الموضوع: خبطه عجيبه ( صور )

ودى حصلت ازاى دى ؟؟؟؟؟؟؟؟؟؟؟؟؟؟؟؟؟؟؟؟؟؟؟

في حته وحشة اووي العتب !!
شوف سمكري شاطر جداً يمخمخ فيها ويظبطهالك علي قد مايقدر

ازاى دى العتبه اللى المفروض ماسكه العربيه اتقطعت ده صاج بفره ده ولا ايه ؟؟

هى العربيه دى كورى ؟؟

وعموما اى سمكرى شاطر حيعملهالك من غير ما يقطع فى الصاج حيلم الصاج المقطوع ده ويلحمه ويصروخه بعد كده
المشكله انك حتمعجن وترش بعده بس ممكن ترش الجزء ده بسسسس بش دى عاوزه بتاع دوكو شاطر اوى عشان ميبينش ان فيه جزء مرشوش وجزء لا بدل ما ترش العتبه والباب كله واللى يجى يشترى العربيه بعدك يفتكرها عامله حادثه او انت مغير العتبه

الابواب مفيهاش مشكلة القشرة هتتفرتك من الدوسرة اللي جوة و باللفيه المعلقة عيعدل القشرة بتاعت الباب والعضم وهتتقفل من غير لحام بفلتو وتتنعم بالصاروخ وتلاش طرف الابواب بس...
المشكلة في القايم حظك يبقه حلو لو العلبة دي مفرغة من جوة مكان جهاز حزام الامان هيعرف يعدلها باللافيه ويدها كام بنطة نحاس لان الصاج ده خفيف جدا وهيعوم من اللحام الاستلين وبعد كده تتنعم وتاخد استوك فيبر عشان الجرح العميق اللي في باقي العتبة وتشوف واحد دكتور دوكو لانه لو بان الرش العربية هتتعاب وحدش هيصدق انها حتة صغيرة....وموفق بأذن الله

طبعا هيونداى مشهود ليها بصناعة الصاج الورق

بس معظم العربيات الحديثة صاجها ورق

صاج العتب مش هو الدليل على قوة العتبة الصاج بيبقى وراه فراغ وبيبقى محمل شوية عن صاج الباب بس أى خبطة تفعص أجدعها عتبة لأجدع عربية :)

لو ينفع حاجة تتلزق بنفس اللون للمنطقة اللى جوا الباب دى تبقى أحسن من الرش والكلام دا بحيث إنها تخفى الشكل دا ومن ناحية تانية تمنع الصدأ

يا جدعان العتبه مقطوووووووووعه عارفين يعنى ايه ؟؟؟؟
تطبق وتتفحص عادى لكن تتقطع بالشكل ده عارفين ده معناه ايه ؟؟؟؟

وانا بسأل كورى لان كوريا سمعتها سابقاها هى والصين فى الصاج الخفيف واللى يقول غير كده يبقى بيدافع عن الباطل وخلاص

معلش مش حدخل فى جدال بس يكفى ان وزن اللانوس والفيرنا 850 كيلو تقريبا ووزن الفيات سيينا اقل حاجه فى الفيات الحديث اكتر من طن وشويه شوفو انتو بقى الفرق ده راح فين