أسباب ضعف السحب فى الفليشيا واخواتها ؟؟؟؟؟؟؟؟؟

السلام عليكم ورحمة الله وبركاته

مــــــــــــــــــــــــ ــــــــــوضوع للمنـــــــــــــــــــــ ــــــــــــاقشة

طبعا الموضوع دا بهم كل الفليشياوية واخواتها وهو أسباب ضعف السحب فى الفليشيا واخواتها انا ساقول بعد الأسباب التى تؤدى الى ضعف سحب العربية وعلى الزملاء المشاركين كلا يدلى بخبرتة لنستفيد ويستفيد الجميع....*

أولا :ضعف الأسطوانة والديسك....

ثانية : عدم ضبط الكهرباء والهواء للكربرتير....

ثالثا : انسداد بيكات البنزين ....

رابعا : انسداد فى فلتر البنزين ....*

خامسا : استهلاك المشاعل (البوجيهات )

سادسا : عدم ضبط التاكيهات ....*

سابعا : الشمايز وهذا لو ظهر دخان ابيض لاقد الله....*

ثامنا : البنزين المغشوش وما اكثرة فى هذا الزمان ....

تاسعا : انخفاض ضغط الهواء فى الاطارات ....

عاشرا : انسداد فى بوابات الكاربرتير ....*

دا اللى انا اعرفة الى الآن فهل هناك اسباب اخرى ؟؟؟؟؟؟؟؟؟؟

اولا شكرا علي الموضوع الاكثر من رائع

واحب اضيف حجات صغيره

1. انسداد الشكمان بيزود الحمل علي الموتور وبيضعف السحب
2. فلتر البنزين لو مسدود بردو ضغط البنزين بيقل
3. وكذلك طرمبة البنزين لو ضغطها ضعيف
4. نوعية الزيت المستخدمه
5. درجة حرارة الموتور
6. اسلاك البواجي
7. الوزن بداخل السياره

هفتكر الباقي وارد تاني

فيه حاجة مهمة كمان منظومة الفرامل لو فيها حاجة قفشة فى الأجهزة امامى ده بيقلل السحب والtop speed وبيسخن الأطارات الأمامية مما يؤثر على تأكل التيل والطنابير والرولمانبلى والكبالن !!

اقتباس:

---

المشاركة الأصلية كتبت بواسطة ahmed metwaly

اولا شكرا علي الموضوع الاكثر من رائع

واحب اضيف حجات صغيره

1. انسداد الشكمان بيزود الحمل علي الموتور وبيضعف السحب
2. فلتر البنزين لو مسدود بردو ضغط البنزين بيقل
3. وكذلك طرمبة البنزين لو ضغطها ضعيف
4. نوعية الزيت المستخدمه
5. درجة حرارة الموتور
6. اسلاك البواجي
7. الوزن بداخل السياره

هفتكر الباقي وارد تاني

---

شوف يابشمهند انسداد الشكمان بيسخن الموتور ولاكن لا يضعف السحب انما على ماظن انكسار الشكمان هو الذى يمكن ان يضعف السحب....

اما طلومبة البنزين مش عارف يعنى ايه ضغطها واطى مهو الطلومبة لو ضغطها خف العربيه حتقطع مش ضعف فى السحب....

نوعية الزيت دى اعراضه ارتفاع صوت المحرك وارتفاع درجة حرارته بس مش عارف ممكن يضعف السحب ولا لاء

على فكرة الفليشيا كل لما بتسخن كل ماكان سحبها بسم الله مشاء الله على هى تصميممها كدا سحبها بيزيد مع سخونة الموتور بس الخوف على وش السلندر من الحرارة الزائدة....

وصلا تالمشاعل (البوجيهات اه ممكن تضعف السحب تمتم يابشمهندس

وكمان الزن الزائد بيضعف السحب
وبشكرك جزيل الشكر يابوحميد على سرعة التفاعل فى الموضوع

اقتباس:

---

المشاركة الأصلية كتبت بواسطة aw2100

فيه حاجة مهمة كمان منظومة الفرامل لو فيها حاجة قفشة فى الأجهزة امامى ده بيقلل السحب والtop speed وبيسخن الأطارات الأمامية مما يؤثر على تأكل التيل والطنابير والرولمانبلى والكبالن !!

---

تمام الله ينور عليك ........*

اقتباس:

---

المشاركة الأصلية كتبت بواسطة sakr1964

شوف يابشمهند انسداد الشكمان بيسخن الموتور ولاكن لا يضعف السحب انما على ماظن انكسار الشكمان هو الذى يمكن ان يضعف السحب....
ازاي يا باشا الشكمان لو مسدود العادم بيرجع تاني يحمل حمل علي البساتم وبكدا البستم بتكون حركته اتقل من الاول ودا مش بيتم الاحساس بيه علي غير بعد فتره وعشان كدا كل ما كان الشكمان مستقيم كل ما قل الرايش الموجود علي البستم
اما طلومبة البنزين مش عارف يعنى ايه ضغطها واطى مهو الطلومبة لو ضغطها خف العربيه حتقطع مش ضعف فى السحب....
مش شرط تقطع
نوعية الزيت دى اعراضه ارتفاع صوت المحرك وارتفاع درجة حرارته بس مش عارف ممكن يضعف السحب ولا لاء
نوع الزيت لو مش مناسب والترسيب الخاص بالزيت بيأثر علي سحب العربيه
على فكرة الفليشيا كل لما بتسخن كل ماكان سحبها بسم الله مشاء الله على هى تصميممها كدا سحبها بيزيد مع سخونة الموتور بس الخوف على وش السلندر من الحرارة الزائدة....
ممكن تكون كدا بس انا عربيتي "الله يرحمها" كان ادائها متميز في كل الاوقات :iloveu:

وصلا تالمشاعل (البوجيهات اه ممكن تضعف السحب تمتم يابشمهندس

وكمان الزن الزائد بيضعف السحب
وبشكرك جزيل الشكر يابوحميد على سرعة التفاعل فى الموضوع
ربنا يخليك يا باشا وان شاء الله يكون موضوع يتفاعل فيه الجميع

---

كلام محترم 100%
وهزود عليه حاجة مهمة ومخفية
ظبط زوايا العجل
لو ظبط الزوايا غلط وفتح المسافه زيادة بين الاطارات هيضعف السحب جدا بطريقة ملحوظة

بس فى حاجة ملحوظة فى العربية مش عارف عندكم ولا عندى بس
سحب العربية جميل عندى وبجرى فى الطريق مجرد ادوس بنزين لكن الغريب انى لما اطلع كبرى خصوصا لما اكون على الثالث ويكون فى حد راكب معايا العربية مش اخدة راحتها وتجميعها وسحبها بيقل كتير خصوصا لما يكون الطريق مش فاضى اوى على الكبرى ولازم امشى على الثالث ولما الطريق يفضى مرة واحدة على الكبرى العربية بتجمع بصعوبة من الثالث الى الرابع او من الثانى الى الثالث وممكن العربية اللى خلفى تزمر متصورة انى ماشى برحتى ؟
انا بحس ان العربية ثقيلة اكن حد بيسحبها من ورا؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة adiaa222

كلام محترم 100%
وهزود عليه حاجة مهمة ومخفية
ظبط زوايا العجل
لو ظبط الزوايا غلط وفتح المسافه زيادة بين الاطارات هيضعف السحب جدا بطريقة ملحوظة

بس فى حاجة ملحوظة فى العربية مش عارف عندكم ولا عندى بس
سحب العربية جميل عندى وبجرى فى الطريق مجرد ادوس بنزين لكن الغريب انى لما اطلع كبرى خصوصا لما اكون على الثالث ويكون فى حد راكب معايا العربية مش اخدة راحتها وتجميعها وسحبها بيقل كتير خصوصا لما يكون الطريق مش فاضى اوى على الكبرى ولازم امشى على الثالث ولما الطريق يفضى مرة واحدة على الكبرى العربية بتجمع بصعوبة من الثالث الى الرابع او من الثانى الى الثالث وممكن العربية اللى خلفى تزمر متصورة انى ماشى برحتى ؟
انا بحس ان العربية ثقيلة اكن حد بيسحبها من ورا؟؟؟؟؟؟؟؟؟؟؟؟؟

---

نفس المشكلة عندي

اقتباس:

---

المشاركة الأصلية كتبت بواسطة adiaa222

كلام محترم 100%
وهزود عليه حاجة مهمة ومخفية
ظبط زوايا العجل
لو ظبط الزوايا غلط وفتح المسافه زيادة بين الاطارات هيضعف السحب جدا بطريقة ملحوظة

بس فى حاجة ملحوظة فى العربية مش عارف عندكم ولا عندى بس
سحب العربية جميل عندى وبجرى فى الطريق مجرد ادوس بنزين لكن الغريب انى لما اطلع كبرى خصوصا لما اكون على الثالث ويكون فى حد راكب معايا العربية مش اخدة راحتها وتجميعها وسحبها بيقل كتير خصوصا لما يكون الطريق مش فاضى اوى على الكبرى ولازم امشى على الثالث ولما الطريق يفضى مرة واحدة على الكبرى العربية بتجمع بصعوبة من الثالث الى الرابع او من الثانى الى الثالث وممكن العربية اللى خلفى تزمر متصورة انى ماشى برحتى ؟
انا بحس ان العربية ثقيلة اكن حد بيسحبها من ورا؟؟؟؟؟؟؟؟؟؟؟؟؟

---

المشكلة اللى عندك دى من نوعية البنزين اللى حضرتك بتحطه لو عاوز تشوف امكانيات الفليشيا وخصوصا لو الموتور عندك حالته كويسه حطلها بنزين 92 واضبط كهربة العربية عليه بس لازم الأول تحرق منه تفويله علشان الموتور والشكمان ينظف من اى أوساخ حتلاقى الموتور صوتة نعم قوى وسحب خرافى خصوصا لو بتستعمل زيت شل الأصفر انا جربت البنزين 92 صراحة العربية كانت مجنونة مجنونة ملحوظة عربيتى كومبى بمعنى فى فرق 100 كجم زيادة فى الوزن !!

اقتباس:

---

المشاركة الأصلية كتبت بواسطة aw2100

المشكلة اللى عندك دى من نوعية البنزين اللى حضرتك بتحطه لو عاوز تشوف امكانيات الفليشيا وخصوصا لو الموتور عندك حالته كويسه حطلها بنزين 92 واضبط كهربة العربية عليه بس لازم الأول تحرق منه تفويله علشان الموتور والشكمان ينظف من اى أوساخ حتلاقى الموتور صوتة نعم قوى وسحب خرافى خصوصا لو بتستعمل زيت شل الأصفر انا جربت البنزين 92 صراحة العربية كانت مجنونة مجنونة ملحوظة عربيتى كومبى بمعنى فى فرق 100 كجم زيادة فى الوزن !!

---

انا بحطلها على طول 92 وعشان كدة سحبها ممتاز فى الطريق على اى غيار ولكن المشكلة على الكبارى لما اكون ماشى بطئ واحاول اسرع وانا على الكبرى ويكون معايا واحد راكب اما لو انا لوحدى العربية سحبها مش بطال على الكبرى؟؟؟؟

لو صوت الموتور بيعلى وانت طالع الكوبرى والسحب ضعيف تبقى فية مشكلة فى مجموعة الدبرياش بمعنى الأسطوانة وحشة ولو بتحس ان الموتور مكتوم و مبيسحبش راجع على المشاكل اللى موجودة فى نفس المشاركة اعتقد ان فية مشكلة منها فى عربيتك وانصحك روح لميكانيكى متخصص سكودا وحيضبطها صح بقولك عربيتى بتتجنن مع البنزين 92 لدرجة انى على الكبارى لو قرصت عليها على الغيار التانى العجل بيفرك الأسفلت حتى لو محملها

اقتباس:

---

المشاركة الأصلية كتبت بواسطة aw2100

لو صوت الموتور بيعلى وانت طالع الكوبرى والسحب ضعيف تبقى فية مشكلة فى مجموعة الدبرياش بمعنى الأسطوانة وحشة ولو بتحس ان الموتور مكتوم و مبيسحبش راجع على المشاكل اللى موجودة فى نفس المشاركة اعتقد ان فية مشكلة منها فى عربيتك وانصحك روح لميكانيكى متخصص سكودا وحيضبطها صح بقولك عربيتى بتتجنن مع البنزين 92 لدرجة انى على الكبارى لو قرصت عليها على الغيار التانى العجل بيفرك الأسفلت حتى لو محملها

---

انا شاكر لردودك هو فعلا صوت الموتور بيعلى والسحب ضعيف بس انا مستغرب لو فى مشكلة فى الاسطوانة يبقى سحبها على الطريق العادى وحش بس الكلام دة مبيحصلش الا وانا طالع الكبرى فقط

اقتباس:

---

المشاركة الأصلية كتبت بواسطة adiaa222

انا شاكر لردودك هو فعلا صوت الموتور بيعلى والسحب ضعيف بس انا مستغرب لو فى مشكلة فى الاسطوانة يبقى سحبها على الطريق العادى وحش بس الكلام دة مبيحصلش الا وانا طالع الكبرى فقط

---

بص كدة يبقى الأسطوانة فى أولها لو غيرتها حتحس بفرق رهيب فى التسارع وفى نهاية مشوار الغيار وطلوع الكبارى والtop speed لان الأسطوانة البيظة بتاثر فى الحجات دى بالاضافة انها حتاكل الديسك وتبوظة بعد فترة من الأستعمال وخلى بالك كل دة بياثر فى معدل استهلاك البنزين لعربيتك كمان!!

شكرا على نصيحتك على العموم انا رايح لمحمد اصلان وهشوف المشكلة فى اية لانى ملاحظ ان صوت العربية زايد من فترة

موضوع هايل بارك الله فيكم مفيش كلام

علبة الشكمان عندى كانت مسدودة ودة كان بيأثر على السحب

موضوع رائع بجد بجد

ممكن كمان الترصيص باثر فى عملية السحب والسرعه