الموضوع: ★*... هو ازعاج المصري ...*★ واجب وسنة ولا فرض كفاية !!

المشاركة الأصلية كتبت بواسطة ahmed_adham

المهم ان بتاع الانابيب ده بيفضل يخبط ومش بيسمع حد بينادي عليه عشان عايز أنبوبه! بتحصل كتير وأفضل أنادى وهوه شغال خبط وماشي لحد ما يطلع من الشارع زي ما يكون هوه نازل عشان يخبط مش عشان يبيع.

ههههههههههههه
ده انا بشغل العربية وافضل اجري وراه علشان اوقفوا .... بيفضل يخبط على الانبوبة. تقلش عاوز يخرمها .... والي يجننك يفضلوا يلفوا طول النهار والليل. على تك تك تك تك تك عليها. واول ما الانبوووبة تفضى. تفضل تدعي ربك وتقول يارب انبوووبة هما مبقووش يعدوو ليه ههههههههه

ولو حتى مشغل قرأن مش المفروض يبقى الصوت عالي ويزعج الناس يعني مش معنى اني عايز أسمع قران اني اجبر كل مخاليق ربنا انها تسمعه معايا لأن كل واحد بيعمل حاجه غير التاني يعني في الوقت اللي انت بتسمع فيه قرأن فيه واحد تاني لسع راجع من شغله وعايز يرتاح شويه وواحد تاني مريض مش هيستحمل صوت عالي.

المفروض أصلا شغل الصوانات بتاعت العزا والقرأن اللي بيشتغل بصوت عالي ده يتلغي. هوه الاذان وبس وخطبه الجمعه كمان تبقى بسماعات داخليه في المسجد نفسه مش ميكروفونات كبيره. ده حتى كان الشيخ مبروك عطيه بيقول مره ان لو مسجدين قريبين من بعض المفروض واحد فيهم بس اللي يأذن لأنهم بيشوشرو على بعض والاذان مبيتسمعش كويس.

ربنا يهدي الجميع للأصلح لكافه المسلمين والناس تفكر فى الي حواليهم مش في نفسهم وبس.

جالنا مره شيخ من الازهر في خطبة من الخطب الجمعة وقال للمؤزن. مفيش حتى اذان اول ... الجمعة ليها اذان واحد بس وبعدين فوراً الشيخ يصعد المنبر .... قام المؤذن بقه يسمع الكلام. وعلشان ينبه الناس ان النهرده الجمعة بقة يشغل الراديوا على ميكروفون الجامع الخارجي من الساعة ٨ الصبح على الصبح

وياه بقة اديك عارف مستوى المساجد عندنا في المدن الحديثة شكلها ايه كبيرة بسم الله مشاء الله وميكروفونات كلها حديثة وسمعات كلها جديدة .... المشكلة الحقيقة اننا معندناش امام ثابت في المسجد. اغلب الصلاوة بيئديها الاكبر سناً او الاكثر حفظاً .... والجمعة. كزالك وزارة الاوقاف كل جمعة تبعتلنا شيخ جديد فمبيعرفش ايه اخر خطبة اتقالت المرة الي فاتت ... ده حتى مره جبولنا شيخ اندونيسي. اظاهر طالب لسة طازة في كلية الازهر فشفوه فاضي قالوا اطلع على اكتوبر.

وكلو كوم وشيخ شاب جديد. يوم الجمعة يطلع على المنبر يقعدلك سااااااااااعة وربع خطبت الجمعة. وربع ساعة صلى وبعد الصلى يعمل اكسترا خطبة المشكلة مش في الساعه وربع .... المشكلة اننا بنبقى قاعدين وسامعين كلنا المساجد الي جمبنا مسجد ورى التاني كلهم خلصوا. وقالوا السلام عليكم ورحمت الله السلام عليكم ورحمت الله واحنا شيخنا لسه مقعدش استراحة. ... والمشكلة التانية انو بيقعد يزعق ويسررررررخ. وفي نفس الوقت بيتكلم عشرين كلمة في الثانية ... وفوق ده وده. عندنا في الجامعة نظام صدى الصوت. يعني انتا بتقعد ساعة وربع متفهمش حاجة نهائي غير كلمة ( صلى الله عليه وسلم ) هيا دي الكلمة الوحيدة الي مفهومة ... طبعاً السكان زهقت. من كتر الشكاوي. في الوزارة. ... ومنهم الي مسك الامام بعد الخطبة. واتخانق معاه والناس قعدت تحوووش ... ده حتى الناس الكبار في السن العوجيز مسكتوش. بيقولوا حرام عليك يا اخي وطي صوتك شوية واتكلم شوية شوية يمكن نفهم انتا بتقول ايه وهو مفيش فايدة .... لدرجة اني فكرت اجيب كميرة فيديو واصور خطبة الجمعة وبعد الصلاة اقولوا ياشيخنا ادي فلاشة اهي مصور عليها خطبة الجمعة بتاعتك كاملة خودها وشوفها لو فهمت حاجة. بحق .... بس كلنا بقينا نكبر دماغنا ونروح نصلي في الحصري او في مسجد الي عند المرشدي او عماد راغب. بس في الغالب بقوو الاهالي يعقدوا لابسين وجهزين واول مالشيخ يقول اقول قولي هذا واستغفر الله العظيم لي ولكم على طول نجرررري على الجامع . ... شيخ مشهور جداااااً لو حد بيصلي وراه هيعرف انا بتكلم بالزبط عن مين .... بس بصراحة وزراة الاوقاف ابتدت تهتم وتجبلينا مشايخ كويسين جدااااااً بس خسارة انهم مش ثابتين عندنا.

برة بيوفروا سكن فاخر للامام. بحيث يكون مقيم بجوار المسجد وبيوفرولوا دخل محترررررم. مش عندنا هنا في المدن الحديثة شاورلي على جامع واحد موفر سكن للامام او فيه امام ثابت عندنا.

بس نقول ايه ربنا يصلح الحال يارب ... لان صلاح الامة. هيبتدي بالاهتمام. بدوور العبادة .... والامام. ليه دور كبيرررر في اي مكان .... زي مكانت الشيخ خالد كده عندنا وقربوا من الشباب. يقدر يوصل الدين والقيم العليا والمثلى من حب الناس ليه واحترامهم ليه .... ربنا يخليه لينا يارب .... وتحياتي