النقل ونقص الدواء فى المستشفى دة تبع وزارة الصحة والبية قاعد ضيف فى المكتب
يا باشا دى ناس لسة مش عارفة أدوارها وبقولوا إحنا عايزين نحدد صلاحيات كل جهة
ده على كده بقى مبارك مش هو اللى كان بيعذبكم ويحطكم فى السجون ويخلى امن الدوله يعملو فيكم العجب والبدع
ومش مبارك السبب فى حادثه العباره ومش مبارك السبب فى حادث قطار العياط ومش مبارك السبب فى كميه السرطان والفشل الكلوى والجهل والفقر والزل اللى عايشينه جوه وبره
مهو مش كل حاجه تقولو مبارك عمل فينا مبارك عمل فينا مبارك عمل فينا ابقو قولو بعد كده فلان هو اللى عمل فينا وهو السبب وهو اللى حبسنا وهو اللى عذبنا
هو ده كده العدل والمنطق لو حنتكلم بطريقه كلامك لكن غير كده حيبقى كيل بمكيالين كالعاده زى ما اتعودنا منكم
ايام مبارك كان كلامكم شيء ودلوقتى كلامكم شيء تانى خالص
ما شتفتش حد بيتكلم على السواقين اللي بتعدي في التقاطعات (و المزلقان ده تقاطع ) من غير ما يبص .
يا سادة البلد خربانة من ساسها لرأسها .
الأخوان غلطهم أنهم عملوا البحر طحينة للناس و أوهموهم أن الحلول قريبة قوي و ده مستحيل .
أنا مش بشتم في اﻷأخوان لأن بصراحة حال البلد لا ينصلح في 4 شهور خصوصا مع شعب 40 % منه جاهل و 100 % منه متمرد مش بيحب القوانين و النظام .
مصر عايزة حاكم شديد حازم و قوانين شديدة حازمة يتم تطبيقها بالعدل على الجميع و بالبلد هاتمشي كويس .
غير كدا أنسى يا عمرو .............. و حوادث العربيات اليومية و القطارات هاتفضل تتكرر بسببنا أحنا مش بسبب الحزب الوطني و لا بسبب الأخوان .
هاتقولولي طيب أيه الحل ؟
قلته فوق ........... حاكم حازم شديد عادل .............. و قوانين يتم تطبيقها على الجميع من أول الغفير لغاية الوزير .
أحنا لازم نتحكم بالعصايا يا جدعان .... الضرب على القفا بيجيب نتيجة معانا .
ايه التهريج ده والاستخفاف بأرواح الناس ... ده الحمد لله ان ربنا ستر
أويد الأستاذ توت عنخ أمون وهو نفس رأيى تماما
وبجد مصر محتاجة دكتاتور عادل
في قاعدة فقهية بتقول "من أبطأ به عمله، لم يسرع به نسبه"
يعني مش كوني من اهل الثقة - اكون كفء
يجب اختيار المسؤولين بناء علي معيار الكفاءة حتي وان كان يختلف معي ايدولوجياً او سياسياً
وانا متفق مع توت في رأيه - لن يينصلح حالنا ونحن مازلنا بهذه العقليات والتفكير
كم من السائقين بيسوقوا بالفهلوة - ومبدأهم الأستعجال - لاحظها في اي اشارة - اول لما الأشارة تفتح ياويلك لو ماكنتش مجهز الأولاني والأر بي ام بتاع عربيتك علي 8 - هتلاقي هيستريا وراك (كلاكسات علي تقليب نور)
لو عايز تنرفز اي سواق وراك شغل الأنتظار - لمس الفرامل وخلي اي نور احمر ينور ورا
بردو هتلاقي نفس الهيستريا
دي ثقافة شعب بحاله - الحكومة الجديدة بريئة من ثقافتنا الموروثة
دورهم الأن - منع استخراج الرخص بالرشاوي والضرب بيد من حديد علي كل من يسول له نفسه في تصعيب امر استخراج الرخص للمواطنين
2- الكشف الدوري علي السائقين وانعقاد اختبارات قيادة حاسمة لكل من ينوي استخراج رخصة قيادة مهنية
3- محاسبة عسيرة وتغليظ للعقوبات للمخالفات التي تنتمي لهذا النوع من المخالفات التي تدل علي تخلف السائق العقلي مثل كسر الأشارة والسير عكس المرور
4- تكثيف الحملات المرورية والأكمنة لضبط المخالفات والتعامل بعنف شديد مع سائقي المهني
دي شوية افكار بتدور في ذهني حالياً
اتمني تحقيقها حتي تتغير ثقافتنا ولو بقدر بسيط
تحياتي