السلام عليكم
عايز اعمل مطبخ بس معنديش فكرة عن انواع الخشب المستخدمة و لا عن انسب محل
المكان هيبقي في القاهرة الجديدة
عايز اعرف نصايحكم في نوع الخشب و نوع الدهان و لا الpvc
و اي معلومات مجهولة للواحد
عرض للطباعة
السلام عليكم
عايز اعمل مطبخ بس معنديش فكرة عن انواع الخشب المستخدمة و لا عن انسب محل
المكان هيبقي في القاهرة الجديدة
عايز اعرف نصايحكم في نوع الخشب و نوع الدهان و لا الpvc
و اي معلومات مجهولة للواحد
معظم الناس بتعمل مطبخ الومنيوم موش حشب عشان المياه والصراصير والكلام ده
ماعرفش حضرتك عاوز خشب فعلا ولا ايه لو الومنيوم بيختلف سعره حسب الحجم والمساحه واعتقد فيه المتر 700 الى 1500 حسب النوع والخامه وبالتوفيق
حاطط ميزانيه كام ومساحة المطبخ عندك كام متر؟؟
يشرفنى اتصالك
للمساعده والنصائح او للتنفيذ
01001154220
المطبخ 2.6 * 3.9 بعد السيراميك
و انا مش حاطط ميزانية معينة انا بحب اعمل الحاجة اللي تقعد بالسنين صح و ممكن ادفع الضعف في حاجة تستاهل بس طبعا بعيد عن قبنوري او عمر حلمي او الانواع الالماني و اكسسوارات بلوم الغالية
دلوقتى كله المونيوم و فيه حاجه اسمها تقريباا كده خسب مونيوم هو اسمه كده هو فبر بس فيه شكل و تضليعه الخشب
و ممكن ترو لحد بتاع مطابخ لو عاوز خشب بس و تشوف التصميمات الى عنده و لو حاجه عجبتك بيتخليه يشوف مطبخك و يرفع مقاسات و تنفذ
اما بالنسبة للاماكن اعذرنى مقدرش افيدك تعاىل المنصورة و انا اضبطك ليا زملائى شغالين فى الموضوع ده :]
هو اللي منتشر دلوقتي حسب ملقيت خشب مصنع و طبقة خارجية بي في سي او اكرلك و دة مبيدهنش
مش عارف انهي احسن كدة و لا الاكية الفرن او اي افكار
انا مش بحس بالالوميتال انة حلو الصراحة
اخدت امبارح لفة علي المحلات و الاسعار غالية تنين
يعني يا اما بالوحدات و في الاخر المطبخ بيعدي ال30 الف من غير رخامة حتي
يا اما بالمتر و ملقتش اقل من 1350 في مكرم عبيد و الالوميتال مقارب للخشب في السعر برضة
مش عارف هي مدينة نصر غالية كدة لية هو في اماكن ارخص الواحد يروحبها ولا يشوفلة نجار و يعملة عمولة احسن
و فين النجارين الكويسين في الكلام دة ؟
مفكو حلوان اسعاره كانت معقوله من كام سنه
وجوده منتجاته جيدة
في فرع في مكرم عبيد
يا باشا انت من القاهرة الجديدة عندك ورشة في رابعة العدوية بجوار فيوتشر مول عندهم حاجات جميلة واسعارهم كويسة جدا وبييجي يشوف المساحة عندك ويظبطهالك وشغلهم ما شاء الله تمام
متابع
بص يا باشا امام فيوتشر مول هتلاقي مركز رابعة العدوية ( مركز طبي - رياضي - اجتماعي ) هتلاقي هناك ورشة المهندس فتحي ورشة كبيرة جدا ماشاء الله وعنده معرض في السوق التجاري هناك وانا لسه عامل عنده مطبخ ولسه مستلمه امبارح وحاجة ما شاء الله روعة بس هو بطئ شوية في التسليم من كتر الضغط اللى عنده يعني لو حصل نصيب وانت مستعجل اوي لازم تكلمه بإستمرار ودا رقمه 01001107126
متشكرين يا باشا و الف مبروك
انا كنت في معرض امبارح في مدينة نصر و كان بيعمل العلب اليمنيتت و الضرف ام دي اف
انا عايز اعرف اية ال eliminated دة لانة بييجي مدهون جاهز هو اكيد صناعي طبعا بس معرفش حاجة عنة و الضلف ام دي اف لسهولة التشكيل و الرسم عليها عن الضرف الكونتر
ام دي اف
ده عبارة عن كارتون مقوي مينفعش مع المطبخ نهائي
السلام عليكم ورحمه الله
انا كنت عامل مطبخ منذ حوالى ثلاثه شهور تقريبا قبل رمضان - وكان الخشب كونتر وكان المتر تقريبا 650 جنيها من غير دهان الاوستر
دة دلوقتي طالع موضة العلي اليمنيتت بدل الكونتر و الضلف ام ديي اف بدل الخشب و علشان سهولة التشكيل او الضلف بتكون بست فورمينج
بس ياباشا انصحك لو سوف تشترى لازم يكون على الخشب اى غير مدهون و تشوفة بنفسك ثم الدهان
واحد صاحبى اشترى مطبخ من شركة متخصصة فقط فى المطابخ فقط و كلفة تقريبا 25000 جنية و مهندس يعاين و يرفع مقاسات و سفر طيران على حساب صاحب المطبخ و نقل بالشئ الفلانى
المهم بعد تسليم المطبخ و لهف باقى الفلوس احتاج الى عمل فتحة صغيرة فى سقف احدى القطع لتعدية خرطوم التكييف فاحضر نجار عادى و بالشنيور عمل الفتحة ووجدوا مانوعية الخشب لن تصصصصصصصصصصصصصصصصصدق
خشب حبيبى ايوة حبيبى
ماهو خشب الحبيبى؟ هو مصنع من الياف القصب و بيتم كبسة وهو من اسوأ الاخشاب و ارخصها و يتاثر من البخار و الماء ولا يمسك بة المسمار الدرفة جيدا
و لكن للامانة كان الدهان ممتاز علشان كدة ماحدش قدر يعرف نوعيتة الا بعد موضوع التكييف
اسف للاطالة والشرح ماتشتريش الا لما تشوفة قبل الدهان